Afəddin Həmidov

Vikipediya, azad ensiklopediya
Jump to navigation Jump to search
Afəddin Həmidov
Afəddin Həmidov.png
Afəddin Vahid oğlu Həmidov
Doğum tarixi 14 avqust 1955 (1955-08-14) (64 yaş)
Doğum yeri Faxralı, Qasım İsmayılov rayonu
Azərbaycan Azərbaycan SSR
Vətəndaşlığı SSRİ SSRİ
Azərbaycan Azərbaycan
Milliyyəti Azərbaycanlı
Atası Vahid Həmidov
Anası Məlahət Həmidov
Elm sahəsi İqtisadiyyat
Elmi dərəcəsi iqtisad elmləri namizədi
Elmi adı dosent
İş yeri Gəncə Dövlət Universiteti
Təhsili Azərbaycan Kənd Təsərrüfatı İnstitu
Tanınır İqtisadçı-alim

Afəddin Həmidov (tam adı:Afəddin Vahid oğlu Həmidov; d. 14 avqust, 1955, Faxralı, Qasım İsmayılov rayonu, Azərbaycan SSR) — Azərbaycanlı iqtisadçısı alim, iqtisad elmləri namizədi, Gəncə Dövlət Universitetinin dosenti.

Həyatı[redaktə | əsas redaktə]

Afəddin Vahid oğlu Həmidov 1955-ci ildə Qasım İsmayılov (indiki Goranboy) rayonunun Faxralı kəndində anadan olub. Faxralı kənd orta məktəbini bitirdikdən (1962-1972) sonra, S. Ağamalıoğlu adına “Şərəf nişanı” ordenli Azərbaycan Kənd Təsərrüfatı İnstitunun (indiki ADAU) iqtisadiyyat fakültəsinə qəbul olmuş, 1977-ci ildə həmin ali təhsil ocağını “Fərqlənmə” diplomu ilə bitirərək kənd təssərüfatı istehsalı iqtisadçı-təşkilatçı ixtisasına yiyələnmişdir. Əmək fəaliyyətinə Qasım İsmayılov rayonunun Kolxozlararası Kökəltmə Birliyində hesabdar (1977-1978) kimi başlayıb. Gəncə şəhər 1 saylı Yol-Tikinti idarəsində hesabdar-xəzinədar (1978-1980), Gəncə şəhər 1 saylı Birləşmiş Doğum Evində böyük mühasib (1980-1981), Gəncə Alüminium zavodunda iqtisadçı-mühəndis (1981-1984) vəzifələrində işləyib.
1984-cü ildə müsabiqə yolu ilə ADAU-nun kənd təsərrüffatı istehsalının təşkili (indiki aqrobiznesin təşkili və idarə edilməsi) kafedrasına assistent vəzifəsinə qəbul olunub. 2003-2009-cu illərdə aqrar iqtisadiyyat və menecment fakültəsinin dekan müavini vəzifəsində işləyib. 2002-2018-cu illərdə ADAU-nun aqrobiznesin təşkili və idarə edilməsi kafedrasında dosent vəzifəsində işləmişdir.[1]
1991-ci ildə “Yeni təsərrüfatçılıq şəraitində kənd təsərrüfatında təsərrüfat hesabının təkmilləşdirilməsi” mövzusunda elmi işini yekunlaşdıraraq müdafiə etmiş, iqtisad elmləri namizədi alimlik dərəcəsi almışdır. Kəndli fermer təsərrüfatlarının yaradılması ilə bağlı səmərəli təklifləri hazırda ölkəmizdə müvəffəqiyyətlə həyata keçrilir.
2018-ci ilin sentyabr ayından etibarən Gəncə Dövlət Universitetinin İqtisadiyyat kafedrasında dosent vəzifəsində çalışır. 50-a yaxın elmi və metodiki əsərlərin müəllifidir. İki övladı var.[2]

Xarici keçid[redaktə | əsas redaktə]

ADAU Acıq dərs.Biznesin qiymətləndirilməsi üçün informasiyaların hazırlanması. Dosent Afəddin Həmidov

İstinadlar[redaktə | əsas redaktə]

  1. Afəddin Həmidov."Gülüstan"ictimai-iqtisadi, ədəbi-bədii, elmi-publisistik toplu (III bölüm)."Gəncə"-2003, s.17
  2. Həmidov Afəddin Vahid oğlu