Alisa möcüzələr ölkəsində (film, 1999)

Vikipediya, açıq ensiklopediya
Keçid et: naviqasiya, axtar
Alisa möcüzələr ölkəsində
Alisa möcüzələr ölkəsində (film, 1999).jpg
Orijinal ad: ing. Alice in Wonderland
Rejissor: Nik Uillinq
Ssenari müəllifi: Kitab:
Luis Kerroll
Uyğunlaşdıran:
Piter Barns
Operator: Stefan Lanc
Cillz Natqens
Prodüser: Riçard Holl-kiçik
Riçard Holl-böyük
Dayson Lovell
Kris Tompson
Rəssam: Rocer Holl
Rozalind Şinqlton
Alan Tomkins
Çarlz Noud
Karen Bruks
Bəstəkar: Riçard Hartli
Montaj rejissoru: Aleks Maki
Rollarda: Tina Macorino
Vupi Qoldberq
Martin Şort
Robbi Koltreyn
Kristofer Lloyd
Cin Uaylder
Miranda Riçardson
Janr: Macəra filmi
İlk baxış tarixi: Flag of the United States.svg 28 fevral 1999
Dil: İngilis dili
Ölkə: Flag of the United Kingdom.svg Böyük Britaniya
Flag of the United States.svg ABŞ
Flag of Germany.svg Almaniya
İstehsalçı qurum: Hallmark Entertainment
Filmin növü: Macəra filmi
Rəng: Rəngli
Vaxt: 150 dəqiqə
İl: 1999
Büdcəsi: $21 milyon[1]
IMDb səhifəsi

Alisa möcüzələr ölkəsində və ya Alisa möcüzələr diyarında (ing. Alice in Wonderland) — 1999-cu ildə istehsal olunmuş televiziya filmidir. Film Luis Kerrollun "Alisa möcüzələr ölkəsində" və "Alisa güzgü arxasında" əsərləri əsasında hazırlanmışdır. Filmin rejissoru Nik Uillinqdir. Film bir çox mükafat və nominasiyalara layiq görülmüşdür.[2] Filmdə Tina Macorino, Riçard Kumbs, Ken Todd, Vupi Qoldberq, Ven Kinqsli, Ceyson Birn, Robbi Koltreyn, Corc Vendt, Cin Uaylder, Kristofer Lloyd, Miranda Riçardson və başqaları iştirak edirlər.[3] Film 12 mart 2010-cu ildə DVD disklərdə satışa çıxarılmışdır. Filmin büdcəsi qiymətləndirməylə $21 milyon dollardır.

Seçilmiş sitat[redaktə | əsas redaktə]

  • Təxəyyülün şah əsəri (ing. A Masterpiece of Imagination)

Məzmun[redaktə | əsas redaktə]

Alisa otağında "Yetişmiş albalı" (ing. Cherry Ripe) mahnısını bağa qonaq gələn tamaşaçılar qarşısında ifa etmək üçün hazırlaşır. Bu qonaqlar möcüzələr ölkəsinin personajlarıdır. Sadəcə, onların əsl kimliyi həmin möcüzələr ölkəsində açılır. Həmçinin, Alisanın otağındakı oyuncaqlar da möcüzələr ölkəsində yaşayan insanların vəziyyətini əks etdirir). Lakin o qəfil səhnədəki qonaqlardan qorxur və meşəyə qaçır. Burada ağacdan bir alma aşağı düşməyə başlayır. Bu alma sanki Alisanın üzünə parlayır. Birdən ağacların yanından insan boyda olan Ağ Dovşan çıxıb qaçır. Ağ Dovşan elə qaçır ki, sanki harasa tələsir. Onun əlində saat olur. Bu da Alisanın marağına səbəb olur. Alisa da onun ardınca qaçır. Beləliklə, Alisa Ağ Dovşanın ardınca qaçaraq "Möcüzələr ölkəsinə"nə düşür.

Alisa "Möcüzələr ölkəsi"də səyahət etməyə başlayır. Bu zaman müxtəlif insanların həyatı və problemləri ilə qarşılaşır. Alisanın boyu "Möcüzələr ölkəsi"nə daxil olan zaman normal qalır. Lakin elə də böyük olmayan bağa açılan qapıdan keçən zaman Alisanın boyu kiçilir. Alisanın göz yaşlarını görən Cənab Siçan və onun dostları ona kömək etməyə başlayır. Sonra Alisa Ağ Dovşana rast gəlir. Otaqda şüşə qabda mayeli su içir. Qabın üzərində "İç Məni" yazılmışdır. Bu zaman Alisa həddindən artıq böyüməyə başlayır. Ağ Dovşan və onun bağbanları Pet ilə Vill Alisaya kömək etməyə başlayırlar. Lakin yenədə Alisa kiçilməyə başlayır. Alisa Meşədə azaraq mayor Keterpiller ilə rastlaşır. Keterpiller ona kiçilməzdən əvvəl qorxmamağı tapşırır. Alisa göbələyin hissələrini ilə qidalanaraq böyüməyə başlayır. Bu zaman Alisanın boyu normal hala düşür. Alisa yenidən səyahətini davam etdirir. Manor Evi adlanan yerdə qadın musiqi Hersoqu ilə rastlaşır. Alisa körpəni əlinə alır. Lakin əlindəki körpə tədricən donuza dönür. Alisa onu yerə buraxır. Çeşir pişiyi ona Dəlisov Papaqçı və onun dostları Mart Pişiyi ilə Sonyanın yanına getməyi məsləhət görür.

Alisa "Trio" ilə görüşən zaman səhnədə qorxmağı necə dəf etmək müzakirəyə qoyulur. Dəlisov Papaqçı stolunu üzərinə hoppanır. Bu işi Dəlisov Papaqçı "Qırmızıtoxmaq Kraliça"nın konsetində görmüşdür. Alisa səhnəyə çıxan zaman Dəlisov Papaqçı və Mart Pişiyi qabları sındırmağa başlayır. Alisa kiçik qapıdan gəlir. Alisa Qırmızıtoxmaq Kraliçaya məxsus Labirintə düşür. "Qırmızıtoxmaq Kraliça" Alisanı qəribə Kroket oyununa dəvət edir. Lakin "Qırmızıtoxmaq Kraliça"nın insanlara qarşı münasibəti və onların edam etdirməyə məhkum olmaları, Alisanın xoşuna gəlmir. Çeşir pişiyinin başı gözlənilmədən görünməyə başlayır. Qadın Hersoqu Kinqin sualına cavam vermək üçün gəlir ki, pişiyin kimə məxsus olmasını tapsın. Lakin Çeşir pişiyi gözdən itir. Alisa Kroket oyununu tərk edir. Alisa macəralarını davam etdirərək, Qrifon və Sınaq Tısbağası ilə rastlaşır. Sınaq Tısbağası ona oxumağı öyrədir. Əvvəlcə "Xərçəng Kuadrill" (ing. The Lobster Quadrille) mahnısını tək ifa edir. Ardınca isə Alisa onunla ilə birgə "Gözəl şorba" (ing. Beautiful Soup) mahnısını ifa etməyə başlayır. Alisa onlardan məmnun qalaraq, buranı tərk edir. Alisa buranı tərk etdikdən sonra Ağ Cəngavər ilə rastlaşır. Ağ Cəngavər ona ixtiralarından danışır və ona mərd olması bildirir.

Alisa səyahətini davam etdirərək güllərlə qarşılaşır. Onların sırasında ən dərrakəli Pələng-Lili olur. Onların arasında bir çox dələduz itburnu və çoxilli qızçiçəkləri olur. Alisa Pələng-Lilidən meşədən çıxmaq üçün hara getməyini soruşur. Bu zaman bütün güllər ona müxtəlif istiqamət göstərir. Alisa onların sözlərinə qulaq asmayaraq, yoluna davam edir. Alisa bu dəfə Tvidli Dam və Tvidli Di ilə rastlaşır. Bir müddət sonra onları arasında mübahisə baş verir və onlar bir-biri ilə mübarizə aparmağa başlayırlar. Tvidli Dam və Tvidli Di zədə almamaları üçün onlar cəngavər paltarı geyinirlər. Lakin bu geyimlər ağır olduğundan onlar tez bir zamanda yorulurlar. Bu zaman burulğan yaranır və onlar buranı tərk edirlər. Alisa da burulğandan xilas olmaq üçün buranı tərk etmək məcburiyyətində qalır. Ardınca Alisanı məhkəməyə çağırırlar. Məhkəmədə "Ürəklər Valeti"nin Kraliça Piroqlarını oğurlaması mühakiməsi aparılır. Şahid kimi Dəlisov Papaqçı və onun dostları dəvət olunur. Lakin Kraliçanın Piroqlarını başqası oğurlamışdır. Bunu sübut edən dəlil yoxdur. Alisa məhkəmə qarşısına çıxarılır. Bu zaman Alisa həminki kimi göbələyin hissələrini yeyərək daha da böyüməyə başlayır. Alisa kraliçanı və kralı tənqid etməyə başlayır. Alisa saxlanılan şəxsin günahkar olmadığını və piroqların yerində olduğunu bildirir. Ağ Dovşan başqalarının fikrinin ona lazım olub-olmadığını və həqiqətən, qərarında əmin olması barəsində ona iki sual verir. Alisa ilk suala "xeyr, nə vaxt ki, mən haqlıyam", digər suala "Bəli, mən əminəm" cavabını verir. Bu zaman Ağ Dovşan Alisaya "Onda biz sənə artıq lazım deyilik" deyərək, Alisanı geri qayıdır. Alisa əvvəlki kimi ağacdan almanın yerə düşdüyünü görür.

Evə geri qayıdan zaman Alisa mahnını həvəslə valideynlərinin və onların qonaqların qarşısında oxumağa başlayır. Lakin ifa edəcəyi mahnının əvəzində "Xərçəng Kuadrill" mahnısını oxuyur. Bu mahnı əvvəlki mahnıdan da maraqlı olur. Qonaqlar bu mahnını bəyənərək onu alqışlamağa başlayırlar. Bu zaman Alisa Çeşir pişiyinin də sevindiyini görür. Qarşılıqlı olaraq Alisanın simasında təbəssüm yaranır.

Filmin heyəti[redaktə | əsas redaktə]

Aktyor/aktrisa Rol Qeydlər
Tina Macorino Alisa[4] Əsərin baş qəhrəmanı
Vupi Qoldberq Çeşir pişiyi Alisaya "Möcüzələr ölkəsi"nin bir sıra qanunlarını başa salır.
Kiran Şah Ağ Dovşan
Riçard Kumbs Ağ Dovşan
Ken Todd Cənab Siçan
Miranda Riçardson Qırmızıtoxmaq Kraliça
Martin Şort Dəlisov Papaqçı
Cin Uaylder Sınaq Tısbağası
Kristofer Lloyd Ağ Cəngavər
Robbi Koltreyn Tvidli Dam
Corc Vendt Tvidli Di
Ken Dodd Cənab Siçan
Ben Kinqsli Mayor Keterpiller
Cerard Naprous Qara Kral
Ceyson Birn Pet
Cerard Naprous Ürəklər Valeti Ser Cek və ya Ked
Donald Sinden Qrifon Qrifon personajını səsləndirən
Elizabet Briqqs musiqi Hersoqu
Coanna Lamli Pələng-Lili
Meri Heli rolu yoxdur Dayə
Cenin Ezer rolu yoxdur Alisanın anası
Ceremi Brudenell rolu yoxdur Alisanın atası
Conatan Broadbent rolu yoxdur Krallığın bağbanı #1
Metyu Sim rolu yoxdur Krallığın bağbanı #2
Kristofer Ryan Kris Ryan Krallığın bağbanı #3

Hazırlanma[redaktə | əsas redaktə]

Filmin məzmunu Luis Kerrolun "Alisa möcüzələr ölkəsində" və "Alisa güzgü arxasında" əsərlərinin məzmununa yaxın yaradılmışdır. Film üçün xüsusi effektlər "London animasiya studiyası Framestore CFC" tərəfindən yaradılmışdır. Filmdəki bütün oyuncaqlar ABŞ-ın xüsusi vizual effektlər hazırlayan «Jim Henson’s Creature Shop» adlı kompaniyası tərəfindən hazırlanmışdır. Filmdə təxminən 875 vizual effektdən istifadə edilmişdir. Filmdəki qəhrəmanların obrazı Luis Kerrolun "Alisa möcüzələr ölkəsində" və "Alisa güzgü arxasında" əsərlərinin ilk illüstratoru olan ingilis rəssamı Con Tennielin (ing. John Tenniel) illüstrasiyası əsasında yaradılmışdır.

Saundtreklər[redaktə | əsas redaktə]

Aşağıdakı cədvəldə 1999-cu ildə çəkilən "Alisa möcüzələr ölkəsində" filminin bütün saundtrekləri göstərilmişdir: [5][6][7][8]

Mahnıların sözləri və musiqisi Riçard Hartli. 

Ölkələrdə çıxış tarixi[redaktə | əsas redaktə]

Ölkə Çıxış tarixi Adı Dil Qeydlər
Flag of the United States.svg ABŞ 28 fevral 1999 Alice in Wonderland İngilis dili
Flag of Portugal.svg Portuqaliya 2 may 1999 Alice no País das Maravilhas Portuqal dili
Flag of Germany.svg Almaniya 23 may 1999 Alice im Wunderland Alman dili
Flag of Australia.svg Avstraliya 13 avqust 1999 Alice in Wonderland İngilis dili
Flag of the United Kingdom.svg Böyük Britaniya 23 aprel 2000 Alice in Wonderland İngilis dili
Flag of France.svg Fransa 24 dekabr 1994 Alice au pays des merveilles Fransız dili
Flag of Japan.svg Yaponiya 14 noyabr 2000 Alice in Wonderland Yapon dili Video premyera
Flag of Finland.svg Finlandiya 30 yanvar 2002 Liisa ihmemaassa Fin dili DVD premyera
Flag of Hungary.svg Macarıstan Rəsmi çıxış tarixi yoxdur Alice csodaországban Macar dili
Flag of Spain.svg İspaniya Rəsmi çıxış tarixi yoxdur Alicia en el país de las maravillas İspan dili
Flag of Italy.svg İtaliya Rəsmi çıxış tarixi yoxdur Alice nel paese delle meraviglie İtalyan dili
Flag of Poland.svg Polşa Rəsmi çıxış tarixi yoxdur Alicja w Krainie Czarów Polyak dili
Flag of Greece.svg Yunanıstan Rəsmi çıxış tarixi yoxdur I Aliki stin hora ton thavmaton Yunan dili

Dünya kanallarında yayımlanması[redaktə | əsas redaktə]

Ölkə Kanal
Flag of the United States.svg ABŞ NBC
Flag of the United Kingdom.svg Böyük Britaniya Channel 4
Flag of Spain.svg İspaniya Tele5
Flag of Poland.svg Polşa KidsCo

Ədəbiyyat[redaktə | əsas redaktə]

İstinadlar[redaktə | əsas redaktə]

  1. Alice in Wonderland Business Imdb.com sayında, Yoxlanılıb: 17 sentyabr 2015.
  2. Alice in Wonderland Awards Imdb.com sayında, Yoxlanılıb: 17 sentyabr 2015.
  3. Alice in Wonderland Allmovie.com saytında, Yoxlanılıb: 17 sentyabr 2015.
  4. Alice in Wonderland Locations Imdb.com sayında, Yoxlanılıb: 17 sentyabr 2015.
  5. Alice in Wonderland Albums Soundtrack.com saytında, Yoxlanılıb: 9 dekabr 2014
  6. Alice in Wonderland Ratings Imdb.com sayında, Yoxlanılıb: 17 sentyabr 2015.
  7. Alice in Wonderland Releaseinfo Imdb.com sayında, Yoxlanılıb: 17 sentyabr 2015.
  8. Alice in Wonderland Fullcredits Imdb.com sayında, Yoxlanılıb: 17 sentyabr 2015.

Xarici keçidlər[redaktə | əsas redaktə]