Aijā
| "Aijā" | |
|---|---|
| Sudden Lights tərəfindən ifa olunmuş mahnı | |
| Yayımlanıb | 27 yanvar 2023 |
| Janr | indi-rok |
| Dil | Latış dili, ingilis dili |
| Müddət | 180 san |
"Aijā" – Latviyanın "Sudden Lights" indi-rok qrupunun 27 yanvar 2023-cü il tarixində buraxılmış mahnısı.[1] Kompozisiya Latviyanın həmin il üçün təşkil etdiyi "Supernova 2023" adlı milli seçim turunda qalib gələrək 2023-cü il Avroviziya Mahnı Müsabiqəsində ölkəni təmsil etmək hüququ qazanmışdır.[2][3]
Tarixi
[redaktə | vikimətni redaktə et]Müsahibələr zamanı qrup üzvləri "Aijā" kompozisiyasının laylay xarakteri daşıması və insanların daha rahat uyumasına kömək etməsi məqsədilə bəstələndiyini bildirmişdilər. "That Eurovision Site" adlı "Avroviziya" pərəstişkar saytına verilən müsahibədə, dünyada baş verən mənfi hadisələr fonunda dinləyiciləri bu problemlərdən uzaqlaşdıracaq bir mahnı ərsəyə gətirmək istədikləri qeyd olunmuşdur.[4] Digər bir platforma olan "Eurovision Fun" saytına verilən açıqlamada qrup dinləyicilərin özlərini səhnədəki bir rok konsertindəymiş kimi hiss etmələrini hədəflədiklərini vurğulamışdır.[1]
Avroviziya Mahnı Müsabiqəsi
[redaktə | vikimətni redaktə et]Supernova 2023
[redaktə | vikimətni redaktə et]"Supernova 2023" 2023-cü il Avroviziya Mahnı Müsabiqəsi üçün Latviyanın milli seçim turu rolunu oynamışdır. Yarışma formatı yarımfinal və final olmaqla iki mərhələdən ibarət təşkil edilmişdir. 4 fevral 2023-cü il tarixində keçirilən yarımfinalda 14 kompozisiya mübarizə aparmış və onlardan ən yaxşı nəticə göstərən on mahnı finala vəsiqə qazanmışdır. 11 fevral 2023-cü il tarixində baş tutan final mərhələsində Liverpul şəhərinə göndəriləcək Latviya təmsilçisi müəyyənləşdirilmişdir. Yarımfinal və final mərhələlərinin nəticələri münsiflər heyəti və xalq səsverməsinin yarıbayarı nisbətdə (50/50) birləşmiş xalları əsasında formalaşmışdır.[5]
"Aijā" yarımfinal mərhələsində 14-cü nömrə altında çıxış edərək ilk onluğa daxil olmuş və finala adlamışdır.[6] Finalda yeddinci sırada səhnəyə çıxan kompozisiya, səsvermənin yekununda yarışmanın qalibi elan edilmiş və beləliklə, 2023-cü il Avroviziya Mahnı Müsabiqəsinə vəsiqə qazanmışdır. Bu əsər, 2004-cü ildən sonra müsabiqə tarixində daxilində Latviya dilində sözlər barındıran ikinci kompozisiya olmuşdur.
Avroviziyada çıxış
[redaktə | vikimətni redaktə et]Avroviziya qaydalarına əsasən, ev sahibi ölkə və "Böyük Beşlik" (Fransa, Almaniya, İtaliya, İspaniya və Böyük Britaniya) istisna olmaqla, bütün iştirakçı dövlətlər finala vəsiqə qazanmaq üçün iki yarımfinalın birində mübarizə aparmalıdılar. Hər yarımfinaldan ən yaxşı nəticə göstərən on ölkə final mərhələsinə keçid edir. Avropa Yayım İttifaqı əvvəlki müsabiqələrin səsvermə statistikasını əsas götürərək iştirakçı ölkələri altı fərqli səbətə bölmüşdür. 31 yanvar 2023-cü il tarixində keçirilən püşkatma nəticəsində Latviyanın birinci yarımfinalın ilk hissəsində çıxış edəcəyi müəyyənləşmişdir.[7]
"Aijā" mahnısı 9 may 2023-cü il tarixində keçirilən birinci yarımfinal mərhələsində dördüncü nömrə altında ifa olunmuş, lakin böyük finala vəsiqə qazana bilməmişdir.[8]
Həftəlik qrafiklər
[redaktə | vikimətni redaktə et]| Qrafik (2023) | Pik mövqe |
|---|---|
| Latvia Domestic Airplay (LaIPA)[9] | 3 |
| Latvia Domestic Streaming (LaIPA)[10] | 2 |
| Latvia Streaming (LaIPA)[11] | 3 |
İstinadlar
[redaktə | vikimətni redaktə et]- 1 2 Matamis, Apostolis. "Sudden Lights: "We want the audience to have the feeling of a rock concert"". Eurovision Fun (ingilis). 27 yanvar 2023. 11 fevral 2023 tarixində arxivləşdirilib. İstifadə tarixi: 11 fevral 2023.
- ↑ Veen, Renske ten. "Sudden Lights win Supernova final and will represent Latvia at Eurovision 2023 with "Aija"". Wiwibloggs (ingilis). 11 fevral 2023. 11 fevral 2023 tarixində arxivləşdirilib. İstifadə tarixi: 11 fevral 2023.
- ↑ "Latvia: 'Supernova' victory for Sudden Lights with 'Aijā'". Eurovision Song Contest (ingilis). 11 fevral 2023. 11 fevral 2023 tarixində arxivləşdirilib. İstifadə tarixi: 11 fevral 2023.
- ↑ Dibben, Jazzi. "🇱🇻 Sudden Lights: "It's the lullaby that we sing to ourselves and all the people listening to our song!". That Eurovision Site (ingilis). 26 yanvar 2023. 11 fevral 2023 tarixində arxivləşdirilib. İstifadə tarixi: 11 fevral 2023.
- ↑ "Izvēlēti Latvijas Televīzijas dziesmu konkursa "Supernova" pusfinālisti". ltv.tv (latış). Latvijas Televīzija. 5 yanvar 2022. 5 yanvar 2023 tarixində arxivləşdirilib. İstifadə tarixi: 5 yanvar 2023.
- ↑ Adams, Oliver. "Latvia's Supernova 2023 semi-final results". Wiwibloggs (ingilis). 4 fevral 2023. 4 dekabr 2023 tarixində arxivləşdirilib. İstifadə tarixi: 11 fevral 2023.
- ↑ Groot, Evert. "Eurovision 2023: Allocation Draw results". 31 yanvar 2023. 3 fevral 2023 tarixində arxivləşdirilib. İstifadə tarixi: 31 yanvar 2022.
- ↑ Adams, William Lee. "Eurovision 2023: Semi-Final 1 results and qualifiers". wiwibloggs (ingilis). 9 may 2023. İstifadə tarixi: 13 may 2023.
- ↑ "Latvijas radio stacijās spēlētākās dziesmas Top 13. nedēļa" (latış). LaIPA. 27 mart 2023. 28 may 2023 tarixində arxivləşdirilib. İstifadə tarixi: 28 may 2023.
- ↑ "Līderu maiņa: straumēšanas topu turpina šūpot koncertturnejas un Eirovīzija" [Changing leaders: concert tours and Eurovision continue to rock the streaming charts] (latış). Şablon:Ill. 23 may 2023. İstifadə tarixi: 7 mart 2025.
- ↑ "Mūzikas Patēriņa Tops – 07. nedēļa" (latış). LaIPA. 19 fevral 2023. 18 aprel 2023 tarixində arxivləşdirilib. İstifadə tarixi: 18 iyun 2023.