Abdullah ibn Əhməd ibn Hənbəl

Abdullah ibn Əhməd ibn Hənbəl
ərəb. عبد الله بن أحمد بن حنبل‎
Doğum tarixi	1 sentyabr 828(0828-09-01)
Doğum yeri	Bağdad
Vəfat tarixi	903(0903) (74–75 yaşında)
Vəfat yeri	Bağdad, İraq, Abbasilər xilafəti
Atası	Əhməd ibn Hənbəl
Elm sahələri	fiqh, hədis elmi[d]
Tanınmış yetirmələri	Nəsai

Əbu Əbdürrəhman Abdullah ibn Əhməd ibn Məhəmməd ibn Hənbəl əş-Şeybani (ərəb. عبد الله بن أحمد بن حنبل‎; 1 sentyabr 828, Bağdad – 903, Bağdad, İraq, Abbasilər xilafəti) — Əhməd ibn Hənbəlin kiçik oğlu və tələbəsi.

Bioqrafiyası

Hicri 213-cü (828) ildə Bağdadda doğulub. O, atası Əhməddən, Yəhya ibn Maindən, Əbu Bəkr ibn Əbu Şeybədən, Osman ibn Əbu Şeybədən, Əbu Heysəmə Züheyr ibn Hərbdən və Süfyan ibn Vəki ibn Cərrahdan dərslər almışdır.

Atası Əhməd, məşhur əsəri "əl-Müsnəd"i ilk növbədə xüsusi olaraq Abdullaha oxumuşdur. Abdullahdan hədis rəvayət edənlər Nəsai, Əbül-Qasım əl-Bəğavi, Məhamili, Əbu Əli əs-Səvvaf və Əbu Bəkr əl-Qətii kimi mühəddislərdir.

Mənbələrdə "Üstad oğlu üstad" deyə təriflənən Abdullahın hədis biliyini atası da təqdir etmişdir. Hətta bilmədiyi hədisləri onunla müzakirə etdiyi deyilmişdir. Belə ki, Nəsai və Darəqutni kimi iki hədis tənqidçisi də, Abdullahın "siqa" olduğunu söyləmişlər.

Atası Əhmədin fiqh, əqaid və əxlaqla bağlı görüşlərini tələbələr içində ən yaxşı cəmləyən də yenə Abdullah olmuşdur. Onun atası Əhməddən rəvayət etdiyi "Fəzailu Osman ibn Əffan", "Kitabüs-Sünnə" və "Müsnədül-Ənsar" dövrümüzə qədər gəlib çatmışdır.

Abdullah, atası kimi 77 yaşında Bağdadda vəfat etmişdir. Ölüm tarixi hicri 290-cı (903) ildir.

Həmçinin bax

• Osman ibn Əbu Şeybə