Adil Mirseyid

Vikipediya, açıq ensiklopediya
Jump to navigation Jump to search
Adil Mirseyid
Adil Mirseyid oğlu Baxışov
Doğum tarixi 21 dekabr 1952(1952-12-21)
Doğum yeri Ağdaş, Azərbaycan SSR, SSRİ
Vəfatı 17 iyul 2014 (61 yaşında)
Vəfat yeri Bakı, Azərbaycan
Vəfat səbəbi qaraciyər serrozu
Atası Mirseyid
Anası Güləndam
Uşağı Ayan və Ayaz
Fəaliyyəti rəssam

Baxışov Adil Mirseyid oğlu (Adil Mirseyid) —Rəssam, şair,tərcüməçi və esseist, Azərbaycan Yazıçılar Birliyinin üzvü (1993). Prezident təqaüdçüsü. Azərbaycan Jurnalistlər İttifaqının üzvü (1989). Azərbaycan Rəssamlar İttifaqının üzvü (1992)

Həyatı[redaktə | əsas redaktə]

Adil Mirseyid 1952-ci il dekabrın 21-də Ağdaş şəhərində ziyali ailəsində anadan olmuşdur. Ləki qəsəbə 6 saylı orta məktəbi bitirib. (1959-1969). İlk şeirləri məktəb illərində `Göyərçin və `Pioner` jurnallarında çap olunub. Orta məktəbi bitirdikdən sonra Əzim Əzimzadə adına Azərbaycan Dövlət Rəssamlıq məktəbində təhsil almışdır (1970-1976). Bir müddət təyinatla göndərildiyi Dağıstan Respublikasında işləmişdir (1975-1978) . Ağdaş rayonu Füzuli adına Mədəniyyət Evinin Xalq Teatrında rəssam (1983-1987), Azərbaycanın Xarici Ölkələrlə Dostluq və Mədəni Əlaqələr Cəmiyyətində rəssam (1990-1992), Bakıda müxtəlif vəzifələrdə çalışmışdır. Xəzər jurnalında məsul katib və baş redaktor müavini. Bayatı jurnalının redaktoru. Palitra qəzetinin ədəbiyyat və İncəsənət şöbəsində redaktor. Azərbaycan Tərcümə Mərkəzinin "Yol" ədəbiyyat qəzetində iki il redaktor vəzifələrində çalışmışdır (1992-1993).

XX əsrin 70-ci illlərinin axırlarından dövrü mətbuatda şeirlər çap etdirir. "Azərbaycan""Ulduz" və,s. jurnallarında silsilə şeirləri dərc olunmuşdur.

Kitabları "Güzgüdəki adam", "Bulud Adam", "Nəğmə Adam", "Vernisaj şeirlər", "Ay Suvarisi", "Amor Fati" şeirlər. "Hardan baxsan görünən adam" (monoqrafiya), "Ruhlarla İnsanlar Arasında" (esselər), kitablarının müəllifidir. Rəsul Rza mükafatının laureatıdir. "Vektor" Beynəlxalq Elm Mərkəzinin fəxri doktoru adına, Skandinaviya Ölkələri ilə Dostluq Cəmiyyətinin mədəni əlaqələr üzrə Gümüş Arzu Türk Ədəbiyyatına xidmət ödülünə, Bahar Simpadisi ödüllərinə və,s layiq görülüb.

Şeirləri Rus, İngilis, Fransız, Alman, İspan, Eston və s. dillərə tərcümə olunub.

İncəsənətin və mədəniyyətin müxtəlif sahələrinə aid 400-dən artıq esse, tərcümə və məqalənin müəllifidir. Rəsm əsərləri Almaniyada, Rusiyada, Qırğızıstanda, İranda, TürkiyədəAzərbaycanda şəxsi kolleksiyalarda saxlanılır.

Min Beş Yüz İlin Oğuz şeiri Antalogiyasında (2000), Avrasiya Şairləri Antalojisində (2015), Ağdaş Tarixin Yaddaşında kitablarında şeirləri və yaradıcılığı dərs olunub.

Həyat və Yaradısılığına İnternewsin sifarişi ilə Rejissor Rövşən İsgəndərovun `Sözlərdən Toxunmuş Ömür` adlı sənədli film çəkilib (2002)

İki fərdi sərgisi Azərbaycan Rəssamlar Birliyinin və Avrasiya Beynəlxalq Araşdırmalar İnstutu İB birgə təşkil etmişdir (2011-20014)

Ömrün son gününə qədər yaradıcılıqla məşğul oldu. Ekspress qəzetində hər həftə şənbə günləri `Art Ekspress` səhifəsində esseləri yayımlanırdı (2009-2014).

Uzun sürən xəstəlikdən sonra 17 iyul 2014-cü ildə Bakıda vəfat etmişdir.[1]

İstinadlar[redaktə | əsas redaktə]