Amil Amal

Vikipediya, azad ensiklopediya
Jump to navigation Jump to search
Amil Amal
Amil Səyyaf oğlu Məmibəyli
Amil Amal.jpeg
Doğum tarixi 25 yanvar 1989(1989-01-25) (31 yaş)
Doğum yeri Azərbaycan Azərbaycan SSR, Laçın şəhəri
Peşəsi Rejissor
Commons-logo.svg Vikianbarda əlaqəli mediafayllar

Məmibəyli Amil Səyyaf oğlu (Amil Amal; 25 yanvar 1989(1989-01-25), Laçın) — Azərbaycan rejissoru[1].

Həyatı[redaktə | əsas redaktə]

Amil Məmibəyli 1989-cu ildə Laçın şəhərində anadan olub. 2011-ci ildə Azərbaycan Dövlət Mədəniyyət və İncəsənət Universitetinin rejissorluq fakultəsini bitirib. Təhsil aldığı müddətdə əməkdar incəsənət xadimi, kinorejissor, professor Cəmil Quliyevdən ustad dərsləri alıb.

2012-ci ildə Moskva şəhərində keçirilən “Ümumrusiya Artkino qısametrajlı müəllif filmləri” kinofestivalında “Neft şəhərinin sakini” adlı filmi ilə "Münsiflərin xüsusi mükafatı" nominasiyası üzrə qalib olub.

2013-cü ildə Ümumrusiya Dövlət Kinematoqrafiya Universitetinin (ВГИК) kinorejissorluq və kinodramaturgiya fakultəsi üzrə iki illik ali kursda təhsilini davam etdirib və həmin ixtisası qırmızı diplomla bitirmişdir.

2014-cü ildə “Azərbaycanfilm” kinostudiyasının keçirdiyi ssenari müsabiqəsində birinci yerin qalibi olub.

Həmin ildə Mədəniyyət və Turizm Nazirliyinin sifarişi ilə diplom işi olaraq "Qara Bağ" adlı qısametrajlı bədii filmin ssenari müəllifi və quruluşçu rejissoru olub. Film “40-cı paraleldə” adlı almanaxda yer alıb.

2015-ci ildə Türkiyənin Antalya şəhərində keçirilən “Rotary Film Festivalında” gənc kinorejissor Amil Məmibəyli Azərbaycanı fəxri qonaq qismində təmsil edib.

2015-ci ildə Dövlət Ailə, Qadın və Uşaq Komitəsinin keçirdiyi “Azərbaycan ailəsi” film festivalında Amil Məmibəyli “Qara Bağ” filmi ilə "Ən yaxşı film" nominasiyası üzrə qalib olub.

2016-cı ildə "Qara Bağ" filmi ilə gənc rejissor Çində keçirilən “Birinci Asiya Beynəlxalq Qısametrajlı Filmlər Festivalının” xüsusi mükafatına layiq görülüb.

2016-cı ildə İranın paytaxtı Tehran şəhərində keçirilən 34-cü Beynəlxalq “Fəcr Film Festivalının Talant Campus” proqramında iştirak edib.

2016-cı ildə Qırğızıstanda keçirilən "Qırğızıstan Qısa Filmlər Ölkəsi" adlı Film Festivalında "Qara Bağ" filmi əsas proqrama (on ölkə) daxil olub və rejissor Bişkek şəhərində keçirilən festivalda Azərbaycanı təmsil edib.

2017-ci ildə Rusiyanın Soçi şəhərində keçirilən “Tələbə və Gənclərin XIX Ümumdünya Festivalında” Azərbaycan nümayəndə heyətinin tərkibində kino sahəsi üzrə Azərbaycanı təmsil edib.

2017-ci ilin dekabr ayında Türkiyənin Ankara şəhərində keçirilən altıncı “Hak-İş Kısa Film Yarışmasında” 124 ölkədən 5404 film arasından seçilərək “Qara Bağ” filmi ilə “Ən yaxşı film” nominasiyasında birincilik ödülünə layiq görülüb. Bundan əlavə “Ən yaxşı kişi aktyor” nominasiyasını isə “Qara Bağ” filminin baş rol ifaçısı aktyor Elxan Abbasov qazanıb. Hər iki mükafatı rejissora və aktyora Türkiyənin Mədəniyyət naziri Numan Kurtulmuş təqdim edib.

2017-ci ildə “Son seçim” adlı bədii qısa metrajlı film çəkib. Film Hindisantda keçirilən “Asian Film Centre Global Festival” film festivalının əsas proqramına (Official Selection) düşüb.

2018-ci ildə isə rejissor Amil Məmibəyli Rusiyanın Perm şəhərində“Perm Beynəlxalq Könüllülər Forumu” çərçivəsində keçirilən “Lampa Film Festivalında” iştirak edib.

2019-cu ildə “Son seçim” filmi İngiltərədə keçirilən “First-Time Filmmaker Sessions” festivalında izləmə siyahısına seçilib.

2019-cu ildə Mədəniyyət nazirliyinin sifarişi ilə Azərbaycanfilm kinostudiyasında istehsal olunan “Армянские инородные сказки” sənədli filmində ssenari müəlliflərindən biridir.

2019-cu il Mədəniyyət nazirliyinin keçirdiyi bədii, sənədli və animasiya film ssenari müsabiqəsində film layihəsi qalib ssenarilərin siyahısına seçilmişdir.

2019-cu ilin noyabr ayının 9-da Bakıda keçirilən “Bakı qısa film festivalında” beynəlxalq proqramda “Münsiflərin diplomu”-nu qazanmışdır.

Hal-hazırda, Mədəniyyət nazirliyinin sifarişi ilə “Azərbaycanfilm” kinostudiyasında istehsal olunan “Titrəmə” adlı filminin ssenari müəllifi və quruluşçu rejissorudur.

Filmoqrafiya[redaktə | əsas redaktə]

Məmiyev Amil Səyyaf oğlu.jpg
  1. "Kor-koranə" - qısa film - rejissor və stsenarist.Bakı 2010
  2. "Neft şəhərinin sakini" - qısa film - rejissor və ssenarist. Bakı 2011[2]
  3. Qara bağ (film, 2016) -qısametrajlı film - rejissor və ssenarist. Bakı, Azərbaycanfilm 2015[3]
  4. "Abşeron"– serial– quruluşçu rejissor.Bakıfilm kinostudiyası 2016
  5. "Lənkəran"- Sənədli film. Quruluşçu rejissor. ANS TV. 2016
  6. "Son Seçim"– qısa film–ssenari müəllifi və quruluşçu rejissor.Bakı 2017
  7. "Армянские инородные сказки"- Sənədli film. Ssenari müəllifi. Azərbaycanfilm kinostudiyası 2019
  8. "Titrəmə" – Qısa film – Quruluşçu rejissor və ssenari müəllifi. Azərbaycanfilm kinostudiyası 2020

Kitabları[redaktə | əsas redaktə]

  • "Evə gələndə sevgi al" - 2019[4]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Amil Amal ilə əlaqəli mediafayllar var.