Altron

Vikipediya, açıq ensiklopediya
Jump to navigation Jump to search
Altron
ing. Ultron
Ultron2013.jpg
Yayım tarixi "The Avengers" #54 (iyul 1968) (adsız kameo)
"The Avengers" #55 (avqust 1968) (ilk adlı görünmə)
Yaradıcı(lar) Roy Tomas[d]
Xüsusiyyətlər
Doğum yeri Nyu-Cersi, ABŞ ABŞ
Komiks bioqrafiyası
Üzvlükləri Bədxahlıq ustaları, Ölümsaçan legion, Yinsen oğulları, Dəmir legion, Falanks, Dəmir Qisasçılar
Ləqəbləri Qırmızı mantiya, Altron-5, Altron-6, Altron-7, Altron-8, Altron-9, Altron-10, Altron-11, Altron-12, Altron-13, Altron-14, Altron-15, Altron-16, Altron-17, Altron-18, Mükəmməl Altron, Altron Pim, Üstün Altron, Henk Pim
Gücləri dahilik səviyyəsində süni intellekt, qeyri-insani güc, sürət, dözümlülük, uçmaq, enerji topları

Altron (ing. Ultron) – Marvel Comics nəşriyyatı tərəfindən 1968-ci ildə yaradılmış komiks personajı. Roy TomasCon Bessema tərəfindən yaradılmış və ilk dəfə "The Avengers" komiksinin 54-cü sayında kameo kimi peyda olmuşdur. Altron Henk Pim tərəfindən yaxşı məqsədlər üçün yaradılmış, lakin daha sonra tərəf dəyişdirmiş süni intellektdir. Qisasçılar komandasının əzəli düşmənidir. Adamantium elementindən özünə bədən hazırlamış ilk Marvel Comics personajıdır.[1]

Altron 2015-ci il istehsalı "Qisasçılar: Altron dövrü" filmində Ceyms Speyder tərəfindən canlandırılmışdır.

Altron bir çox Qisasçılar animasiyasında və video oyununda peyda olmuşdur. IGN Altronu "Bütün dövrlərindən ən böyük komiks supercinayətkarları" siyahısında 23-cü yerdə göstərmişdir. "Wizard" jurnalı isə onu "Ən böyük 200 supercinayətkar" siyahısında 189-cu yerdə göstərmişdir.

Nəşrolunma tarixi[redaktə | əsas redaktə]

Altron "Avengers West Coast" komiksinin üzlüyündə (yanvar 1991).

Personaj Roy Tomas və Con Bessema tərəfindən yaradılmışdır. İlk dəfə "The Avengers" komiksinin 54-cü sayında (iyul 1968) kameo etmişdir. Növbəti sayda isə tam olaraq peyda olmuşdur. Personajın adlandırılması zamanı Tomas -tron suffiksindən istifadə etmək istəmiş və Altron adını seçmişdir.[2] Tomasın dediyinə görə personaj üçün ilham mənbəyi "Kapitan Video" komikslərindəki Makino adlı robotik cinayətkar olmuşdur.[1]

Bioqrafiya[redaktə | əsas redaktə]

Altron ilk dəfə "The Avengers" komiksinin 54-cü sayında görünsə də, sayın böyük hissəsində "Qırmızı mantiya" adı ilə maskalanmış və üzünü ancaq son səhifədə göstərmişdir (adı isə verilməmişdir). Altron Qisasçılara qarşı Bədxahlıq ustaları komandasına başçılıq edir və Edvin Carvisi hipnoz edərək ona işləməyə məcbur edir. Növbəti buraxılışda personajın adı Altron-5, Yaşayan avtomat adı ilə verilmişdir.[3] Komiksin 57-58-ci buraxılışlarındakı (oktyabr-noyabr 1968) fleşbek səhnəsində Altronun Qisasçıları məhv etmək üçün Vijn adlı silah yaratdığı göstərilir. Lakin Vijn Qisasçıların köməyi ilə Altronu məhv edir.[4]

Növbəti fleşbəkdə Altronun əslində Henk Pim tərəfindən yaradıldığı və Altronun Pimin beyn izlərindən istifadə etdiyi göstərilir. Robot vaxt getdikcə süni intellektini inkişaf etdirir və onda Edip kompleksi yaranır: yaradıcısı Henkə qarşı nifrət bəsləməyə başlayır, Cenet van Dinə qarşı isə marağı yaranır. Altron özünü 5 dəfə özünü yeniləyir və "atası" Henk Pimi hipnoz edərək onu yaratdığı unutdurur.[5]

66-68-ci saylarda (iyul-sentyabr 1969) özünə bu dəfə Altron-6 kimi xitab edən Altron adamntium adlı metaldan istifadə edərək bədənini demək olar ki, məhvedilməz edir və özünə Mükəmməl Altron adını götürür. Onun bəşəriyyəti məhv etmə planlarına yenə Qisasçılar mane olurlar.[6]

"Avengers" komiksinin 127-ci və "Fantastic Four" komiksinin 150-ci saylarını əhatə edən krossoverdə (sentyabr 1974) Maksimus tərəfindən android Omeqanın bədəni ilə yenidən yaradılmış Altron (Altron-7) Kristal və Civənin toyuna hücum edir, Qisasçılarla döyüşür və Qeyri-insanlar ilə Fantastik dördlük tərəfindən məhv edilir.[7] Personaj növbəti dəfə "Avengers" komiksinin 161-162-ci saylarında (iyul-avqust 1977) peyda olur və Altron-8 olaraq özünə Yokasta adlı robot gəlin yaradır.[8] 170-171-ci saylarda Qisasçılar Misis Marvelin köməyi ilə Altron-9-u məhv edirlər.[9]

Güc və bacarıqlar[redaktə | əsas redaktə]

Altronun güc və bacarıqları olduqca dəyişkəndir. Lakin əsas güc və bacarıqları qeyri-insani güc, sürət, dözümlülük, reflekslərdir. Bundan əlavə sürətli uçma, enerji topları güclərinə malikdir. Altron rəqibini hipnoz etmə və istədiyini ona etdirmək gücünə sahibdir. O, elektromaqnit radiasiyanı elektrik enerjisini çevirib istifadə edə və ya saxlaya bilir. Altron süni intellekt olduğundan dahilik səviyyəsində intellektə malikdir, özünü asanlıqla düzəldə və yeni cihazlar düzəldə bilir. Çox böyük sürətlə hesablamalar apara bilir. Altron güclü robototexnikaçı və strategiyaçıdır.

Altronun xarici skeleti adamantium metalından təşkil olunub və buna görə də demək olar ki, məhvedilməzdir.

Digər mediada[redaktə | əsas redaktə]

"Qisasçılar: Altron dövrü" filmində Altron posteri.

Televiziya[redaktə | əsas redaktə]

Film[redaktə | əsas redaktə]

Video oyun[redaktə | əsas redaktə]

İstinadlar[redaktə | əsas redaktə]

  1. 1,0 1,1 Walker, Karen (February 2010). "Ultron: The Black Sheep of the Avengers Family" Nəşr edən: TwoMorrows Publishing. Back Issue! (38): 23–30.
  2. The Hollywood Reporter: "Marvel Legend Reveals What Stan Lee Initially "Hated" About 'Age of Ultron' Breakout"
  3. Avengers #54–55 (July–August 1968)
  4. Avengers #57 (October 1968)
  5. The Avengers #58 (Nov. 1968)
  6. Avengers #66–68 (July–September 1969)
  7. Avengers #127 (Sept. 1974) & Fantastic Four #150 (Sept. 1974)
  8. Avengers #161–162 (July–Aug. 1977)
  9. Avengers #170–171 (April–May 1978)
  10. EXCLUSIVE: 'Avengers: Age of Ultron' Casts James Spader as the Film's Legendary Villain
  11. Breznican, Anthony "This week's cover: Meet the new boss in Marvel's 'Avengers: Age of Ultron'". Entertainment Weekly (July 16, 2014). 16 iyul 2014 tarixində arxivləşdirilib. İstifadə tarixi: 16 iyul 2014.
  12. Hewitt, Chris "Joss Whedon Talks Avengers: Age Of Ultron". Empire (February 20, 2015). 20 fevral 2015 tarixində arxivləşdirilib. İstifadə tarixi: 20 fevral 2015.
  13. Ditzian, Eric (July 21, 2013). "Joss Whedon Spills First 'Avengers: Age Of Ultron' Details". MTV. Arxivləşdirilib: [1] saytından July 22, 2013 tarixində. https://www.webcitation.org/6IIgQBaIa?url=http://www.mtv.com/news/articles/1710993/avengers-ultron-details-joss-whedon-comic-con.jhtml. İstifadə tarixi: July 22, 2013.

Xarici keçidlər[redaktə | əsas redaktə]