Akif Nəbiyev

Vikipediya, açıq ensiklopediya
Jump to navigation Jump to search
Akif Nəbiyev
Nəbiyev Akif Musa oğlu
Nebiyev akif musa oglu.jpg
İstehsalat Tikinti Mexanizasiya Şirkətinin baş direktoru
Şəxsi məlumatlar
Partiya Logo of New Azerbaijan Party.png Yeni Azərbaycan Partiyası
Təhsili Azərbaycan Politexnik İnstitutu
Doğum tarixi 13 noyabr 1950 (1950-11-13) (68 yaş)
Doğum yeri Ermənistan Respublikası, Göyçə mahalı, Basarkeçər rayonunun Zərkənd kəndi
Vətəndaşlığı Azərbaycan Azərbaycan

Nəbiyev Akif Musa oğlu - İstehsalat Tikinti Mexanizasiya Şirkətinin baş direktoru[1]

Həyatı[redaktə | əsas redaktə]

Nəbiyev Akif Musa oğlu 13 noyabr 1950-ci ildə Ermənistan Respublikası Göyçə mahalının Basarkeçər rayonunun Zərkənd kəndində anadan olub.

1971-ci ilin dekabrında ordudan tərxis olunub. 1972-ci ilin fevral ayında Bakı Baş Tikinti İdarəsinin 203 nömrəli İxtisaslaşdırılmış Mexanisaziya İdarəsində mexanik kimi ilk əmək fəaliyyətinə başlayıb.

Gəncə Politexnik Texnikumunda təhsil aldığı illər A.M. Nəbiyevin mütəxəssis kimi yetişməyində məktəb rolunu oynamışdır.

Akif Nəbiyevin BBTİ-də keçən fəaliyyət illəri yüksələn xətt üzrə gedib. O, 1974-1980-ci illərdə 203 nömrəli İMİ-nin nəzdində olan avtomobil dəstəsinin rəisi, 1980-1984-cü illərdə İMİ-nin qaraj müdiri, 1984-1992-ci illərdə 8 nömrəli İMİ-də baş mühəndis, 1992-1997-ci illərdə isə Bakı Baş Tikinti İdarəsinin Bakı Yol Tikinti Trestinin İstehsalat Texniki Təchizat İdarəsinin Asfalt Beton Zavodunun rəisi vəzifələrində çalışmışdır.

O, BBTİ-də mexanik kimi işlədiyi illərdə ali təhsil almaq barədə düşünmüş və sənədlərini Azərbaycan Politexnik İnstitutunun avtomobil təsərrüfatı fakültəsinə verərək axşam şöbəsinə qəbul olunmuş və 1980-ci ildə institutu müvəffəq qiymətlərlə bitirmişdir.

1997-ci ildə Bakı Baş Tikinti İdarəsinin müəssisələri özəlləşdirməyə açıq elan olunarkən Akif Nəbiyev dövlət özəlləşdirmə Proqramı çərçivəsində İstehsalat Texnoloji Təchizat İdarəsini özəlləşdirmiş və idarənin bazasında İstehsalat Tikinti Mexanizasiya Şirkətini təsis etmişdir. O, 1997-ci ildən bu şirkətə rəhbərlik edir.

A.M. Nəbiyev idarəni özəlləşdirdikdən sonra ilk öncə Dərnəgüldə - nəqliyyatın çox sıx olduğu ərazidə yerləşən idarəni Bakı Poladtökmə Zavodunun yaxınlığında bataqlıq bir sahədən 3 hektar ərazini alaraq gələcək şirkətinin bazasını yaratdı və İstehsalat Tikinti Mexanizasiya Şirkəti fəaliyyətə başladı.

İTM şirkəti mövcud olduğu 18 ildən artıq müddət ərzində yüksək səviyyəli tikinti işləri yerinə yetirən etibarlı şirkətə çevrilmişdir. İTM şirkətinin Maddi Texniki Bazası Binəqədi şossesi 53 ünvanında dörd hektarlıq ərazidə inşa edilmişdir. Şirkətin istehsalat sahələri Bakı şəhərində, Sizəyən və Quba rayonlarında yerləşir. Dərnəgüldə 20000 kv/m-lik sahədə istehsal gücü 50m3/saat olan beton qovşağı və bardür istehsalı sexi, Binəqədi şossesi sənaye sahəsində 40000 kv.m-lik ərazidə asfalt zavodu kompleksi, 110 ton/saat istehsal gücünə malik Teltomat asfalt zavod kompleksi, aluminium və plastik qapı pəncərə istehsalı və ağac emalı sexləri şirkətin uğurlarına qarant verir.

Həmçinin şirkətin Siyəzən rayonunun Gil-Gil çay sahədində qum-çınqıl karxanası, Quba rayonunun Qaraçay sahəsində istehsal gücü 40, 50 və 60 ton/saat olan 3 qum-çınqıl karxanası, Quba rayonunun Vəlvələçay sahəsində istehsal gücü 250 ton/saat olan Teknotak qum-çınqıl karxanası fəaliyyət göstərir.

İştirak etdiyi respublika əhəmiyyətli iri layihələr[redaktə | əsas redaktə]

İstehsalat Tikinti Mexanizasiya Şirkəti fəaliyyəti dövründə bir çox respublika əhəmiyyətli iri layihələrdə iştirak etmişdir. Azfen B.M., Azneft-Tekfen Alyansının, Azfen-Tekfen-AMEC alyansının həyata keçirdiyi İlkin Neft Layihəsi (EOP) Səngəçal Terminalında, İnşaat texnikası təmini, topraq işləri və s.; Azəri-Çıraq-Günəşli (ACG FFD) neft yataqlarının tammiqyaslı işdənməsi proqramı; Səngəçal Terminalının genişləndirilməsi layihəsi, Qırmadaş, qum, çınqıl və başqa inşaat materiallarının təminatı; AÇG FFD Kompressor və Suvurma Platformasının Üst Tikintilərinin Tikintisi Layihəsi; Sənqəçal-Qazıməmməd Qaz Boru Kəmərinin Tikinti Proqramı; Qaradağ Severnaya Qress Qaz Kəməri Layihəsi, ofis və kampların təmiri və tikinti işləri və layihə kəməri boyunca Security və Servis yollarının tikintisi; “Azərenerji” ASC-nin və “Azərenerjitikinti” MMC-nin xətti ilə “Azərenerjitikinti” MMC-nin Xaçmaz rayonu, Şirvan, Bakı və Sumqayıt şəhərlərində tikilən Modul Elektrik Stansiyalarında tikinti, asfalt və yol inşaat işləri; Bakı şəhər İcra Hakimiyyətinin xətti ilə Bakı şəhərində tikinti abadlaşdırma işləri, yolların asfaltlanması və təmir-bərpa işləri, Bilgəh-Nardaran yolunun, Babək prospekti və bir sıra küçə və prospektlərin təmiri və yeni asfalt örtüyünün salınması; Nəqliyyat Nazirliyinin “Azəryolservis”ASC-nin xətti ilə Bakı şəhəri və şəhərətrafı yolların yeniləşdirilməsi və təmiri işlərinin yerinə yetirilməsi; Azərbaycan Tibb Universiteti, Texniki Universiteti, İnşaat Universitetinin tədris və inzibatı binalarının təmir və tikinti işləri, həmçinin həyətyanı sahələrinin abadlaşdırılması işləri; Dövlət Neft Şirkəti Bibi-Heybət neft mədənində yerləşən Gəmi Təmiri Zavodunun ərazisinin əsaslı abadlaşdırılması və asfaltlaşdırılması; Cristal Plaza; Dövlət Bayrağı meydanı və digər layihələr...

İTM şirkəti bir çox Avropa və Türkiyə şirkətləri ilə yeni tikinti və inşaat maşın-mexanizmləri və texnologiyalarının Azərbaycana gətirilməsi sahəsində sıx əməkdaşlıq edir.

“BP”, “Azəravtonəqliyyatservis”, “Azərenerjitikinti” MMC, ARDNŞ, “Bakıelektrikşəbəkə” ASC və “Siemens” şirkətləri İTM şirkətinin başlıca və davamlı müştəriləridir.

Ailəsi[redaktə | əsas redaktə]

Ailəlidir, dörd övladı, beş nəvəsi var.

İstinadlar[redaktə | əsas redaktə]

  1. “Azərbycan Tikinti Kompleksinin Ensiklopediyası” kitabı, II cild, səhifə: 191-193.