Akif Aşırlı

Vikipediya, açıq ensiklopediya
Jump to navigation Jump to search

Akif Abduləzim oğlu Vəliyev — Azərbaycan jurnalisti, "Şərq" qəzetinin təsisçisi və baş redaktoru, "Tərəqqi" medalı laureatı

Həyatı[redaktə | əsas redaktə]

Akif Aşırlı 1969-cu il fevralın 15-də Qazax rayonunun Daş Salahlı kəndində anadan olub. 1986-cı ildə Daş Salahlı kənd 1 saylı orta məktəbini bitirib. 1988-1990-cı illərdə keçmiş SSRİ ordusunda hərbi xidmətdə olub[1].

1999-cu ildə BDU-nun tarix fakültəsini bitirib. BDU-da təhsil aldığı illərdə paralel olaraq Azərbaycan Jurnalist Sənətkarlığı İnstitutunda oxuyub. 2005-ci ildə "Təfəkkür" Universitetində jurnalist ixtisası üzrə magistr dərəcəsi alıb[1].

1993-cü ildə ABŞ-ın rəsmi dövlət agentliyi YUSİA-nın dəvəti ilə bu ölkədə olub. 2005-ci ildə İsveçin Stokholm şəhərində keçirilən Dünya Azərbaycanlıları Konqresində Məclis üzvü və məclis katibi seçilib. 2007-ci ilə qədər bu vəzifəni icra edib[1].

Ailəsi[redaktə | əsas redaktə]

Ailəlidir, üç övladı var[1].

Yaradıcılığı[redaktə | əsas redaktə]

Orta məktəb illərindən başlayaraq dövri mətbuatda məqalələri və bədii yazıları çap olunub. Jurnalistlik fəaliyyətinə "7 gün" qəzetində başlayıb və bir müddət "Müxalifət" qəzetində çalışıb. 1996-cı ildə "Şərq" qəzetini təsis edib. Həmin vaxtdan etibarən "Şərq"in baş redaktorudur[1].

"Ağlama, Damcılı bulağı", "Türkün Xocalı soyqırımı", "Nəriman Nərimanovun Kremildə qətli", "Cümhuriyyət mətbuatında Qafqaz İslam Ordusu", "Azərbaycan mətbuatı tarixi" (1875-1920) kitablarının müəllifi, "Bağanıs Ayrım soyqırımı" kitabının həmmüəllifidir. 2016 cı ildə MEA-nın Tarix institunda akademik Yaqub Mahmudovun elmi rəhbərliyi ilə "Qafqaz İslam Ordusu Cumhuriyyət dövrü mətbuatında" adlı dissertasya işini müdafiə edərək tarix elmi üzrə fəlsəfə doktoru elmi dərəcəsi alıb. Mətbuat Şurası idarə heyətinin üzvüdür. Əsərləri Türkiyə, Gürcüstan, Ukrayna da populyar elmi jurnallarda dərc olunub. Azərbaycan Yazıçılar Birliyinin üzvüdür.

Mükafatları[redaktə | əsas redaktə]

2005-ci ildə Akademik Yusif Məmmədəliyev adına mükafata layiq görülüb[1]. 2005-ci ildə jurnalistikanın inkişafında xidmətlərinə görə Azərbaycan Respublikası Prezidentinin sərəncamı ilə "Tərəqqi" medalı ilə mükafatlandırılıb.

Kitabları[redaktə | əsas redaktə]

  • "Ağlama, Damcılı bulağı",
  • "Türkün Xocalı soyqırımı",
  • "Nəriman Nərimanovun Kremildə qətli", [1]
  • "Cümhuriyyət mətbuatında Qafqaz İslam Ordusu",
  • "Azərbaycan mətbuatı tarixi" (1875-1920) [2]
  • "Azərbaycan mətbuatı tarixi" (1920-1990),
  • "Bağanıs Ayrım soyqırımı",
  • "Nargin adasındakı Türk əsirləri",
  • "Sarıkamış əsirlərinin dramı: Nargin",
  • "Türk ocağı Azərbaycanda",

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 ""Şərq"in baş redaktoru Akif Aşırlı ilə fotosöhbət" (az). MODERN.AZ. modern.az. 07.07.2010, 10:25. http://modern.az/articles/6092/1/. İstifadə tarixi: 2014-09-21.