Adikə Soltanova

Vikipediya, azad ensiklopediya
Jump to navigation Jump to search
Adikə Soltanova
Soltanova Adikə Məcid qızı
Doğum tarixi (72 yaş)
Doğum yeri Ağdam
Vətəndaşlığı Azərbaycan
Milliyyəti azərbaycanlı
İxtisası fizika
Təhsili ali
Fəaliyyəti müəllim
Fəaliyyət illəri 1971-dən
Mükafatları “Baş müəllim” (1985), “Metodist müəllim” (1990), “İlin ən yaxşı müəllimi” (2003)

Adikə Soltanova – “Baş müəllim” (1985), “Metodist müəllim” (1990), “İlin ən yaxşı müəllimi” (2003)

Həyatı[redaktə | əsas redaktə]

Soltanova Adikə Məcid qızı 20 oktyabr 1948-ci ildə Ağdam rayonunda fəhlə ailəsində anadan olmuşdur. 1956-ci ildə 1 saylı Ağdam rayon orta məktəbinin birinci sinfinə getmiş və 1966-cı ildə həmin məktəbi müvəffəqiyyətlə bitirmişdir. Oxuduğu 10 il müddətində oxumağına və tərbiyəvi davranışına görə hər il “Fəxri fərmanla”la təltif olunmuşdur.

1966-cı ildə ADU-nun (indiki BDU) fizika fakültəsinə daxil olmuş 1971-ci ildə isə universiteti bitirmişdir. Təyinatla Ağcabədi rayonunun Hindarx kənd orta məktəbində fizika müəllimi işləmişdir. 1972-ci ilin iyununda ailə qurmağı ilə əlaqədar Ağdam rayonunun Əlağalı kənd orta məktəbində 6-11 siniflərdə fizika fənnini tədris etmişdir. İşlədiyi müddətdə kollektivin, valideynlərin və şagirdlərin dərin hörmətini qazanmışdır.

1985-ci ildə Ağdam RTŞ-si tərəfindən “Baş müəllim”, 1990-cı ildə isə “Metodist müəllim” fəxri adı ilə mükafatlandırılmışdır.

1993-cü ildən məlum hadisələrlə əlaqədar məcburi köçkün kimi Bakı şəhərində məskunlaşmışdır. 1995-ci ildən Nizami RTŞ-nin göndərişi ilə 12 saylı orta məktəbdə fizika müəllimi işləmiş, 2003-cü ildə “Təlim-tərbiyə prosesində, o cümlədən intereaktiv təlim metodlarının tətbiqinin psixoloji xüsusiyyətləri” mövzusuna aid məruzə ilə çıxış edərək Nizami rayonu üzrə müsabiqədə birinci yer tutmuşdur. Təhsil Nazirliyi tərəfindən I dərəcəli diplomla mükafatlandırılaraq həmin ildə “İlin ən yaxşı müəllimi” kimi şərəfli ada layiq görülmüşdür. 2004-cü ildə səhhəti ilə əlaqədar olaraq 33 saylı Ağdam rayon köçkün orta məktəbində müəllim kimi fəaliyyətini davam etdirmişdir.

Hal-hazırda BDU-nin 1 saylı yataqxanasında yerləşən həmin 33 saylı Ağdam rayon köçkün orta məktəbində müəllim işləyir.

Ailəsi[redaktə | əsas redaktə]

Adikə xanımın üç övladı var. Övladları ali təhsillidir.

Oğlu Cavad Əkbər oğlu Cavadzadə BDU-nin “Sosial elmlər və psixologiya” fakültəsinin “Siyasi iqtisad” ixtisasını bitirmişdir. Magistraturanı qurtarmış, hal-hazırda Xətai rayon ƏHSMM-də Baş məsləhətçi vəzifəsində işləyir.

İkinci oğlu Nəsimi Əkbər oğlu Cavadzadə Beynəlxalq Universitetin “Hüquq” fakültəsini bitirərək Heydər Əliyev adına AAHM-də “Baş müəllim” vəzifəsində işləyir.

Qızı Günay Əkbər qızı Cavadzadə BDU-nu bitirmişdir. Hal-hazırda Xətai rayon ƏHSMM-də mühasib vəzifəsində çalışır.

Mənbə[redaktə | əsas redaktə]