Adil İrşadoğlu

Vikipediya, açıq ensiklopediya
Keçid et: naviqasiya, axtar
Adil İrşadoğlu
Adil İrşad oğlu Əliyev
Adil-5.jpg
Doğum tarixi 1 noyabr 1953 (1953-11-01) (64 yaş)
Doğum yeri Flag of the Soviet Union.svg SSRİ
Flag of the Azerbaijan Soviet Socialist Republic.svg Azərbaycan SSR, Ağdam
Atası İrşad Məhəmməd oğlu Əliyev
Anası Qənirə Rüstəm qızı Rüstəmova
Uşaqları Fərhad, Elşad
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Milliyyəti Azərbaycanlı
İxtisası jurnalist
Təhsili Bakı Dövlət Universiteti
Əsərlərinin dili Azərbaycanca

Adil İrşadoğlu (tam adı: Adil İrşad oğlu Əliyev; d. 1 noyabr 1953, Ağdam, Azərbaycan SSRAzərbaycan jurnalisti, Azərbaycan Jurnalistlər İttifaqının üzvü (1980), Birinci Qarabağ müharibəsinin iştirakçısı, Qarabağ Əlillər Cəmiyyətinin fəxri üzvü,

Həyatı[redaktə | əsas redaktə]

Adil İrşadoğlu 1 noyabr 1953 ildə Ağdam şəhərində ziyalı ailəsində anadan olmuşdur. 1961-ci ildə Ağdam şəhər 1saylı orta məktəbə daxil olmuş, 1971 ildə həmin orta məktəbi əla qiymətlərlə başa vurmuşdur. Orta məktəbdə təhsil almaqla yanaşı, Üzeyir Hacıbəyov adına Ağdam şəhər Orta İxtisas Musiqi Məktəbində oxumuş (1968-1972), tar ixtisası üzrə bitirmişdir. S.M.Kirov adına Qırmızı Əmək Bayrağı ordenli Azərbaycan Dövlət Universitetinin (indiki Bakı Dövlət Universiteti) Jurnalistika fakültəsində ali təhsil almış (1972-1977), əla qiymətlərlə qurtarmışdır.[1]

Adil İrşadoğlu Azərbaycan Kommunist Partiyası Mərkəzi Komitəsinin göndərişinə əsasən, 1977-1997-ci illərdə Dövlət Televiziya və Radio Verilişləri Komitəsində kiçik redaktor, böyük redaktor və şöbə müdiri vəzifələrində işləmişdir.

Teleradio Verilişləri Komitəsinin rəhbərliyi ictimai işlərdəki səriştəliliyini nəzərə alaraq onu Azərbaycan Kommunist Partiyası Mərkəzi Komitəsinin Marksizm - Leninizm Universitetinə siyasi təhsil almağa göndərmiş, 1982-ci ildə həmin universiteti əla qiymətlərlə başa vurmuşdur.

Adil İrşadoğlu 1980-ci ildə Gənc Jurnalistlərin Moskva şəhərində keçirilən Ümumittifaq Müşavirəsinin iştirakçısı olmuşdur. 1980 ildən Azərbaycan Jurnalistlər İttifaqının üzvüdür.[1]

Adil İrşadoğlu Dağlıq Qarabağdan azərbaycanlıların sıxışdırılıb çıxarılmasının qarşısını almaq üçün 1989-cu ildə Şuşa şəhərinin teleötürücü stansiyasının nəzdində kiçik studiyanın yaradılmasında və erməni daşnaqlarına qarşı əks təbliğatın aparılmasında yaxından iştirak etmişdir. Həmçinin, dövlət televiziyasının hərbi vətənpərvərlik verilişləri baş redaksiyasının təşkil olunmasında və fəaliyyət göstərməsində əlindən gələni əsirgəməmişdir. Teleradio Verilişləri Komitəsində işlədiyi müddətdə 3000-dən çox veriliş hazırlayıb efirdə göstərmişdir. 1988 ildən bugünədək Qarabağla bağlı hadisələrdə yaxından iştirak etmişdir.

Birinci Qarabağ müharibəsinin iştirakçısıdır. Cəbhədən hazırladığı verilişlər yəqin ki, AzTV-nin arxivində indi də saxlanılır.[1]

Adil İrşadoğlu Dövlət Televiziya və Radio Verilişləri Şirkətində fəaliyyətinin son illərində cəbhə bölgələrindən, ön mövqedən canlı verilişlər hazırlayıb xalqımıza göstərməyi vətəndaşlıq borcu bilmişdir. Teleşirkətin 1-ci Qarabağ Müharibəsi arxivinin yaradılmasında yaxından iştirak etmişdir.

1997-ci ildə bir sıra subyektiv amillərlə bağlı 20 il can qoyduğu dövlət teleşirkətində işləməkdən imtina etmişdir. Teleşirkətdə işlədiyi zaman müxtəlif qəzet və jurnallarda maraqlı yazıları ilə çıxış etmişdir. Sonralar "Yeni dünya" qəzetinin baş redaktorunun birinci müavini, "De Fakto" qəzetinin yaradıcısı və ilk baş redaktoru, "Çempion"adlı həftəlik idman qəzetinin baş məsləhətçisi, "Sara - ekspress"qəzetinin məsul katibi, "Olaylar" qəzetinin baş direktoru, "Şans" qəzetinin baş direktoru, "Novıy mir" qəzetinin redaktoru, Qarabağ Əlillər Cəmiyyətinin orqanı olan "Əlillər" qəzetinin məsul redaktoru, Qarabağ Azadlıq Təşkilatının orqanı olan "Azad Qarabağ" qəzetinin məsul redaktoru və Azərbaycan İdman Jurnalistləri Assosiasiyasının vitse - prezidenti olmuşdur.

17 saylı Yasamal üçüncü seçki dairəsi üzrə 29 saylı seçki məntəqəsində 4 dəfə seçki komissiyasının katibi işləmişdir. Qarabağ Əlillər Cəmiyyətinin fəxri üzvüdür. Jurnalist - Müharibə Veteranları Assosiasiyası sədrinin birinci müavinidir. İctimai əsaslarla işlədiyinə görə, heç bir gəliri yoxdur. Hazırda " İrşad-Teleradio Verilişləri, Sənədli və Bədii Filmlər Kompaniyası " Məhdud Məsuliyyətli Cəmiyyətinin təsisçisi və baş direktorudur.[2]

Adil İrşadoğlu indi müstəqil jurnalist olaraq fəaliyyət göstərir. Aşağıdakılar onun şəxsi saytlarıdır :

Mükafatları[redaktə | əsas redaktə]

Adil İrşadoğlu hazırladığı verilişlərə görə, müxtəlif mükafatlara layiq görülmüşdür. Xalq təsərrüfatının inkişaf etdirilməsində yaxından iştirak etdiyinə görə, SSRİ XTNS Baş Komitəsinin 8 dekabr 1981 - ci il tarixli qərarına əsasən, xüsusi medalla təltif olunmuşdur. Respublikanın yenilikçi və səmərələşdiricilərinin xalq təsərrüfatının inkişaf etdirilməsindəki fəaliyyətini geniş və mütəmadi işıqlandırdığına görə, Yenilikçi və Səmərələşdiricilərin Ümumittifaq Cəmiyyəti Bakı Şəhər Sovetinin Fəxri fərmanına layiq görülmüşdür. Məhsuldar və keyfiyyətli əməyinə görə, Dövlət Televiziya və Radio Verilişləri Komitəsi sədrinin 5 noyabr 1987 - ci il tarixli qərarına əsasən, Fəxri fərmanla təltif edilmişdir. Ordumuzun formalaşmasında yaxından iştirak etdiyinə görə, "N" saylı hərbi hissə komandirinin 17 noyabr 1994 - cü il tarixli qərarına əsasən, Fəxri fərmana layiq görülmüşdür. Cəbhədə əsgər və zabitlərimizin həyatından hazırladığı salnamələrə görə, "N" saylı hərbi hissə komandirinin 1 avqust 1995 - ci il tarixli qərarına əsasən, "ŞAH İSMAYIL XƏTAİ" adına Fəxri fərmanla mükafatlandırılmışdır.[2]

Ailəsi[redaktə | əsas redaktə]

Atası İrşad Məhəmməd oğlu Əliyev (25.02.1924-13.03.1993) soy-kök etibarilə Ağdamın SarıhacılıSeyidli kəndlərindəndir. Qarabağ xanı Pənahəli xanın əqrabasıdır. Azərbaycanın görkəmli yazıçısı, dramaturqu və maarif xadimi Süleyman Sani Axundovun mənsub olduğu nəslin ləyaqətli nümayəndəsidir. Ömrünün axırınadək dövlət orqanlarında müxtəlif məsul vəzifələrdə çalışmışdır. Ağdamın erməni təcavüzkarları tərəfindən işğalı ərəfəsində, 1993 ilin mart ayında haqsızlıqlara tab gətirməyərək dünyasını dəyişmişdir. Ağdamın "Fəxri Xiyaban"ında dəfn edilmişdir.

Anası Qənirə Rüstəm qızı Rüstəmova (30.12.1932-27.09.2012) soy-kök etibarilə Ağdamın Xıdırlı kəndindəndir. 50 ildən çox Ağdam şəhər 2 saylı beynəlmiləl orta məktəbin hər iki bölməsində - Azərbaycan və rus bölməsində fizika - riyaziyyat fənnlərindən dərs demişdir. Azərbaycan Təhsil Nazirliyinin əmri ilə sonradan həmin məktəbin rus bölməsi ayrılaraq Ağdam şəhər 7 saylı orta məktəbə çevrilmiş və sərbəst fəaliyyət göstərmişdir. Qənirə Rüstəmova yataq xəstəsi olanadək Ağdam şəhər 7 saylı orta məktəbdə fizika - riyaziyyat müəlliməsi işləmişdir. O, məcburi köçkün həyatını Bakı şəhərində, övladı Adil İrşadoğlunun ailəsində yaşamış və bu ailənin gözü önündə dünyasını dəyişmişdir.

Məqalələri[redaktə | əsas redaktə]

  • 1. Ermənistan - Azərbaycan müharibəsi (Ortaq türk tarixi) - Xronoloji gerçäk tarix - 1.(Birinci märhälä : Başlanğıc (fevral 1988 – yanvar 1990 - ci illär)

http://realistadil.blogspot.com/2016/04/ermnistan-azarbaycan-muharibsi.html

  • 2. Ermənistan - Azərbaycan müharibəsi (Ortaq türk tarixi) - Xronoloji gerçäk tarix - 2.(yanvar 1990 - avqust 1991 - ci illär).

http://realistadil.blogspot.com/2016/04/ermanistan-azarbaycan-muharibasi.html

  • 3. Ermənistan - Azərbaycan müharibəsi (Ortaq türk tarixi) - Xronoloji gerçäk tarix - 3.(avqust 1991 - may 1992 - ci illär).

http://realistadil.blogspot.com/2016/04/ermanistan-azarbaycan-muharibasi_20.html

  • 4. Ermənistan - Azərbaycan müharibəsi (Ortaq türk tarixi) - Xronoloji gerçäk tarix - 4.(iyun 1992 - yanvar 1993 - cü illär).

http://realistadil.blogspot.com/2016/04/ermanistan-azarbaycan-muharibasi_13.html

http://realistadil.blogspot.com/2016/12/hr-xos-munasibt-dostluq-deyil.html

  • 10. Yaxşılıqları daşlara yazaq... Tanınmış hüquqçu, prokuror Habil Surxay oğlu Qurbanovun 60 illik yubileyi münasibətilə çap edilən kitabda onunla bağlı xatirələr.

Filmoqrafiya[redaktə | əsas redaktə]

(Videoları və radio verilişləri)

İstinadlar[redaktə | əsas redaktə]

  1. 1,0 1,1 1,2 Surxay Əlibəyli, Sarvan Ağayev. Ağdamım-qibləgahım (Birinci kitab). Bakı şəhəri, " Şuşa " nəşriyyatı, 2001
  2. 2,0 2,1 German. Bu il də tut yemədik. Bakı şəhəri, " Təknur " nəşriyyatı, 2008

Mənbə[redaktə | əsas redaktə]

Xarici keçidlər[redaktə | əsas redaktə]

Vikianbarda Adil İrşadoğlu ilə əlaqəli mediafayllar var.