Akif İslamzadə

Vikipediya, azad ensiklopediya
Jump to navigation Jump to search
Akif İslamzadə
Akif Qədir oğlu İslamzadə
Ümumi məlumatlar
Doğum tarixi (74 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Atası Qədir İslamzadə
Anası Sara Qədimova
Musiqiçi məlumatları
Fəaliyyəti müğənni
Fəaliyyət illəri 1972–1986
Janr klassik
Təhsili
İmzanın şəkli
Akif İslamzadənin 2020-ci ildə buraxılan "Yol" albomu. Bu albomda Akif İslamzadənin səsləndirdiyi nostalji ifalar yeni aranjemanda təqdim edilmişdir.

Akif Qədir oğlu İslamzadə (8 avqust 1948, Bakı) — Azərbaycan müğənnisi.

Həyatı[redaktə | mənbəni redaktə et]

Akif Qədir oğlu İslamzadə 1948-ci ildə Bakıda musiqiçi ailəsində anadan olub. Xanəndə Sara Qədimovanın ilk övladı olan Akif İslamzadə 12 yaşında Azərbaycan Televiziya və Radiosunun uşaq xorunun solisti kimi Ağabacı Rzayevanın "Çoban Qara" mahnısını səsləndirib. Bu mahnı hələ də Azərbaycan Teleradio Şirkətinin "Qızıl Fondu"nda saxlanılır. İfaçılığa 1972-ci ildə Rəşid Behbudov adına Mahnı Teatrının vokalisti kimi başlayan Akif İslamzadə 1979-cu ildə Azərbaycan Xalq Təsərrüfatı İnstitutunu bitirib. İxtisasca istehlakçı mühasibdir. 1976-cı ildə Azərbaycan Dövlət Tele-radio verilişləri şirkətində Tofiq Əhmədovun simfonik orkestrində işə başlayıb. Hərbi xidmətdən sonra Azərbaycan Dövlət Konsertinin vokalisti olub. 1992–1993-cü illərdə Bakı şəhəri baş Mədəniyyət İdarəsinin rəisi olub. Mahnılarından, "Sarı gəlin" və "Bu gecə" diqqətləri cəlb edib.

1986-cı ildə müğənninin səs tellərinin birində bədxassəli şiş əmələ gəlib. Onkoloji Mərkəzdə altı aylıq müalicələrdən sonra, cərrahiyyə əməliyyatında müğənninin səs tellərinin biri götürülüb. Bununla da, Akif İslamzadənin müğənni kimi fəaliyyəti yekunlaşıb.[1]

6 may 2016,[2] 1 may 2017[3] və 9 may 2018-ci ildə[4] Prezident Mükafatına, 10 may 2019-cu ildə Azərbaycan Respublikası Prezidentinin fərdi təqaüdünə layiq görülmüşdür.[5]

120-dən çox mahnının ifaçısıdır.

Bakının Binəqədi rayonuBadamdar qəsəbəsində Akif İslamzadə adına küçələr var.[6]

Filmoqrafiya[redaktə | mənbəni redaktə et]

  1. Qərib cinlər diyarında (film, 1977)
  2. Qayınana (film, 1978)
  3. Nəğməkar torpaq (film, 1981)
  4. Üzeyir ömrü (film, 1981)
  5. Evləri köndələn yar (film, 1982)
  6. Tənha narın nağılı (film, 1984)
  7. Xüsusi vəziyyət (film, 1986)
  8. Pəncərədə işıq (film, 1987)

İstinadlar[redaktə | mənbəni redaktə et]

  1. Akif İslamzadə. Mənim səsim niyə batdı?. "Xəzər" jurnalı. 1995.
  2. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2017-07-23 tarixində arxivləşdirilib. İstifadə tarixi: 2016-05-06.
  3. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 01.05.2017. 2017-05-04 tarixində arxivləşdirilib. İstifadə tarixi: 2017-05-02.
  4. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2018. 2018-06-12 tarixində arxivləşdirilib. İstifadə tarixi: 2018-05-10.
  5. President.Az. "Azərbaycan mədəniyyət və incəsənət xadimlərinə Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2019. 2019-05-10 tarixində arxivləşdirilib. İstifadə tarixi: 2019-05-10.
  6. Diksiya Akademiyasının ünvanı. Akif İslamzadə küçəsi, 125

Xarici keçidlər[redaktə | mənbəni redaktə et]