Adil Əliyev (geoloq)

Adil Əliyev
Adil Əliyev
	Adil Abas Əli oğlu Əliyev
Doğum tarixi	7 sentyabr 1930 (95 yaş)
Doğum yeri	Bakı, Azərbaycan SSR, SSRİ
Vətəndaşlığı	SSRİ; Azərbaycan
Elm sahəsi	geologiya
Elmi dərəcəsi	geologiya-mineralogiya elmləri doktoru
Elmi adı	professor
İş yeri	Azərbaycan Milli Elmlər Akademiyası
Mükafatları	; ;

Adil Abas Əli oğlu Əliyev (7 sentyabr 1930, Bakı) — neftçi-geoloq, geokimyaçı, vulkanoloq, Azərbaycan Respublikası Dövlət Mükafatının ilk laureatı, Əməkdar elm xadimi, AMEA Geologiya və Geofizika İnstitutunun palçıq vulkanizmi şöbəsinin müdiri, professor.

Həyatı

Adil Əliyev 1930-cu il sentyabrın 7-də Bakıda anadan olub. O, 1949-cu ildə paytaxtın 3 nömrəli orta məktəbini müvəffəqiyyətlə başa vurduqdan sonra Azərbaycan Dövlət Universitetinə (indiki BDU) qəbul olub. 1954-cü ildə universiteti fərqlənmə diplomu ilə bitirərək, neftçi-geoloq ixtisasına yiyələnib. Alim elmi fəaliyyətinə həmin ilin yanvar ayından Azərbaycan Milli Elmlər Akademiyasının Geologiya İnstitutunda (indiki GGİ) başlayıb.^[1]

O, 1954-cü ildə “Neft və qazın geologiyası” ixtisası üzrə aspiranturaya qəbul olunub, 1958-ci ildə namizədlik dissertasiyası müdafiə edərək geologiya-mineralogiya elmləri namizədi elmi dərəcəsini alıb. Bir ildən sonra böyük elmi işçi vəzifəsinə yüksələn alim sonrakı illərdə Bituminologiya və süxurların üzvi maddələri (1969-1970) və Palçıq vulkanlarının geokimyası (1972-1986) laboratoriyalarına rəhbərlik edib. 1986-1990-cı illərdə Suriya Neft Şirkətində (Dəməşq şəhərində) baş mühəndis-geokimyaçı və elmi məsləhətçi vəzifələrində işləyib. A.Əliyev 1992-ci ildə “Palçıq vulkanizminin geokimyası və böyük dərinliklərin neft-qazlılığı” mövzusunda doktorluq dissertasiyası müdafiə edib. 1997-ci ildən Geologiya və Geofizika İnstitutunun Palçıq vulkanizmi şöbəsinə rəhbərlik edir.

Alim 300-dən çox elmi əsərin, o cümlədən 15 kitabın müəllifidir. Onun elmi əsərləri nüfuzlu jurnallarda çap olunub, xaricdə və ölkəmizdə keçirilən beynəlxalq konqres, simpozium, konfrans materiallarında əksini tapıb. Son illər ərzində professorun rəhbərliyi ilə 10-dan çox elmlər və fəlsəfə doktoru hazırlanıb.^[2]

O, 2005-ci ildə “Azərbaycan Respublikasının Əməkdar elm xadimi” fəxri adına,^[3] 2008-ci ildə Azərbaycan Respublikası Prezidentinin fərdi təqaüdünə,^[4] 2010-cu ildə Azərbaycan Respublikasının Dövlət Mükafatına (№001),^[5] 2018-ci ildə “Şöhrət” ordeninə^[6] layiq görülüb, 05 noyabr 2025-ci ildə Azərbaycan Respublikasının Prezidenti İlham Əliyev tərəfindən Azərbaycan elminin inkişafında xidmətlərinə görə “Azərbaycan Respublikası Prezidentinin fəxri diplomu” ilə təltif edilib^[7]. , eləcə də bir sıra medal, diplom və fəxri fərmanlarla təltif edilib.

Xarici keçidlər

"Əliyev Adil Abas Əli oğlu" (az.). science.gov.az. 3 aprel 2023 tarixində arxivləşdirilib. İstifadə tarixi: 5 aprel 2023.
"Palçıq vulkanizmi şöbəsi" (az.). science.gov.az. 27 avqust 2022 tarixində arxivləşdirilib. İstifadə tarixi: 5 aprel 2023.

Həmçinin bax

İstinadlar

↑ "Professor Adil Əliyevi 90 illik yubileyi münasibətilə təbrik edirik!" (az.). science.gov.az. 7 sentyabr 2020. 17 yanvar 2022 tarixində arxivləşdirilib. İstifadə tarixi: 5 aprel 2023.
↑ "Professor Adil Əliyev: "Azərbaycanın palçıq vulkanlarını ən müasir cihazlarla tədqiq edirik"" (az.). science.gov.az. 2 sentyabr 2022. 5 aprel 2023 tarixində arxivləşdirilib. İstifadə tarixi: 5 aprel 2023.
↑ "Azərbaycan Milli Elmlər Akademiyası əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı (14 dekabr 2005-ci il)" (az.). e-qanun.az. 27 mart 2019 tarixində arxivləşdirilib. İstifadə tarixi: 5 aprel 2023.
↑ "Azərbaycan Milli Elmlər Akademiyasının Geologiya İnstitutunun əməkdaşlarına Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı (18 mart 2008-ci il)" (az.). e-qanun.az. 5 aprel 2023 tarixində arxivləşdirilib. İstifadə tarixi: 5 aprel 2023.
↑ "2010-cu il üçün Azərbaycan Respublikasının Elm, mədəniyyət və ədəbiyyat üzrə dövlət mükafatlarının verilməsi haqqında Azərbaycan Respublikası Prezidentinin Sərəncamı (26 may 2010-cu il)" (az.). e-qanun.az. 30 mart 2023 tarixində arxivləşdirilib. İstifadə tarixi: 5 aprel 2023.
↑ "Azərbaycan Milli Elmlər Akademiyası Geologiya və Geofizika İnstitutunun əməkdaşlarının təltif edilməsi haqqında Azərbaycan Respublikası Prezidentinin Sərəncamı (13 noyabr 2018-ci il)" (az.). president.az. 5 aprel 2023 tarixində arxivləşdirilib. İstifadə tarixi: 5 aprel 2023.
↑ Azərbaycan elminin inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin Sərəncamı. Tarix: 05.11.2025

[1] "Professor Adil Əliyevi 90 illik yubileyi münasibətilə təbrik edirik!" (az.). science.gov.az. 7 sentyabr 2020. 17 yanvar 2022 tarixində arxivləşdirilib. İstifadə tarixi: 5 aprel 2023.

[2] "Professor Adil Əliyev: "Azərbaycanın palçıq vulkanlarını ən müasir cihazlarla tədqiq edirik"" (az.). science.gov.az. 2 sentyabr 2022. 5 aprel 2023 tarixində arxivləşdirilib. İstifadə tarixi: 5 aprel 2023.

[3] "Azərbaycan Milli Elmlər Akademiyası əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı (14 dekabr 2005-ci il)" (az.). e-qanun.az. 27 mart 2019 tarixində arxivləşdirilib. İstifadə tarixi: 5 aprel 2023.

[4] "Azərbaycan Milli Elmlər Akademiyasının Geologiya İnstitutunun əməkdaşlarına Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı (18 mart 2008-ci il)" (az.). e-qanun.az. 5 aprel 2023 tarixində arxivləşdirilib. İstifadə tarixi: 5 aprel 2023.

[5] "2010-cu il üçün Azərbaycan Respublikasının Elm, mədəniyyət və ədəbiyyat üzrə dövlət mükafatlarının verilməsi haqqında Azərbaycan Respublikası Prezidentinin Sərəncamı (26 may 2010-cu il)" (az.). e-qanun.az. 30 mart 2023 tarixində arxivləşdirilib. İstifadə tarixi: 5 aprel 2023.

[6] "Azərbaycan Milli Elmlər Akademiyası Geologiya və Geofizika İnstitutunun əməkdaşlarının təltif edilməsi haqqında Azərbaycan Respublikası Prezidentinin Sərəncamı (13 noyabr 2018-ci il)" (az.). president.az. 5 aprel 2023 tarixində arxivləşdirilib. İstifadə tarixi: 5 aprel 2023.

[7] Azərbaycan elminin inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin Sərəncamı. Tarix: 05.11.2025

[1]

[2]

[3]

[4]

[5]

[6]

[7]