Abdulqədir Abdullayev

Vikipediya, açıq ensiklopediya
Jump to navigation Jump to search
Olympic rings without rims.svg Boxing pictogram.svg Abdulqədir Abdullayev Boxing pictogram.svg
Abdulkadir Abdullayev Rio2016.jpg
Şəxsi məlumatları
Tam adı Abdulqədir Abdulla oğlu Abdullayev
Vətəndaşlığı Azərbaycan Azərbaycan
Doğum tarixi 17 iyul 1988 (1988-07-17) (31 yaş)
Doğum yeri
Boyu 188 sm.
Çəkisi 91 kq.
İdman növü Boxing pictogram.svg Boks
4 avqust 2016 tarixində yenilənib.

Abdulqədir Abdullayev (d. 17 iyul 1988) — Ləzgi əsilli Azərbaycanlı boksçu. Abdulqədir Abdullayev 2015-ci ildə Azərbaycanın paytaxtı Bakı şəhərində keçirilən I Avropa Oyunlarında qızıl, Qətərin paytaxtı Doha şəhərində isə keçirilən Dünya Çempionatında bürünc medal qazanıb.

Abdulqədir Abdullayev 29 iyun 2015-ci ildə 2015 Avropa Oyunlarında qazanılmış yüksək nailiyyətlərə və Azərbaycan idmanının inkişafında böyük xidmətlərinə görə Azərbaycan Respublikasının Prezidenti İlham Əliyevin sərəncamı ilə "Şöhrət" ordeni ilə təltif edilib.[1]

Abdulqədir Abdullayev 2011-2015-ci illərdə "Baku Fires" Pəşəkar Boks Klubunun heyətində Ümumdünya Boks Seriyasında 18 görüş keçirib və 16 qələbə qazanıb.

Həyatı[redaktə | əsas redaktə]

Abdulqədir Abdullayev 17 iyul 1988-ci ildə anadan olub. Abdulqədir Abdullayevin şəxsi məşqçisi Azərbaycanı 2000 Yay Olimpiya Oyunlarında təmsil edən Belarus əsilli Məhəmməd Arifhacıyevdir.

Karyerası[redaktə | əsas redaktə]

Abdulqədir Abdullayev birinci uğurunu 2011-ci ildə qazandı. O, Rusiyanın Mahaçqala şəhərində keçirilən "Umaxanov Memorialı"nda bürünc medal qazandı. Daha sonra o, Rusiyanın Xabarovsk şəhərində keçirilən "Korotkov Memorialı"nda gümüş medal qazandı. Elə həmin il, 2013-cü ildə Abdulqədir Abdullayev Azərbaycan Çempionatına qatıldı və 2-ci yeri tutaraq gümüş medal qazandı. 2015-ci il isə Abdulqədir Abdullayev üçün daha uğurlu oldu. O, Azərbaycanın paytaxtı Bakı şəhərində keçirilən I Avropa OyunlarınaQətərin paytaxtı Doha şəhərində keçirilən Dünya Çempionatına qatıldı və müvafiq olaraq qızıl və bürünc medal qazandı.

2015 Avropa Oyunları[redaktə | əsas redaktə]

Abdulqədir Abdullayev I Avropa Oyunlarında 1/8 final mərhələsində Macarıstanlı Adam Hamoriyə 3-0 hesabı ilə qalib gəldi və 1/4 final mərhələsində vəsiqə qazandı. O, 1/4 final mərhələsində Fransalı Paul Omba Biongolo ilə üz-üzə gəldi və 3-0 hesabı ilə qalib gələrək yarım-final mərhələsinə adladı. Ən azı bürünc medalı təmin edən Abdulqədir Abdullayev bu mərhələdə Rusiyalı Sadam Məhəmmədov ilə üz-üzə gəldi və rəqibinə 3-0 hesabı ilə qalib gələrək finala adladı. Finalda Abdulqədir Abdullayev rəqibi erməni əsilli Ukraynalı Gevorg Manukyan idi. Ukraynalı Gevorg Manukyan zədələndiyi üçün final qarşılaşmasına çıxmağdan imtina etdi və Abdulqədir Abdullayev 2015 Avropa Oyunlarının qızıl medalını qazandı. Qızıl medalı Abdulqədir Abdullayevə Azərbaycan Respublikasının Prezidenti İlham Əliyev təqdim etdi.

2015 Dünya Çempionatı

Abdulqədir Abdullayev 2015-ci ildə Qətərin paytaxtı Doha şəhərində keçirilən Dünya Çempionatında iştirak etdi. Dünya Çempionatında debüt edən Abdulqədir Abdullayev birinci görüşündə 1/8 final mərhələsində Əlcəzairli Çouaib Bouloudinat ilə üz-üzə gəldi və rəqibinə 3-0 hesabı ilə qalib gələrək növbəti 1/4 final mərhələsinə adladı. Bu mərhələdə o, Argentinalı Yamel Peraltanı 3-0 hesabı ilə məğlub etdi və yarım-final mərhələsinə adladı. Yarım-final mərhələsində Abdulqədir Abdullayev Kubalı Erislandi Savon ilə qarşılaşdı. Bu görüşdə Abdulqədir Abdullayev rəqibinə 0-3 hesabı ilə məğlub oldu və 2015 Dünya Çempionatını bürünc medal ilə başa vurdu.

Rio-de-Janeyro Olimpiadası[redaktə | əsas redaktə]

Abdulqədir Abdullayev 2016-cı ildə Braziliyanın Rio-de-Janeyro şəhərində baş tutacaq 2016 Yay Olimpiya Oyunlarında iştirak etmək üçün, həmin ilin aprel ayında Türkiyənin Samsun şəhərində keçirilən Avropa Olimpiya Təsnifat turnirinə qatıldı. Turnirdə Litvaİrlandiya boksçularını məğlub edən Abdulqədir Abdullayev yarım-final mərhələsində Böyük Britaniya boksçusuna məğlub oldu. Amma bu məğlubiyyətə baxmayaraq o, 2016 Yay Olimpiya Oyunlarına vəsiqə qazana bildi. Belə ki Abdulqədir Abdullayev bürünc medal uğrunda görüşdə I Avropa Oyunlarının finalında qalib gəldiyi Ukrayna boksçusu Gevorg Manukyana 3-0 hesabı ilə qalib gəldi və 2016 Yay Olimpiya Oyunlarında vəsiqə qazandı.

Mənbələr[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]