Məzmuna keç

Amanda Lepore

Vikipediya, azad ensiklopediya
Amanda Lepore
Doğum tarixi (58–59 yaş)
Doğum yeri ABŞ Nyu-Cersi
Vətəndaşlığı ABŞ
Fəaliyyəti model[d], musiqiçi, aktyor, müğənni
Fəaliyyət illəri 1989-cu ildən indiyə kimi
amandalepore.com
Vikianbarın loqosu Vikianbarda əlaqəli mediafayllar

Amanda Lepore amerikalı transgender model, müğənni və performans sənətçisidir. Keçmişdə "Club Kid" də çıxış edən [1] Amanda çoxsaylı şirkətlərin reklamlarında rol alıb. Lepore, fotoqraf David LaÇapellenin, eləcə də Terri Riçardson və Ruben van Şalm kimi bir çox fotoqrafların əsərlərində daimi bir mövzu kimi qeyd olunur.[2] Amanda LaÇapellenin 1985-2005-ci illərdə Nyu-Yorkda keçirilən "Rəssamlar və Fahişələr" sərgisində iştirak etmiş və orada voyeuristik, real ölçülü bir dekorasiyada özünə yer etmişdi.[3]

Lepore bir neçə sinql buraxıb, onların çoxu gey reper və müğənni Cazvell tərəfindən yazılıb və birlikdə lentə alınıb. 2011-ci ildə o, debüt studiya albomunu buraxdı.[4]

Erkən illər

[redaktə | vikimətni redaktə et]

Amanda Nyu-Cersi ştatında dünyaya gəlib, bir bacısı və böyük qardaşı var idi.[5] Atası italyan-amerikalı kimya mühəndisi, anası isə alman-amerikalı evdar qadın idi. Anasında şizofreniya diaqnozu aşkarlandıqdan sonra xeyli vaxt psixiatrik xəstəxanalarda keçirdi. Lepore daha sonra yazırdı: "İlk dəfə xatırladığımdan bəri qız olduğumu bilirdim. Valideynlərimin məni niyə oğlan paltarı ilə geyindirdiyini başa düşə bilmirdim. Düşünürdüm ki, onlar dəlidirlər."

15 yaşında olanda Lepore, Bambi adlı transgender rəqqasə ilə dostlaşdı. Kiçik yaşlarından transgender olduğunu anlayan Lepore, qadın hormonları müqabilində Bambi üçün kostyumlar tikməyə başladı. Artıq yaşıdlarından və təhsilindən təcrid olunmuş Leporenin valideynləri onu dövlət məktəbindən çıxardılar və özəl repetitor tutdular. Onlar həmçinin onu psixoloqa apardılar və psixoloq ona hormon terapiyasına başlamaq üçün resept almağa kömək etdi. 19 yaşında Nyu-Yorkun Yonkers şəhərində cinsini dəyişdirən əməliyyatdan keçdi.[6]

1990-cı illərin əvvəllərində Lepore özünü ikonik gecə həyatı fiquru kimi tanıtmaq niyyətində idi (o cümlədən Club Kids -in əsas üzvü olmaq). O, dırnaq salonunda işləyir və daha sonra kosmetika satıcısı kimi işləməklə özünü dolandırırdı. Bir axşam barda aparıcılıq edərkən fotoqraf David LaChapelle ilə görüşdükdən sonra, onunla əməkdaşlıq etməyə başladı və bir növ onun işləri üçün "ilham pərisi" oldu.[7]

Sənət fəaliyyəti

[redaktə | vikimətni redaktə et]

Lepore Elton Con, Talia, Grace Jones, Keanan Duffty, Sharon Needles,[8] rok qrupu The Drums kimi sənətçilərin kliplərində epizodik rollar oynayıb, müxtəlif şou layihələrdə yer alıb.[9] Lepore, Cazvellin "Watch my Mouth" və "All Over Your Face" də daxil olmaqla bir çox klipində yer alır.

O, 2010-cu ildə Avstraliyada keçirilən Sidney Gey və Lesbian yürüşündə Parad Rəhbəri idi.[6]

2005-ci ildə Lepore "Introducing. Amanda Lepore" adlı ilk musiqi albomunu buraxdı. Bunun ardınca 2015-ci ilə qədər daha bir neçə albomu işıq üzü gördü.[10]

Lepore musiqi fəaliyyətinə başladıqdan sonra bir çox xeyriyyə tədbirlərində cıxış etməyə başlamışdı.[11] 2006-cı ilin aprel ayında Integrity Toys şirkəti QİÇS xeyriyyə təşkilatları üçün ianə olaraq Ceyson Vu tərəfindən istehsal edilən Amanda Lepore kuklasını satışa çıxardı.

Lepore, CAMP Cosmetics ilə tərəfdaşlıq çərçivəsində "Collection Lepore" adlı kosmetika xəttinə və özünə aid ətir istehsalına malikdir.[12]

İstinadlar

[redaktə | vikimətni redaktə et]
  1. ↑ Graymay, Kevin. "After Prison, No After-Hours: Michael Alig, the Former King of the Club Kids, After Prison". The New York Times. 14 may 2014. 7 iyul 2018 tarixində arxivləşdirilib. İstifadə tarixi: 16 iyun 2026.
  2. ↑ "Ruben Van Schalm (gallery)". Kahmann Gallery Photographs. 27 dekabr 2022 tarixində orijinalından arxivləşdirilib. İstifadə tarixi: 29 may 2023.
  3. ↑ Artists and Prostitutes. Los Angeles: Taschen America Llc. 2005. ISBN 978-3-8228-1617-2.
  4. ↑ "Peace Bisquit — Amanda Lepore (artist page)". PeaceBisquit.com. 29 may 2023 tarixində arxivləşdirilib. İstifadə tarixi: 29 may 2023.
  5. ↑ Davis, Peter. "Amanda Lepore, Confessions From Loving Life as a Living Doll". Observer (ingilis). 20 aprel 2017. 20 aprel 2017 tarixində arxivləşdirilib. İstifadə tarixi: 22 iyun 2026.
  6. 1 2 Olding, Rachel. "Fantastic plastic". The Sydney Morning Herald (ingilis). 27 fevral 2010. 1 sentyabr 2022 tarixində arxivləşdirilib. İstifadə tarixi: 22 iyun 2026.
  7. ↑ Bernstein, Jacob. "Amanda Lepore, Transgender Club Diva, Tells All About Her Plastic Surgery". The New York Times (ingilis). 19 iyul 2017. 22 iyun 2022 tarixində arxivləşdirilib. İstifadə tarixi: 22 iyun 2026.
  8. ↑ Schlutt, Marcel. "Sharon Needles feat. Amanda Lepore - I Wish I Were Amanda Lepore". KALTBLUT Magazine (ingilis). 23 sentyabr 2014. 14 may 2025 tarixində arxivləşdirilib. İstifadə tarixi: 22 iyun 2026.
  9. ↑ Shaffer, Claire. "Erasure Team Up With Drag Stars for 'Nerves of Steel' Video". Rolling Stone (ingilis). 11 avqust 2020. 11 avqust 2020 tarixində arxivləşdirilib. İstifadə tarixi: 22 iyun 2026.
  10. ↑ "Amanda Lepore | TheAudioDB.com". www.theaudiodb.com. 6 dekabr 2025 tarixində arxivləşdirilib. İstifadə tarixi: 22 iyun 2026.
  11. ↑ "Electra Lites to leave Detroit". Pridesource (ingilis). Archived from the original on 29 sentyabr 2011. İstifadə tarixi: 22 iyun 2026.
  12. ↑ "Amanda Lepore". Voss Shop (ingilis). 10 oktyabr 2025 tarixində arxivləşdirilib. İstifadə tarixi: 22 iyun 2026.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Amanda_Lepore&oldid=9030120"