Adil Zeynalov

Adil Zeynalov
Adil Ağakərim oğlu Zeynalov
Doğum tarixi	20 fevral 1960(1960-02-20)
Doğum yeri	Lənkəran, Azərbaycan SSR
Vəfat tarixi	12 mart 2020(2020-03-12) (60 yaşında)
Vəfat yeri	Bakı, Azərbaycan
Dəfn yeri	Lənkəran şəhəri
Milliyyəti	azərbaycanlı
Vətəndaşlığı	Azərbaycan SSR Azərbaycan
Atası	Zakir Zeynalov
Fəaliyyəti	aktyor, teatr rejissoru
Fəaliyyət illəri	1977–2020
Təhsili	Azərbaycan Dövlət Mədəniyyət və İncəsənət Universiteti
Teatr	Lənkəran Dövlət Dram Teatrı
Mükafatları

Adil Ağakərim oğlu Zeynalov (20 fevral 1960, Lənkəran, Azərbaycan SSR – 12 mart 2020, Bakı, Azərbaycan) — Azərbaycan aktyoru, N.Vəzirov adına Lənkəran Dövlət Dram Teatrının rejissoru, Azərbaycan Respublikasının əməkdar artisti (2012).

Həyatı

Adil Ağakərim oğlu Zeynalov 20 fevral 1960-cı ildə Lənkəran şəhərində anadan olmuşdur. 1978-ci ildə Azərbaycan Dövlət Mədəniyyət və İncəsənət Universitetinin Musiqili komediya aktyorluğu fakültəsinə daxil olmuş və 1983-cü ildə həmin fakültəni uğurla bitirmişdir. Elə həmin il N.Vəzirov adına Lənkəran Dövlət Dram Teatrına təyinat almışdır. Adil Zeynalov bu teatrda Yeni Azərbaycan Partiyasının ilk təşkilatının sədri və həmkarlar təşkilatının idarə heyətinin üzvü olmuşdur.

Fəaliyyəti

Əmək fəaliyyəti

1977-ci ildən N.Vəzirov adına Lənkəran Dövlət Dram Teatrında əmək fəaliyyətinə başlamış, 1983-cü ildən aktyor kimi fəaliyyət göstərərək burada bir sıra rolları ifa etmiş, 2002-ci ilin aprel ayından isə ömrünün sonunacan həmin teatrda quruluşçu rejissor vəzifəsində çalışmış və rejissor kimi tamaşalara quruluş vermişdir. A.Zeynalovun oynadığı "Olanlardan-keçənlərdən" (Ü.Hacıbəyli) və "Ölülər" (C.Məmmədquluzadə) tamaşaları hazırda Azərbaycan Dövlət Televiziyasının "Qızıl fondu"nda saxlanılır.

Ölümü

Adil Zeynalov 12 mart 2020-ci ildə Bakı şəhərində vəfat etmişdir. Doğulduğu Lənkəran şəhərində dəfn olunmuşdur.

Mükafatları

• 2012-ci ildə Azərbaycan Respublikasının Əməkdar artisti fəxri adına layiq görülmüşdür.

Teatr səhnəsindəki rolları

Aktyor kimi

1. Ü. Hacıbəyov "Olanlardan-keçənlərdən" –Müəllim
2. M. Kərim "Piyada Mahmud" – Mahmud
3. İ. Əfəndiyev "Billur sarayda" – Zahid
4. M. Hüseyn "Cavanşir" – Zöhrab
5. C. Məmmədquluzadə "Ölülər" – Lal
6. B. Nuşiç "Nazirin xanımı" – Ninkoviç
7. Ə. Haqverdiyev "Ağa Məhəmməd şah Qacar" – Səfərqulu xan
8. H. Mirələmov "Vicdanın hökmü" – Qara Fedya
9. Ə. Haqverdiyev "Bəxtsiz cavan" – Hacı Səməd ağa
10. H. Mirələmov "Pənah xan Cavanşir" – Nadir şah
11. H. Mirələmov "Ləyaqət" – Şeydabek
12. Ə. Əmirli "Onun iki qabırğası" – Dədə
13. Sofokl "Şah Edip" – Korifey
14. A. Mədətov "Sezarın qətli" – Brut
15. M. Xubai "Şeytanın oyunları" – Neron
16. Q. Qorin "Herastratı unudun"-Tissafern
17. K. Nəzirli "Şeytan işığı" – Con
18. M. Məmmədov "Sovqat" — Əflatun

Rejissor kimi

1. Ə. Əmirli "Varlı qadın"
2. Ə. Əylisli "Vəzifə"
3. Q. Hüseyni, Ə.Cəmşidi "Hacı Kərimin aya səyahətı"
4. F. Mustafa "İlğım"
5. H. Cavid "Ana"
6. Y. Əzimzadə "Nəsrəddin"
7. L. Korsunski "Fırıldaqçı"
8. C. Fətullayev, A. Zeynalov "Muəmmalı ölüm"
9. Ə. Səmədli "Dəyirman əhvalatı"
10. Ə. Səmədli Toyda Çelentano oxuyur"
11. B. Nişiç "Nazirin xanımı"
12. V. Səmədoğlu "Mamoy kişinin yuxuları"
13. H. Muxtarov "Mən nənə ilə evlənirəm"

Filmoqrafiya

Filmlər

• Qətl günü (film, 1990) (tammetrajlı bədii film)
• Bığ əhvalatı (film, 1998) (tele-komediya)
• Durnalar qayıtdı (film, 2003) (tammetrajlı bədii film)
• Son zəngdən sonra (film, 2004) (TV filmi)
• 40-cı qapı (film, 2008) (tammetrajlı bədii film)
• Təlatüm II (film, 2010) (tammetrajlı bədii film)
• My Name is İntiqam 1 (film, 2014)
• My Name is İntiqam 2 (film, 2015)
• Toy 2 (film, 2015)
• İzi itməyən Cinayətlər (film, 2016) (qısametrajlı film)
• Cəza (film, 2018) (qısametrajlı film)
• Postskriptum (film, 2018) (qısametrajlı film)
• Balaca (film, 2018) (qısametrajlı film)

Seriallar

• Adam ol (serial, 2004-2007) (TV serial)
• Susmuş Vicdan (serial, 2010-2012) (bədii serial)
• Sevginin göz yaşları (serial, 2013) (bədii serial)
• Durnalar qayıdanda (serial, 2015) (bədii serial)
• Son Ümid (serial, 2019)