Almaz Çələbiyeva

Vikipediya, açıq ensiklopediya
Jump to navigation Jump to search
Picto infobox character.png
Almaz Zülfiqar qızı Çələbiyeva
Doğum tarixi 20 avqust 1953 (1953-08-20) (65 yaş)
Vətəndaşlıq Flag of the Soviet Union.svg SSRİ, Flag of Azerbaijan.svg Azərbaycan
Elm sahəsi kimya
İş yeri AMEA-nın Polimer Materialları İnstitutu
Elmi dərəcəsi kimya üzrə fəlsəfə doktoru

Almaz Zülfiqar qızı Çələbiyeva (20 avqust 1953, Sumqayıt şəhəri, Azərbaycan SSRİ) — azərbaycanlı alim, kimya üzrə fəlsəfə doktoru, AMEA Polimer Materialları İnstitutunda fəaliyyət göstərən “Təhsil Şöbəsi”nin müdiri.

Almaz Zülfiqar qızı Çələbiyeva 1953-ci il avqustun 20-də Sumqayıt şəhərində anadan olmuşdur. 1970-ci ildə Sumqayıt şəhər 12 saylı orta məktəbi bitirdikdən sonra M.Əzizbəyov adına Neft və Kimya İnstitutunun (indiki Azərbaycan Dövlət Neft və Sənaye Universiteti) kimya-texnologiya fakultəsinə daxil olmuş, 1976-cı ildə oranı kimyaçı-texnoloq-mühəndis ixtisası üzrə bitirmişdir.1972-ci ildən AMEA Polimer Materialları İnstitutunda ardıcıl olaraq böyük laborant, elmi işçi, böyük elmi işçi və aparıcı elmi işçi vəzifələrində işləmişdir. Hal-hazırda isə PMİ-da yeni yaradılmış “Təhsil şöbəsi”nin müdiri vəzifəsində işləyir. Almaz Çələbiyeva 1996-cı ildə AMEA Neft-Kimya Prosesləri İnstitutunda fəaliyyət göstərən ixtisaslaşmış şurada “Tsiklik dienlərin və dihalogenkarbenlərin allilasetilen birləşmələrinə tsiklobirləşməsi və alınan adduktların bəzi çevrilmələri” mövzusunda namizədlik dissertasiyası müdafiə etmişdir. 2010-cı ildə “üzvi kimya” ixtisası üzrə dosent adına layiq görülmüşdür. A.Z.Çələbiyevanın əsas elmi işləri allilasetilen sıra birləşmələrin tsiklik dienlərlə (tsiklopentadien, 1,3-tsikloheksadien tetraxlortsiklopentadien, 5,5-dimetoksitetraxlortsiklopentadien, heksaxlortsiklopentadien) və dixlor (dibrom) karbenlərlə [4+2] və [2+1] tsiklobirləşmə reaksiyalarının qanunauyğunluqlarının öyrənilməsinə həsr olunmuşdur. Allilasetilen birləşmələrindəki funksional qrupun və ikiqat rabitənin yanındakı əvəzləyicilərin təsirindən asılı olaraq dienofillərin reaksiyayagirmə qabiliyyətləri araşdırılmışdır. Sintez olunmuş birləşmələrin arasında yüksək səmərəliliyə malik inhibitorlar, modifikatorlar, bioloji aktiv maddələrin olduğu müəyyən edilmişdir. A.Çələbiyeva tərəfindən həmçinin allilqlisid efiri əsasında su ilə durulaşdırılan epoksitelomerlərin əlverişli alınma üsulları işlənmişdir. Onun apardığı elmi-tədqiqat işlərinin nəticələri 110-dan artıq elmi əsərdə öz əksini tapmışdır. O dəfələrlə bir sıra Beynəlxalq və Respublika səviyyəli konfranslarda iştirak etmişdir. A.Z.Çələbiyeva AMEA Polimer Materialları İnstitutu nəzdində fəaliyyət göstərən Dissertasiya Şurasının elmi katibi kimi də fəaliyyət ğöstərir.