Afiq Bərdəli

Vikipediya, açıq ensiklopediya
Jump to navigation Jump to search
Afiq Bərdəli
Afiq Tapdıq oğlu Hüseynov
Afiq Bərdəli.jpg
Doğum tarixi 1962(1962-İfadə xətası: "{" punktuasiyasının tanınmayan simvolu.-{{{3}}})
Doğum yeri Arabaçılar, Bərdə rayonu, Azərbaycan SSR
Elm sahəsi tibb
İş yeri "Afgen" Genetik Diaqnoz Mərkəzinin rəhbəri
Elmi dərəcəsi tibb elmləri doktoru
Elmi adı professor

Afiq Bərdəli (Hüseynov Afiq Tapdıq oğlu) — tibb elmləri doktoru, professor, "Afgen" Genetik Diaqnoz Mərkəzinin rəhbəri.[1]

Həyatı[redaktə | əsas redaktə]

Afiq Bərdəli 1962-ci ildə Azərbaycanın Bərdə rayonunun Arabaçılar kəndində anadan olub. 8-ci sinifə kimi doğma kəndlərində, sonra isə Bakıdakı 5 saylı kimya-biologiya təmayüllü məktəbdə oxuyub. Atasını uşaq olarkən itirib. 1979-1985-ci illərdə Azərbaycan Tibb Üniversitetinin pediatiriya fakültəsində təhsil alıb, sonra Moskva şəhərində Rusiya Səhiyyə Nazirliyinin Uşaq Xəstəlikləri İnistitutunda həkimlik təcürbəsi keçib. Türkiyə Respublikasında 28 yaşında tibb elmləri doktoru adına yiyələnib. 1999-cu ildə Türkiyə vətəndaşlığına qəbulu ilə Bərdəli soyadını alıb.

Türkiyənin İzmir şəhərində "Şəfa Özəl Xəstəxanalar" şəbəkəsinin Genetik Diaqnostika Mərkəzini qurub və rəhbəri olub. Eyni zamanda Egey Üniversitetində Kök Hüceyrəsi kafedrasının qurucusu və professorudur, Türkiyə Egey Universiteti tibb fakültəsində Molekulyar Tibb laboratoriyasının müdiridir. Yaratdığı Molyekulyar Tibbi Laboratoriya bütün Türkiyədə ilk və tək, dünyada 3 elmi mərkəzdən biridir.

Türkiyə Səhiyyə Nazirliyi tərəfindən verilən "Genetik xəstəliklər mütəxəssisi", "Uşaq xəstəlikləri mütəxəssisi", "Revmatoloji xəstəliklər mütəxəssisi" kimi 3 diplomun, İtaliyanın Milan Universiteti tərəfindən verilən molekulyar genetika sahəsində fəlsəfə elmləri doktoru alimlik dərəcəsi elmi adının sahibidir.

İngilscə nəşr olunan SCI indeksli jurnallarda 145 məqaləsi yayınlanıb. Dünya ədəbiyyatında ən çox xəstə qrupu olan nefrotik sindrom və FMF genetik çalışma işləri ona aiddir. SCI indeksli jurnallarda 62 elmi tezisi dərc olunub, beynəlxalq konfrans və simpoziumlarda 172 elmi məruzə ilə çıxış edib. Türk dilində nəşr olunan 34 məqalənin muəllifidir və Türkiyədəki konfranslarda 191 elmi təqdimatı var. 603 elmi məqaləsinə dünya tibb ədəbiyyatında dərc olunan 1700 elmi işdə istinad edilib. Dünyanın 230 müxtəlif elmi qurumu tərəfindən təsdiqlənmiş genetik layihəninin müəllifidir. Elmi fəaliyyəti dövrundə 92 elimlər namizədi və tibb elimləri doktoru yetişdirib.

Bütövlükdə dünya tibb elmində 315 müxtəlif genetik xəstəliyin molekulyar diaqnostikasının hərtərəfli və elmi cəhətdən əsaslandırılmış tədqiqatları Afiq Bərdəlinin elmi fəaliyyəti ilə bağlıdır.

Beynəlxalq dərəcəli tibbi nəşrlərdə dərc olunmuş 25 elmi və araşdirma istiqamətində olan 129 məqalənin müəllifidir. Tibb sahəsində fəaliyyətinə və tədqiqatlarına görə onlarca sertifikata və 23 medala layiq görulmüşdür.

İngiliscə, italyanca, rusça mükəmməl bilir. Evlidir, 2 övladı var.

İstinadlar[redaktə | əsas redaktə]

Xarici keçidlər[redaktə | əsas redaktə]