Abdulla Qədirov

Vikipediya, azad ensiklopediya
Jump to navigation Jump to search
Abdulla Qədirov
Abdulla Qədirov.png
bayraqAzərbaycan SSR Nazirlər Soveti sədrinin müavini — Dövlət Plan Komitəsinin sədribayraq
2 dekabr 1977 — 21 oktyabr 1979
Sələfi Hilal Əsədov
Xələfi Sabit Abbasəliyev
bayraqAzərbaycan Kommunist Partiyası Bakı Şəhər Komitəsinin birinci katibibayraq
1966 — 1970
Sələfi Nəsrulla Nəsrullayev
Xələfi Əli Kərimov
bayraqAzərbaycan Kommunist Partiyası Nərimanov Rayon Komitəsinin birinci katibibayraq
1958 — 1959
Şəxsi məlumatlar
Doğum tarixi 1914
Doğum yeri
Vəfat tarixi 21 oktyabr 1979(1979-10-21)
Vəfat yeri
Dəfn yeri
Partiya
Təhsili
Hərbi xidmət
Rütbəsi kiçik leytenant[d]

Təltifləri "Qırmızı əmək bayrağı" ordeni "Qırmızı əmək bayrağı" ordeni "Şərəf nişanı" ordeni "Qafqazın müdafiəsinə görə" medalı

Abdulla Murad oğlu Qədirov (1914, Şamaxı21 oktyabr 1979, Bakı) — Azərbaycan-sovet dövlət xadimi, Azərbaycan SSR Nazirlər Soveti sədrinin müavini — Dövlət Plan Komitəsinin sədri (1977–1979), Azərbaycan Kommunist Partiyası Bakı Şəhər Komitəsinin (1966–1970) və Nərimanov Rayon Komitəsinin (1958–1959) birinci katibi.

Həyatı[redaktə | mənbəni redaktə et]

Abdulla Murad oğlu Qədirov 1914-cü ildə (başqa mənbədə 1916-cı ildə[1]) Şamaxı şəhərində anadan olmuşdur. O, 1922-ci ildə Bakıda orta məktəbə daxil olmuş və 1931-ci ildə həmin məktəbi bitirdikdən sonra Basqal kəndində kitab mağazasında işləyərək komsomol sıralarına qoşulmuşdur. 1932–1938-ci illərdə Azərbaycan Sənaye İnstitutunda təhsil aldıqdan sonra "Bakinski raboçi" zavodunun konstruktor-mühəndisi və baş müxanikin müavini təyin olunmuşdur.[2]

Böyük Vətən müharibəsi ərəfəsində Abdulla Qədirov iki il "Azneftmaş" trestinin avadanlıqlar üzrə baş mühəndisi, həmin trestin Stalin adına zavodunun baş mühəndisi vəzifəsində çalışmış, Böyük Vətən müharibəsi illərində trestdə və "Azneftmaşın" zavodlarında yeni maşınların mənimsənilməsi sahəsində baş mühəndis olmuşdur. Müharibədən sonra Abdulla Qədirov Budyonnı adına maşınqayırma zavodunun baş mühəndisi, Neft MEMİ-nin Bakı filialının, sonra isə "Azneftmaşın" Bakı traktor təmiri zavodunun direktoru vəzifələrində çalışmışdır.[2]

Abdulla Qədirov 1955–1956-cı illərdə Keşlə Rayon Zəhmətkeş Deputatları Soveti İcraiyyə Komitəsinin sədri seçilmiş, sonra isə 1957-ci ilədək Şmidt adına maşınqayırma zavodunun baş mühəndisi olmuşdur.[2] 1958–1959-cu illərdə isə Azərbaycan Kommunist Partiyası Nərimanov Rayon Komitəsinin birinci katibi işləmiş, 1960-cı ildə Azərbaycan Kommunist Partiyası Təftiş Komissiyasının sədri, 1960–1963-cü illərdə Sov.İKP Mərkəzi Komitəsinin təlimatçısı, 1964–1965-ci illərdə isə Sov.İKP MK Zaqafqaziya bürosunun inspektoru olmuşdur. 1966-cı ildən Azərbaycan Kommunist Partiyası Bakı Şəhər Komitəsinin birinci katibi vəzifəsində çalışmışdır.[3]

Abdulla Qədirov 1970-ci ildə Azərbaycan SSR Dövlət Plan Komitəsi sədrinin birinci müavini təyin edilmiş, 1977-ci ildən isə Azərbaycan SSR Nazirlər Soveti sədrinin müavini — Dövlət Plan Komitəsinin sədri vəzifəsində işləmişdir.[1]

Abdulla Qədirov 1941-ci ildən ÜİK(b)P (Sov.İKP) üzvlüyünə qəbul edilmiş, 7-ci çağırış SSRİ Ali Sovetinin, 5 və 9-cu çağırış Azərbaycan SSR Ali Sovetinin deputatı seçilmişdir.[4] 1966–1967-ci illərdə Azərbaycan Kommunist Partiyası Mərkəzi Komitəsinin Siyasi Bürosunun üzvlüyünə namizəd, 1967-ci ildən isə üzvü olmuşdur.[3] İki dəfə "Qırmızı əmək bayrağı" ordeni, "Şərəf nişanı" ordeni, eləcə də SSRİ medalları ilə təltif edilmişdir.[5]

Abdulla Qədirov uzun sürət ağır xəstəlikdən sonra 21 oktyabr 1979-cu ildə vəfat etmişdir.[5] Oktyabrın 23-də Fəxri Xiyabanda dəfn olunmuşdur.[6]

İstinadlar[redaktə | mənbəni redaktə et]

  1. 1 2 Qədirov Abdulla Murad oğlu // Fəxri Xiyaban. Bakı: Heydər Əliyev Fondu. 2007. səh. 122.
  2. 1 2 3 Абдулла Мурад оғлу Гәдиров // Азәрбајҹан ССР Али Совети депутатларынын тәрҹүмеји-һаллары. Бешинҹи чағырыш: 15 март 1959-ҹу ил. Бакы. 1960. С. 88.
  3. 1 2 Kadyrov, Abdulla Muralogly // Prominent personalities in the USSR (ingilis). Metuchen, New Jersey: Scarecrow Press. 1968. səh. 229.
  4. Гәдиров Абдулла Мурад оғлу // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 77.
  5. 1 2 А. М. Гәдиров // Коммунист. № 243 (17282). 23 октјабр 1979-ҹу ил. С. 3.
  6. А. М. Гәдировун дәфни // Коммунист. № 244 (17283). 24 октјабр 1979-ҹу ил. С. 3.

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]