Adil Baxşəliyev (tarixçi)

Vikipediya, açıq ensiklopediya
Jump to navigation Jump to search

Adil Baxşəli oğlu Baxşəliyev (d. 1959) — Azərbaycan alimi, tarix elmləri doktoru, professor.

Həyatı[redaktə | əsas redaktə]

Adil Baxşəliyev 1959-cu ildə Ağdam şəhərində anadan olub. 1976-cı ildə Ağdam şəhər 3 nömrəli orta məktəbi əla qiymətlərlə bitirib. 1977-ci ildə Xankəndi Pedaqoji İnstitutunun tarix fakültəsinə daxil olub, 1981-ci ildə həmin fakültəni fərqlənmə diplomu ilə bitirib. Həmin ildən də Əsgəran rayonunun Xocalı kəndində ilk pedaqoji fəaliyyətinə başlayıb.

1983-cü ildə AMEA Tarix İnstitutuna dissertant qəbul olunub. 1990-cı ildə Azərbaycan Pedaqoji İnstitutunun Şuşa filialına müəllim vəzifəsinə təyin edilib.

1996-cı ildə "XVII əsrin 40-cı illərində Azərbaycanın sosial-iqtisadi vəziyyəti və mədəni həyatı (E.Çələbinin "Səyahətnaməsi" əsasında)" mövzusunda namizədlik dissertasiyası müdafiə edərək tarix elmləri namizədi elmi dərəcəsini alıb. 2005-ci ildə isə "Səfəvilər dövründə Azərbaycanın cənub şəhərləri (dövrün səyyah gündəlikləri əsasında)" mövzusunda doktorluq dissertasiyasını müdafiə edərək tarix elmləri doktoru elmi dərəcəsini alıb.

2006-cı ildən professordur. Bir monoqrafiyanın, üç dərs vəsaitinin, beş tədris-metodik vəsaitin, 70-dən artıq elmi məqalənin müəllifidir.

2000-ci ildən Sumqayıt Dövlət Universitetində işləyir. Hazırda tarix fakültəsinin dekanı və Azərbaycan tarixi və tarixin tədrisi metodikası kafedrasının müdiridir. Yeni Azərbaycan Partiyasınını üzvüdür.

Azərbaycan Respublikası Prezidentinin 2012-ci il tarixli sərəncamı ilə əməkdar müəllim fəxri adına layiq görülmüşdür.

Ailəlidir. İki övladı, iki nəvəsi var.

İstinadlar[redaktə | əsas redaktə]