Aida Feyzullayeva

Aida Feyzullayeva
Aida Feyzullayeva
	Aida Hənifə qızı Feyzullayeva
Doğum adı	Aida Hənifə qızı Babayeva
Doğum tarixi	7 noyabr 1939 (85 yaş)
Doğum yeri	Bakı, Azərbaycan SSR, SSRİ;
Vətəndaşlığı	SSRİ→; Azərbaycan
Elm sahələri	Azərbaycan ədəbiyyatı, Rus ədəbiyyatı, müqayisəli ədəbiyyatşünaslıq[d]
Elmi dərəcəsi	filologiya elmləri doktoru;
Elmi adı	professor;
İş yerləri	Bakı Slavyan Universiteti,; Nizami Gəncəvi adına Ədəbiyyat İnstitutu,; Qərbi Kaspi Universiteti;
Təhsili	Bakı Slavyan Universiteti;

Aida^[1] Hənifə qızı Feyzullayeva (7 noyabr 1939, Bakı) — Azərbaycan və Sovet Filologiya elmləri doktoru, AMEA Nizami adına Ədəbiyyat İnstitutunun baş işçisi, M. F. Axundov adına Azərbaycan Pedoqoji Rus dili və Ədəbiyyatı İnstitutu və Bakı Slavyan Universitetində pedaqoq.^[1]

Həyatı

Aida Babayeva (Feyzullayeva) 7 noyabr 1939-cu ildə Bakı şəhərində anadan olmuşdur. Ali təhsilini M. F. Axundov adına Azərbaycan Pedoqoji rus dili və ədəbiyyatı İnstitutunda almışdır. 2 dissertasiya, 7 monoqrafiya müəllifidir. İxtisasca Dünya ədəbiyyatı (Rus ədəbiyyatı) və Azərbaycan ədəbiyyatı mövzularını işləmiş, "Novoye obozreniye" qəzetində Azərbaycan ədəbiyyatı məsələləri barədə yazmışdır. 1969-cu ildə Hamid Feyzullayevlə ailə həyatı qurmuşdur. 2 övladı, 4 nəvəsi var. Rəssam Rasim Babayevin və yazıçı Ələviyyə Babayevanın bacısıdır.

Əmək fəaliyyəti

15 il M. F. Axundov adına Azərbaycan Pedoqoji Rus dili və Ədəbiyyatı İnstitutu və Bakı Slavyan Universitetində pedaqoji fəaliyyətlə məşğul olmuşdur. Nəsimi adına Dilçilik İnstitutunda rus dili üzrə namizədlik minimumlarının qəbulu komissiyasında həmsədr (1999–2002); AMEA-nın nəzdində yaranmış "Azərbaycan şünasların Müstəqil Birliyi" (AMB) həm sədr müavini (1991–2006) vəzifələrini tutmuşdur.

Akademik fəaliyyəti

Görkəmli türkoloqlar, XIX əsr və XX əsrin əvvəlləri Azərbaycan yazıçıları, rus ictimai-ədəbi mühiti, ədəbiyyat məsələləri və Qərb-Şərq əlaqələri haqqında bir neçə elmi əsər yazmışdır. 217 elmi əsəri çapdan çıxmışdır.

Kitabları

Maarif carçıları, 1988;
Əmin Abid-Azərbaycan ədəbiyyatı tarixinin tədqiqatçısı, 1998;
A. S. Puşkin-tarixçi və siyasətçi, 1999;
A. Bakıxanovun dini görüşləri, 2000;
Türk eposunda at surəti, Aşqabad, 2001;
Rumi yaradıcılığında insan konsepsiyası, 2002;
M. Hadinin bədii irsinin dərkinə dair, 2004;
Azərbaycanın korifeyləri, 2005;
Ə. Hüseynzadə və Ə. Ağaoğlunun dünyagörüşlərində Şərq və Qərb, 2006;
Azərbaycan yazıçıları Rusiyada, 2006;
Y. V. Çəmənzəminlinin "Qızlar bulağı" tarixi-fəlsəfi romanı, 2008;
Oljas Süleymanov, 2012;
XX əsr Azərbaycan yazıçılarının dünyagörüşündə Şərq və Qərb amilləri, 2012;
Müasir Azərbaycan ədəbiyyatında postmodernizm, 2012;
Çağdaş Azərbaycan tarixi romanı və janrın poetikası, 2014.
Çağdaş Azərbaycan ədəbiyyatında milli və bəşəri ideyalar, 2016

Mükafatları

AMB-nin fəxri fərmanı (2004)
AMEA-nın Rəyasət heyətinin fəxri fərmanı (2013)

İstinadlar

↑ ¹ ² "Aida Hənifə qızı Feyzullayeva" (Azərbaycan). science.gov.az. 2024-12-21 tarixində arxivləşdirilib.

[:0-1] ¹ ² "Aida Hənifə qızı Feyzullayeva" (Azərbaycan). science.gov.az. 2024-12-21 tarixində arxivləşdirilib.

[1]