Allahverdi Xəlilov

Vikipediya, açıq ensiklopediya
Jump to navigation Jump to search

Allahverdi Sabir oğlu Xəlilov — “Azərbaycan Bayrağı” ordeni və “Hərbi xidmətə görə” medalı laureatı.

Həyatı[redaktə | əsas redaktə]

Allahverdi Xəlilov 1974-cü il iyulun 30-da indiki Ermənistanın Noyemberyan rayonundakı Ayrım qəsəbəsində anadan olmuşdur. 1991-ci ildə 263 saylı orta məktəbi bitirən Allahverdi Dəmiryolu texnikumuna qəbul olundu. 1992-ci ilin oktyabrında Azərbaycan ordusunda hərbi xidmətə çağırıldı. O, Qubadlı, Zəngilan, Füzuli, Ağdam, Ağdərə, Kəlbəcər, Qazax bölgələrində gedən döyüşlərdə iştirak etmiş, düşmənə arxa çevirməyətək vətənimizin hər qarış torpağı uğrunda cəsarətlə vuruşmuşdur. Tərtər cəbhədinfə gedən qanlı döyüşlərdə iştirak etmiş və qorxmazlığı ilə fərqlənmişdi.18-22 aprel 1994-cü ildə gedən qanlı döyüşlərdə dəfələrlə ölümlə üz-üzə gəlməyinə baxmayaraq, özünü itirməmıiş, neçə düşməni məhv etmiş, ermənilərin hücumunun dəf edilməsində şücaət və qəhrəmanlıq göstərmişdi. Onun xidmət etdiyi manqa düşmənin PDM-2-ni sıradan çıxartmışdı. Əks hücum zərbələrinə tab gətirməyən düşmən geri çəkilmiş və komandamız çoxlu hərbi sursat ələ keçirmişdi.1994-cü ilin aprelin 24-də ermənilər böyük qüvvə ilə növbəti hücuma keçmişdilər. Allahverdi son damla qanına kimi düşmənlə vuruşacağına and içmişdi. Bu qanlı döyüşdə Allahverdi Xəlilov xüsusilə fərqlənmiş, öz mövqeyini tərk etməmiş, qəhrəmancasına həlak olmuşdur.Allahverdi Xəlilov döyüş yoldaşları arasında böyük hörmət və rəğbət qazanmışdı. Onun qəhrəmanlığı nəinki yoldaşları arasında, hətta Azərbaycanın bir çox bölgələrində söylənilir. Allahverdi Sabir oğlu Xəlilovun xidmətləri hərbi rəhbərliyin diqqət mərkəzində olmuşdur. Təsadüfi deyildir ki, ona bir neçə dəfə təşəkkür elan edilmiş və fərmanla təltif olunmuşdur.

Ölümündən sonra isə Allahverdi Sabir oğlu “Azərbaycan Bayrağı” ordeni ilə təltif olunmuşdur.

23 sentyabr 1994-cü il 10/107 saylı qərara əsasən 263 saylı orta məktəbə Allahverdi Sabir oğlu Xəlilovun adı verildi.

Azərbaycan Respublikası Prezidenti Cənab İlham Əliyevin 2010-cu il 24 iyul tarixli 976 nömrəli Sərəncamı ilə Allahverdi Sabir oğlu Xəlilov “Hərbi xidmətə görə” Azərbaycan Respublikası medalı ilə təltif olunmuşdur.