Albaniya İkinci Dünya müharibəsində

Vikipediya, azad ensiklopediya
Jump to navigation Jump to search

Albaniya İkinci dünya müharibəsindəİkinci Dünya müharibəsində Albaniyanın rolu. İkinci Dünya müharibəsi Albaniyada 1939-cu ilin aprelində İtaliya tərəfindən işğal ilə başlamışdır. Faşist İtaliyası Albaniyanı protektorat və ya marionet dövlətə çevirmişdir. İşğalçılara qarşı müqavimət əsasən kommunist qrupları tərəfindən 1943-cü ilə qədər İtaliya, sonradan isə Nasist Almaniyasına qarşı həyata keçirilmişdir. Əvvəlcə müstəqil olan kommunist qrupları 1942-ci ilin əvvəlində birləşmiş və nəticədə 1944-cü ildə Albaniyanın nasist işğalından azad edilməsinə nail olmuşdular.

Tarix[redaktə | mənbəni redaktə et]

7 aprel 1939-cu ildə İtaliya Avropada yaranmış siyasi vəziyyətdən istifadə edərək Albaniyanı işğal etmişdir. İtalyan işğalçılara qarşı Albaniyada milli azadlıq mübarizəsi başlamışdır. Bu mübarizənin təşkilatçısı 1941-ci ilin noyabrında yaradılan Albaniya Kommunist Partiyası idi. 16 sentyabr 1942-ci ildə Pezada Milli Azadlıq Cəbhəsi yaradılmışdır. 1943-cü ildə milli azadlıq hərəkatının yeni mərhələsi başlanmışdır. Bu zaman nizami Milli Azadlıq Ordusu yaradılmasının əsası qoyulmuşdur. İtaliya 1943-cü ildə təslim olduqdan sonra Albaniyanı nasist Almaniyası işğal etmişdir. Nasist Almaniyasının Albaniyada milli azadlıq hərəkatını boğmaq cəhdi baş tutmamışdır. 1944-cü ilin oktyabrında müvəqqəti demokratik hökumət yaranmışdır. 1944-cü ilin payızında sovet qoşunlarının Balkan yarımadasında qalibiyyətli hücumu Milli Azadlıq Ordusuna işğalçılara bütün Albaniya torpaqlarından qonub çıxarmaq imkanı vermişdir. 29 noyabr 1944-cü ildə Albaniyanın azad edilməsi başa çatdırılmışdır. 10 noyabr 1945-ci ildə SSRİ Albaniya hökumətini tanımışdır. 11 yanvar 1946-cı ildə Albaniyada xalq respublikası elan olunmuşdur.[1]

İstinadlar[redaktə | mənbəni redaktə et]

  1. Албанија. Тарихи очерк // Азәрбајҹан Совет Енсиклопедијасы: [10 ҹилддә]. I ҹилд: А—Балзак. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1976. С. 218.

Əlavə ədəbiyyat[redaktə | mənbəni redaktə et]

Xarici keçidlər[redaktə | mənbəni redaktə et]