Adi bellardiya

Adi bellardiya
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superasterids Klad: Asterids Klad: Lamiids Dəstə: Dalamazçiçəklilər Fəsilə: Orobanşkimilər Triba: Rhinantheae Cins: Bellardiya Növ: Adi bellardiya
Beynəlxalq elmi adı
Bellardia trixago All., 1785
Şəkil axtarışı ITIS   33493 NCBI   315439

Adi bellardiya (lat. Bellardia trixago) — bitkilər aləminin dalamazçiçəklilər dəstəsinin orobanşkimilər fəsiləsinin bellardiya cinsinə aid bitki növü.

Adi bellardiya hündürlüyü 10-40 sm, gövdəsi düz, sadə, qısa sərt tüklərlə nahamar örtülmüş, yuxarı hissədə vəzicikli olan birillik ot bitkisidir.

Yarpaq

Yarpaqları qarşı-qarşıya düzülmüş, oturaq, uzunsov-neştərvari və ya neştərvarixətlidir, küt dişləri olan mişarlı dişləri vardır, hər iki tərəfdən basıq və qısa tüklüdür, yuxarı yarpaqlar gövdə həcmini artırandır.

Çiçək

Çiçəkləri demək olar ki, oturaqdır, sıx, qısa (daha sonra uzanan) sünbülşəkilli çiçək qrupunda toplanmışdır; çiçəkaltlığı yarpaqları enli, ürəkşəkilli-yumurtaşəkilli və ya ürəkşəkillineştərvaridir, sivriləşmişdir, kasacıqdan uzundur, yuxarıdakılar tamkənarlıdır. Tac fırfır və ya müxtəlif rəngdə olur.

Meyvə

Qutucuq bərk, yumurtaşəkilli və sivriləşmişdir, uzunluğu 10 mm olub, tüklüdür,kasacığa bərabərdir. Toxumları 0,5 mm-ə qədərdir, uzunsovdur, bükülmüşdür, uzununa qabırğalıdır.

May-İyun aylarında çiçəkləyir və iyun-iyul aylarında meyvə verir.

Azərbaycanda yayılması

Samur-Şabran oval., BQ şərq, Kür-Araz oval., Lənk. oval.,Lənk. dağ. Ovalıqdan orta dağ qurşağına qədər.

Yaşayış mühiti

Çəmənlərdə, bağlarda, dəniz kənarı qumluqlarda, çaqıl daşlı çaylarda rast gəlinir.