Afrikada futbol

Vikipediya, azad ensiklopediya
Naviqasiyaya keçin Axtarışa keçin

Afrika qitəsinin istedadlı, qeyri-adi bacarığa malik qaradərili oyunçuları heç bir məktəb keçmədən, dünyanın hansı ölkəsində çıxış etməsindən asılı olmayaraq, fiziki və atletik hazırlıq baxımından, istənilən futbolçudan üstündür. Bu fakt reallığın aşkar nümunəsidir. Kimsə afrikalılarda olan qeyri-adi istedadı dana bilməz. "Qaralar" düşdüyü məkanın yaratdığı müəyyən problemlərə rəğmən, ilk gündən özlərini sevdirməyi bacarırlar. Bir qismini xatırlasaq, kifayət edər: Corc Veah (Liberiya), Rojer Mila (Kamerun), Abede Pele (Qana), Lahdar Bellami (Əlcəzair), Rabah Macer (Əlcəzair), Teofil Abeqa (Kamerun), Loran Roku (Kot d"İvuar), Fransua Omam Biyik (Kamerun), Əhməd Faras (Mərakeş), Corc Finidi (Nigeriya), Mahmud Əl-Xətib (Misir), Yapet N"doram (ÇAD), Yusif Fofana (Kot d"İvuar), Əbdül Əziz (Mərakeş), Tarek Dyab (Tunis), Daniel Amokaçi (Nigeriya), Auqustin (Cey-Cey), Okoça (Nigeriya), Əli Bençeh (Əlcəzair), İbrahim Yusuf (Misir), Larbi Ben Barek (Mərakeş), Sequn Odeqbair (Nigeriya). Bunlar hələ keçmiş oyunçulardır. Hazırkı dövrdə isə Avropanın aparıcı klublarının formasını geyinən qaradərili futbolçular bununla müqayisədə, 3-4 dəfə çoxdur. Nəzərə alaq ki, o vaxt ölkədən kənara çıxmaq hələ müəyyən qədər çətin idi. Samuel Eto"O (Kamerun), Cey-Cey Okoça (Nigeriya), Əl Haci Diuff (Seneqal), Kvinton Forçun (CAR), Didye Droqba (Kot d"İvuar) kimi nəhəng futbolçular da "qara qitə"nin kainata bəxşidir.

Afrikanın dünya çempionatlarında debütü 1970-ci ilə təsadüf edir. Bundan sonra ardıcıl iki dəfə də dünya birinciliyinin final mərhələlərində iştirak edən "qaralar", əsasən, Mərakeş, Zair və Tunis futbolçuları ilə təmsil olunurdular. 1994-cü ildə isə bu üç komandadan başqa, Nigeriya və Kamerun da mundialda çıxış etməyə başladı. Dünya çempionatlarından fərqli, afrikalıların olimpiadalardakı çıxışlarını xüsusi qeyd etmək lazımdır. 1996-cı il Atalanta, dörd il sonra isə Sidney olimpiadalarında Nigeriya ilə Kamerun futbolçuları qızıl medalları qazanmaqla, adlarını tarixə həkk ediblər. Bundan başqa, Seneqalın Cənubi Koreya və Yaponiyada təşkil olunan dünya çempionatının 1/4 finalına qədər irəliləməsi "qara qitə" təmsilçilərinin uğurlarından hesab olunmalıdır. Hazırda isə Afrika futbolunun favoritləri Nigeriya, Kamerun, Misir, Mərakeş, CAR və Seneqal yığmaları sayılırlar. Maraqlıdır ki, adları sadalanan millilərin heç biri Almaniyada keçirilən mundiala vəsiqə qazana bilməmişdilər. Təbii ki, bu da rəqabətin gündən-günə artmasının göstəricisdir.