Aleksandr Karelin

Aleksandr Karelin
rus. Алекса́ндр Алекса́ндрович Каре́лин
Şəxsi məlumatlar
Ləqəbləri	Rus ayısı Rusiyalı Kinq Konq Böyük Aleksandr Eksperimental
Vətəndaşlığı	SSRİ Rusiya
Doğum tarixi	19 sentyabr 1967
Doğum yeri	Novosibirsk şəhəri, Rusiya SFSR, SSRİ
Təhsili	Novosibirsk Avtomobil Nəqliyyatı Kolleci Omsk Bədən Tərbiyəsi İnstitutu
Boyu	191 sm
Çəkisi	130 kq
İdman növü	Yunan-Roma güləşi
Karyera illəri	1981-ci ildən
Rəsmi saytı
Medallar Dövlət təltifləri Yunan-Roma güləşi Yay Olimpiya Oyunları ölkə SSRİ Qızıl Seul 1988130 kq ölkə MDB Qızıl Barselona 1992130 kq ölkə Rusiya Qızıl Atlanta 1996130 kq Gümüş Sidney 2000130 kq Güləş üzrə Dünya Çempionatı ölkə SSRİ Qızıl Martinyi 1989130 kq Qızıl Ostiya-Roma 1990130 kq Qızıl Varna 1991130 kq ölkə Rusiya Qızıl Stokholm 1993130 kq Qızıl Tampere 1994130 kq Qızıl Praqa 1995130 kq Qızıl Vrotslav 1997130 kq Qızıl Yevle 1998130 kq Qızıl Afina 1999130 kq Güləş üzrə Dünya Kuboku ölkə SSRİ Qızıl Albani-ABŞ 1987130 kq ölkə MDB Qızıl Bezanson 1992130 kq Güləş üzrə Avropa Çempionatı ölkə SSRİ Qızıl Kolbotn 1988130 kq Qızıl Oulu 1989130 kq Qızıl Poznan 1990130 kq Qızıl Aşaffenburq 1991130 kq ölkə MDB Qızıl Kopenhagen 1992130 kq ölkə Rusiya Qızıl İstanbul 1993130 kq Qızıl Afina 1994130 kq Qızıl Bezanson 1995130 kq Qızıl Budapeşt 1996130 kq Qızıl Minsk 1998130 kq Qızıl Sofiya 1999130 kq Qızıl Moskva 2000130 kq
Vikianbarda əlaqəli mediafayllar

Aleksandr Aleksandroviç Karelin (rus. Алекса́ндр Алекса́ндрович Каре́лин; d. 19 sentyabr 1967, Novosibirsk, SSRİ) — bütün zamanların ən böyük klassik (Yunan-Roma güləşi) güləşçisi hesab olunan keçmiş sovet və rus idmançısı, dövlət və siyasi xadimi, beş çağırış Rusiya Federasiyası Dövlət Dumasının millət vəkili. Vahid Rusiya siyasi partiyasının Ali Şurasının üzvü. SSRİ-nin əməkdar idman ustası (1988), Rusiya Federasiyasının Qəhrəmanı (1996).

Qibtə olunası idman həyatı olan, klassik güləşin əfsanəsi Aleksandrın zəngin titul siyahısına nəzər salaq: 3 dəfə Yay Olimpiya Oyunlarının qalibi (1988, 1992, 1996, çəkisi 130 kq-a qədər), 9 qat dünya çempionu (1989-1991, 1993-1995, 1997-1999), 12 qat Avropa çempionu (1987-1991, 1993- 1996, 1998-2000), Sidneydə keçirilən 2000 Yay Olimpiya Oyunlarının gümüş mükafatçısı, 1988-ci ilin gənclər arasında dünya çempionu; ölkə daxili yarışların - güləş üzrə SSRİ, MDB və Rusiya çempionatlarının 13 dəfə çempionu (1988-2000), 1989-cu il Mütləq Dünya Çempionu Kubokunun qalibi. Dörd dəfə - 1989, 1990, 1992 və 1994-cü illərdə planetin ən yaxşı döyüşçüsü olaraq "Qızıl kəmər" mükafatının sahibi. IV beynəlxalq "Aleksandr Karelin mükafatı" turnirin qalibi (1995). İvan Poddubnı-nın xatirəsinə həsr olunmuş beynəlxalq turnirin 6 qat çempionu. Dünyada ilin ən yaxşı idmançısı və 2 dəfə ən yaxşı rus idmançı seçilən Karelin bütün karyerası ərzində 888 qələbə qazanmış yalnız 2 dəfə döşəyi məğlub halda tərk etmişdir. XX əsrdə dünyanın ən yaxşı 25 idmançısı siyahısına seçilmişdir. 13 il keçirdiyi heç bir döyüşdə uduzmayan Karelinin adı bu kateqoriyada Ginnesin Rekordlar Kitabına daxil edildi. 6 il iştirak etdiyi heç bir döyüşdə rəqibinə 1 xal belə verməyən Karelinlə hətta döyüşməkdən belə imtina edən rəqiblər olmuşdu.

İdman karyerası

Başlanğıc

Karelin dünyaya gələndə çəkisi 5,5 kq olub. Aleksandr Karelin 13 yaşında (bu vaxt artıq onun boyu 178 sm, çəkisi 78 kq idi) doğma şəhərində - Novosibirskdə idmanla məşğul olmağa başladı. 1981-ci ildə Elektrotexnika İnstitutunun klassik güləş bölməsinə yazılır.