Məzmuna keç

Abdullah ibn əl-Mübarək

Vikipediya, azad ensiklopediya
Abdullah ibn əl-Mübarək
ərəb. عبد الله بن المبارك‎
Doğum tarixi 736(0736)[1]
Doğum yeri
Vəfat tarixi 797(0797)[2] (60–61 yaşında)
Vəfat yeri
Elm sahələri tarix, fiqh, hədis elmi[d]
Tanınmış yetirmələri Yəhya ibn Məin, İbn Əbu Şeybə, Əbu Davud

İbni-Mübarək (ərəb. عبد الله بن المبارك‎) kimi tanınan Əbu Əbdirrəhman Abdullah ibn əl-Mübarək ibn Vəzih əl-Hənzəli əl-Mərvəzi (736[1], Mərv – 797[2], Hit) — müsəlman ilahiyyatçı və hədis alimidir.

O, 736-cı ildə Mərvdə anadan olub. Atası türk olan Abdullahın, anasının da türk olması haqqında rəvayətlər var.[3]

O, 20 yaşında İslam elmlərini öyrənməyə başlayır. Onun ilk müəllimi ər-Rəbi ibn Ənəs əl-Xorasani olmuşdur. 758-ci ildən başlayaraq elm axtarışında İslam dünyasını gəzir. Süleyman ət-Taimi, Hişam ibn Urvə, əl-Əməş, Abdullah ibn Əvn, Əvzai, Əbu Hənifə, İbn Cureyc, Süfyan əs-Səvri, Şöbə ibn əl-Həccac, Malik ibn Ənəs, əl-Leysdən ibn Səd, İsmayıl ibn Əyyaş, Süfyan ibn Uyeynə və bir çox başqalarından hədis öyrənmişdir. Tələbələrinin çoxu ondan hədis nəql etmişlər: Əbu Davud, Yəhya ibn Main, İbn Əbu Şeybə, Əbdürrəzzaq əs-Səni, Yəhya əl-Qəttan, Əbdürrəhman ibn Mehdi və başqaları.

Abdullah ibn əl-Mübarək 797-ci ildə Ramazan ayının son ongünlüyündə vəfat edir və İraqın qərbindəki Hit şəhərində dəfn edilir.[4][5]

Abdullah ibn Mübarəkin qələmə aldığı əsərlər bunlardır:[3]

1. Kitabüz-Zöhd vər-Rəqaiq. Məhəmməd peyğəmbər, səhabələr və tabiin, ibadət, ixlas, təvəkkül, doğruluq, təvazükarlıq, qənaət kimi mövzular haqqında yazılmış əsərdir. Hindistanda (1966) və Livanda nəşr edilmişdir.

2. Kitabül-Cihad. Cihadın fəziləti, savabı və İslamdaki önəmi haqqında hədislərin cəmləndiyi və bu mövzuda qələmə alınmış ilk kitabdır. 262 hədisdən ibarət olan nüsxəsi N. Həmmad tərəfindən nəşr edilmişdir (Beyrut 1971).

3. əl-Müsnəd. Hadislə bağlı qələmə alınmış əsərdir. Zahiriyyə kitabxanasında saxlanılır.

4. Kitabül-Bir vəs-sila. Məlum olan yeganə nüsxəsi Zahiriyyə kitabxanasındadır.

5. əs-Sünən fil-fiqh. Fiqh haqqında yazılmış bu əsər dövrümüzə qədər gəlib çatmamışdır.

6. Kitabüt-Təfsir. Təfsir haqqında yazılmış kitabdır, lakin dövrümüzə qədər gəlib çatmamışdır.

7. Kitabüt-Tarix. Hədis ricalından bəhs edən bioqrafiq əsər olub, dövrümüzə qədər gəlib çatmamışdır.

Mənbələrdə Abdullah ibn Mübarəkin müəllifi olduğu, lakin dövrümüzə qədər gəlib çatmayan başqa əsərlərdən bəhs olunur. Bunlar aşağıdakılardır:

  • əl-Ərbaun,
  • Kitabül-İstizan,
  • Kitabül-Mənasik.
  1. 1 2 عبد الله بن المبارك ابن المبارك، 736‒797 // AlKindi.
  2. 1 2 OpenITI corpus. OpenITI.
  3. 1 2 TDV. İslam Ansiklopedisi, cild l (türk). 1988. 122–124.
  4. ↑ "عبد الله بن المبارك" (ərəb). 23 fevral 2014 tarixində arxivləşdirilib. İstifadə tarixi: 17 sentyabr 2014.
  5. ↑ "ابن المبارك" (ərəb). 15 avqust 2014 tarixində arxivləşdirilib. İstifadə tarixi: 17 sentyabr 2014.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Abdullah_ibn_əl-Mübarək&oldid=8415373"