Alvaro Morte

Alvaro Morte
Alvaro Antonio Garcia Perez
Ləqəbi	Professor
Doğum tarixi	23 fevral 1975
Doğum yeri	Alhesiras, İspaniya
Vətəndaşlığı	İspaniya
Milliyyəti	ispan
İxtisası	aktyor
Təhsili	Kordoba Ali Dram Sənəti Məktəbi
Fəaliyyəti	aktyorluq
Fəaliyyət illəri	2002–indiyədək
Tanınır	La Casa de Papel serialında Professor rolu ilə
Vikianbarda əlaqəli mediafayllar

Alvaro Antonio Garcia Perez (23 fevral 1975, Alhesiras^[d], Əndəlüs), peşəkar ispan aktyordur. O, dünya miqyasında məşhurluğu La Casa de Papel serialında canlandırdığı Professor obrazı ilə qazanmışdır.

Həyatı

23 fevral 1975-ci ildə Kadis əyalətində anadan olmuşdur. Daha sonra ailəsi ilə birlikdə Kordoba əyalətində yerləşən Buxalans şəhərinə köçmüşdür.

Əvvəlcə rabitə mühəndisliyi üzrə təhsil alsa da, daha sonra aktyorluğa yönələrək 1999-cu ildə Kordoba Ali Dram Sənəti Məktəbini bitirmişdir. Bundan əlavə, o, Tampere Universitetində iki aylıq aspirantura təhsili almışdır. Finlandiyadan qayıtdıqdan sonra Madriddə məskunlaşmışdır.

33 yaşında olarkən sol bud nahiyəsində xərçəng şişi diaqnozu qoyulmuş, lakin sonradan xəstəliyə qalib gəlmişdir.

Karyerası

Morte aktyorluq fəaliyyətinə Hospital Sentral serialında kiçik rolla başlamışdır.

2017-ci ildə yayımlanmağa başlayan La Casa de Papel serialında Sergio Marquina Professor obrazını canlandırması ona beynəlxalq şöhrət qazandırmışdır. Serial daha sonra Netflix tərəfindən yayımlanaraq qlobal uğur əldə etmişdir.

2018-ci ildə o, Mirage filmində əsas rollardan birini ifa etmişdir. 2019-cu ildə isə El embarcadero serialında baş rolda çəkilmişdir.

2021–2023-cü illərdə yayımlanan The Wheel of Time serialında Logain Ablar obrazını canlandırmışdır.

2024-cü ildə Immaculate filmində Sydney Sweeney ilə birlikdə rol almışdır.

Filmoqrafiya

Filmlər

İl	Film	Rol
2007	Lola, the Movie	Rafael Torres
2018	Mirage	David Ortiz
2018	Smallfoot	Gwangi (səsləndirmə)
2022	Lost & Found	Mario
2024	Immaculate	Father Sal Tedeschi