Ambliopiya

Vikipediya, azad ensiklopediya
Jump to navigation Jump to search

AMBLİOPÍYA – görmənin zəifləməsi; uşaq yaşlarında görmə təcrübəsinin az olması ilə əlaqədar görmə analizatorunun funksional pozuntusu ilə bağlıdır. Ambliopiya nəticəsində gözün həm tor qişasında, həm də görmə yollarının mərkəzi şöbələrində neyronların qarşılıqlı təsirinin mürəkkəb pozuntuları baş verir. Başvermə səbəbindən asılı olaraq Ambliopiyanın aşağıdakı növləri ayırd edilir: disbinokulyar və ya strabizmik (daimi birtərəfli çəpgözlüklə, binokulyar görmənin olmaması ilə əlaqədar); obskurasion (gözün optik mühitinin anadangəlmə və ya erkən yaşlarda qazanılmış pozuntusu nəticəsində baş verir); anizometropik (hər iki gözün refraksiyasında böyük fərq olması nəticəsində meydana çıxır); refraksion (korreksiyanın olmaması və uzun müddət tor qişaya qeyri-dəqiq təsvirlərin proyeksiya edilməsi nəticəsində inkişaf edir). Ambliopiyanın müalicəsinin tez başlanması (pleoptika) görmənin bərpa olunmasına imkan verir. İsterik Ambliopiya bu patologiyanın xüsusi formasıdır (müalicəsi psixoterapevtik aparılır).

Mənbə:[redaktə | əsas redaktə]

"Ambliopiya". Azərbaycan Milli Ensiklopediyası[25 cilddə]. I cild: A – Argelander (25 000 nüs.). Bakı: “Azərbaycan Milli Ensiklopediyası” Elmi Mərkəzi. 2009. səh. 413. ISBN 978-9952-441-02-4.