Adil Rüstəmov (kəşfiyyatçı)

Vikipediya, azad ensiklopediya
Naviqasiyaya keçin Axtarışa keçin
Adil Rüstəmov
Şəxsi məlumatlar
Doğum tarixi 1963
Doğum yeri
Vəfat tarixi 10 dekabr 1992(1992-12-10)
Vəfat yeri
Dəfn yeri
Vətəndaşlığı
Təhsili
Hərbi fəaliyyəti
Rütbə çavuş
Döyüşlər
Təltifləri "Azərbaycan Bayrağı" ordeni

Adil Əmrah oğlu Rüstəmov (1963, Zəngilan10 dekabr 1992, Şayıflı, Zəngilan rayonu) — Qarabağ müharibəsi şəhidi; rota və kəşfiyyat komandiri.

Həyatı[redaktə | mənbəni redaktə et]

Adil Rüstəmov 1963-cü ildə Zəngilan şəhərində anadan olub.[1] Atasının işi ilə əlaqədar uşaqlıq və yeniyetmə çağları İmişli rayonunda keçib. Bəhrəmtəpə 8 illik məktəbini, 1983-cü ildə isə Bakı Politexnik Texnikumunu bitirib.

Qazaxıstanın Şevçenko şəhərində milis serjantı rütbəsində hərbi xidmətdə olub. Nazirlər Soveti sədrinin şəxsi mühafizə dəstəsinə qəbul edilib.

1990-cı illərdə Zəngilana qayıdıb. "Ziya" adlı kiçik müəssisə yaradıb. Müəssisəsinin imkanları ilə Milli Orduya 20.000 manat, şəhid Pirqulu İsmayılovun ailəsinə isə ayda 2.500 manat yardımlar edib. Daha sonra Azərbaycan Milli Ordusuna yazılıb, rota komandiri, ardınca kəşfiyyat komandiri təyin edilib.

1992-ci il dekabrın 10-da Şayıflı stansiyasında düşmənlə əlbəyaxa döyüşdə işgəncələrlə qətlə yetirilib.

Məzarı Zəngilan şəhər qəbiristanlığındadır.

Təltifləri[redaktə | mənbəni redaktə et]

"Azərbaycan Bayrağı" ordeni ilə təltif olunub.[2]

Xatirəsi[redaktə | mənbəni redaktə et]

01 dekabr 2019-cu il tarixdə VƏTƏN Futbol məktəbinin meydançasında AVMVİB Zəngilan rayon şöbəsinin təşkilatçılığı ilə Azərbaycan Bayrağı ordenli, şəhid Adil Əmrah oğlu Rüstəmovun xatirəsinə həsr olunmuş futbol turniri keçirilmişdir. Turnirdə 8 komanda iştirak etmişdir. Zəngilan rayonunu "Çinar" komandası təmsil edirdi.[3]

İstinadlar[redaktə | mənbəni redaktə et]

  1. Sobulu, Əli. Rusiya işğalları və Zəngilan. Bakı: Avropa. 2013. səh. 379. ISBN 978-9952-8032-5-9.
  2. "Rüstəmov Adil Əmrah oğlu 1963–1992". 2022-03-16 tarixində arxivləşdirilib. İstifadə tarixi: 2022-03-31.
  3. "Şəhid Adil Rüstəmovun xatirəsinə həsr edilmiş futbol turnirinə start verildi". 2020-07-12 tarixində arxivləşdirilib. İstifadə tarixi: 2022-03-31.