Albaniyada kənd təsərrüfatı

Vikipediya, azad ensiklopediya
Jump to navigation Jump to search

Albaniyada kənd təsərrüfatıAlbaniya iqtisadiyyatının aparıcı sahələrindən biri[1].

Mövcud vəziyyəti[redaktə | əsas redaktə]

Albaniyanın kənd təsərrüfatı ölkənin daxili tələbatını ödəmir[1]. Xüsusilə də 2000-ci illərin əvvəlində sovxoz və kolxozlar ləğv olunduqdan, torpaq və avadanlıq özəlləşdiriləndən sonra torpaq sahələrinin xırda sahələrə bölünməsi və avadanlıq çatışmazlığı kənd təsərrüfatındakı səmərəni daha da azaltmışdır[1].

Torpaqları[redaktə | əsas redaktə]

Ölkə ərazisinin 21%-ini suvarılan torpaqlar, 15%-ini otlaqlar tutur[1].

Əkinçilik[redaktə | əsas redaktə]

Əsas kənd təsərrüfatı bitkiləri buğda və qarğıdalıdır[1]. Suvarılan torpaqların yarısında taxıl əkilir[1].

Zeytun və sitrus plantasiyaları

Darı, şəkər çuğunduru, günəbaxan, kartof, tərəvəz, meyvə, üzüm, zeytun da becərilir[1].

Bu sahədə əsas problemlərdən biri quraqlıqdır ki, o da əkinçiliyə ciddi ziyan vurur[1]. Əkilən sahələrin yalnız yarıya qədəri suvarılır[1].

Heyvandarlıq[redaktə | əsas redaktə]

Albaniyada qoyunçuluq

Heyvandarlıqda başlıca ənənəvi sahə qoyunçuluqdur[1]. 2002-ci ildə bu ölkədə 1,4 milyon başdan çox qoyun qeydə alınmışdır[1].

Yük heyvanları – at, uzunqulaq saxlanılır[1].

Ölkənin cənubunda ətlik-südlük, şimal və şərqində isə dağ-otlaq heyvandarlığı üstünlük təşkil edir[1].

Quşçuluq[redaktə | əsas redaktə]

2002-ci ildə bu ölkədə 4,1 milyon baş ev quşları qeydə alınmışdır[1].

Balıqçılıq[redaktə | əsas redaktə]

Adriatik dənizinin sahil sularında balıqçılıq inkişaf etdirilir[1].

Meşə təsərrüfatı[redaktə | əsas redaktə]

Albaniyada torpaqlar kötük hazırlanması üçün uyğun bir iqlimə sahibdir. Lakin Albaniyanın tarixi meşələrinin bir çoxu 1990-cı illərdə səmərəsiz taxta sənayesi və kənd təsərrüfatı sahələrinin genişləndirilməsi nəticəsində dağıdıldı. Hazırda Albaniyanın torpaq sahələrinin təxminən 1/3-i meşə sahələri ilə örtülüdür. İtaliya və Dünya Bankı ilə imzalanmış bir anlaşmaya görə meşələrin bərpasına böyük məbləğdə vəsait ayrılmışdır.

ÜDM-də payı[redaktə | əsas redaktə]

2003-cü ildə Albaniyada kənd təsərrüfatının Ümumi Daxili Məhsuldakı payı 47,6% olmuşdur[1].

Beynəlxalq reytinqlər[redaktə | əsas redaktə]

2014-cü ilin yekunlarına əsasən Albaniyanın bir sıra kənd təsərrüfatı məhsullarının istehsalında dünya üzrə mövqeyi aşağıdakı cədvəldə göstərilmişdir:

Məhsul (ümumi istehsalı) Yer İstehsalçı ölkələrin ümumi sayı
Ərikgöyəm[2] 31 85
Üzüms[3] 36 90
Qarpız[4] 40 130
Meyvə[5] 98 205
Əncir[6] 11 52
Xiyar[7] 39 133
Pomidor[8] 56 170
Tərəvəz[9] 72 200

İstinadlar[redaktə | əsas redaktə]

  1. 1 2 3 4 5 6 7 8 9 10 11 12 13 14 15 16 "Albaniyada kənd təsərrüfatı". Azərbaycan Milli Ensiklopediyası[25 cilddə]. I cild (10 000 nüs.). Bakı: “Azərbaycan Milli Ensiklopediyası” Elmi Mərkəzi. baş red. M. K. Kərimov. 2009. səh. 297. ISBN 978-9952-441-02-4.
  2. "Plums and sloes, production quantity (tons) - for all countries" (English).
  3. "Grapes, production quantity (tons) - for all countries" (English).
  4. "Watermelons, production quantity (tons) - for all countries" (English).
  5. "Fruits without melons, total, production quantity (tons) - for all countries". factfish.com (English).
  6. "Figs, production quantity (tons) - for all countries". factfish.com (English).
  7. "Cucumbers and gherkins, production quantity (tons) - for all countries". factfish.com (English).
  8. "Tomatoes, production quantity (tons) - for all countries". factfish.com (English).
  9. "Vegetables and melons, total, production quantity (tons) - for all countries". factfish.com (English).

Xarici keçidlər[redaktə | əsas redaktə]

Vikianbarda Albaniyada kənd təsərrüfatı ilə əlaqəli mediafayllar var.