Abdulla bəy Asi

Vikipediya, azad ensiklopediya
Naviqasiyaya keçin Axtarışa keçin
Abdulla bəy Asi
Abdulla bəy Əli bəy oğlu Fuladov
Doğum tarixi
Doğum yeri Şuşa, Şuşa qəzası, Yelizavetpol quberniyası, Rusiya imperiyası
Vəfat tarixi
Vəfat yeri Şuşa, Şuşa qəzası, Yelizavetpol quberniyası, Qafqaz canişinliyi, Rusiya imperiyası
Dəfn yeri
Vətəndaşlığı
Atası Əli bəy Fuladov
Anası Nənuş xanım
Fəaliyyəti şair
Vikimənbənin loqosu Abdulla bəy Asi Vikimənbədə

Abdulla bəy Əli bəy oğlu Fuladov — öz dövrünün ziyalısı, şair, mütəfəkkir. Əli bəy Fuladovun oğlu, İbrahim bəy Azərin kiçik qardaşı və Qasım bəy Zakirin nəvəsi.

Həyatı[redaktə | mənbəni redaktə et]

Abdulla bəy Asi Əli bəy və Nənuş xanımın ailəsində 1841-ci ildə Şuşada anadan olmuşdur. Atası Əli bəy məşhur Azərbaycan şairi Qasım bəy Zakirin oğlu olmuşdur. Bundan başqa, Abdulla bəyin kiçik qardaşları İbrahim bəy AzərXudadat bəy Poladov da şair olmuşdur. Erkən yaşda atasını itirdiyinə görə babası Qasım bəy Zakirin himayəsində böyümüşdür. Ailə kökən olaraq Qarabağ xanları nəslindən gəlməkdədir.[1]

İlk təhsilini Şuşa şəhərində almış, daha sonradan mədrəsədə təhsilini davam etdirmişdir.

Erkən yaşlarından şeirlər yazmağa başlamış və Azərbaycan dilindən başqa, ərəb, fars dillərində də şeirlər yazmışdır. Gəncliyində Əlişir Nəvainin əsərlərini oxumuş, bu əsərlərdən Çağatay dilini öyrənmiş və bu dildə bir neçə qəzəl də yazmışdır. Mir Möhsün Nəvvabla birgə Şuşada şairlər məclisi kimi fəaliyyət göstərən Məclisi-fəramuşanın qurucusu və aktiv üzvü olmuşdur. Bundan baqa, bir digər ədəbi məclis olan Beytüs-Səfa üzvləri və Seyid Əzim Şirvani ilə yaxından əlaqə saxlamışdır.[2]

Şeirlərində fanatik düşüncəli insanları və feodal adətlərini kəskin tənqid etmişdir. Şeirlərinin bir çoxu dövrümüzə qədər gəlib çatmamışdır. Dövrümüzə gəlib çatanlar isə, daha çox qəsidəmərsiyə üslubunda yazdığı şeirlərdir. Abdulla bəy Asinin şeirləri ilk dəfə Firudin bəy Köçərli tərəfindən "Azərbaycan ədəbiyyatı" əsərində yayımlanmışdır.[3]

1874-cü ildə Şuşada vəfat etmişdir.

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. Əsgərli, Zaman. Антология азербайджанской народной литературы. Baku: Şərq-Qərb. 2005. 272. ISBN 9952-418-69-5.
  2. "Абдулла-бек". Литературная энциклопедия. 1929. 2004-06-02 tarixində arxivləşdirilib.
  3. Garayev, Nasraddin. Poetik məclislər. Baku. 1987. 526.