Amil Cavadov

Vikipediya, açıq ensiklopediya
Jump to navigation Jump to search
Amil Cavadov
Amil Rafiq oğlu Cavadov
Fotoqrafiya
Doğum tarixi 23 fevral 1986 (1986-02-23) (33 yaş)
Doğum yeri Ağdam, Azərbaycan SSR, SSRİ
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Milliyyəti azərbaycanlı
Təhsili ali

Amil Cavadov (tam adı: Cavadov Amil Rafiq oğlu; d. 23 fevral 1986, Ağdam, Azərbaycan SSR, SSRİ) — ictimai xadim; "Gələcək və İnkişaf" Gənclər İctimai Birliyinin təsisçisi və ilk sədri, dövlət qulluğunun kiçik müşaviri və YAP Gənclər Birliyinin Şura üzvüdür.

Həyatı[redaktə | əsas redaktə]

Amil Rafiq oğlu Cavadov 23 fevral 1986-cı ildə Ağdam şəhərində anadan olmuşdur[1].

Təhsili[redaktə | əsas redaktə]

Azərbaycan Dövlət İqtisad Universitetində bakalavr, Azərbaycan Respublikasının Prezidenti yanında Dövlət İdarəçilik Akademiyasında magistr təhsili almışdır.

Fəaliyyəti[redaktə | əsas redaktə]

Partiyada[redaktə | əsas redaktə]

Tərtərdəki Gənclər Mərkəzinin açılışı zamanı Prezidentlə çəkilmiş xatirə fotosu[2]

2009-2013-cü illərdə YAP Ağdam rayon təşkilatı Gənclər Birliyinin sədri[2], 2010-2013-cü illərdə isə Ağdam rayon Gənclər Təşkilatının sədri olmuşdur.

2009-cu ildən Yeni Azərbaycan Partiyası Ağdam rayon təşkilatında təlimatçı vəzifəsində çalışmış, 2010-2013-cü illərdə YAP Ağdam rayon təşkilatının sədr müavini olmuşdur.

2011-ci ildən YAP Gənclər Birliyinin Şura üzvü seçilmişdir.

2013-2014-cü illərdə Yeni Azərbaycan Partiyası Gənclər Birliyinin ofisində koordinator, daha sonra isə Yeni Azərbaycan Partiyası İcra Katibliyində İdeologiya şöbəsində referent vəzifəsində işləmişdir.

QHT-də[redaktə | əsas redaktə]

2012-2016-cı illərdə təsisçi olduğu "Gələcək və İnkişaf" Gənclər İctimai Birliyinin sədri vəzifəsində çalışmışdır.

2013-cü ildə Azərbaycan Respublikasının Prezidenti yanında Gənclər Fondunun dəstəyi ilə təşkil edilmiş "Ağdam rayonunda gənc seçicilərin maarifləndirilməsi və aktivliyinin yüksəldilməsi" və "Gənclərin Könüllülük və İnkişaf Düşərgəsi" layihələrində, Azərbaycan Respublikası Gənclər və İdman Nazirliyinin dəstəyi ilə təşkil edilmiş “Doğma diyar - Azərbaycan” və "Gələcəyimiz tariximizdən keçir" layihələrində layihə rəhbəri olmuşdur. Elə həmin il Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə təşkil edilmiş "2013-cü ildə keçiriləcək Azərbaycan Respublikası Prezidentinin seçkiləri ilə bağlı maarifləndirmə tədbirlərinin həyata keçirilməsi" layihəsində təlimçi kimi fəaliyyət göstərmişdir.

2014-cü ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə "Region Gəncləri arasında Sağlam Həyat Tərzinin Təbliği" layihəsinin, Azərbaycan Respublikası Prezidenti yanında Gənclər Fondunun dəstəyi ilə "Region gəncləri arasında şəbəkələşmə bacarıqlarının artırılması" layihəsinin, Azərbaycan Respublikası Gənclər və İdman Nazirliyinin dəstəyi ilə "Vətənə sipər igidlər" layihəsinin layihə rəhbəri olmuşdur.

2015-ci ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə "Ağdamın cəbhəyanı ərazilərində əhalinin təhlükəsizliyinin təminatı" layihəsinin və Azərbaycan Respublikası Prezidenti yanında Gənclər Fondunun dəstəyi ilə "Regionun gənc seçicisi" layihəsinin layihə rəhbəri olmuşdur.

Dövlət qulluğunda[redaktə | əsas redaktə]

2011-2013-cü illərdə Ağdam Rayon İcra Hakimiyyətində müxtəlif şöbələrdə məsləhətçi, aparıcı məsləhətçi, baş məsləhətçi vəzifələrində çalışmışdır.

2014-cü ilin iyul ayından Dini Qurumlarla İş üzrə Dövlət Komitəsinin sədrinin köməkçisidir.

Hazırda Dini Qurumlarla İş üzrə Dövlət Komitəsində ümumi şöbənin müdiridir[3].

Dövlət qulluğunun kiçik müşaviridir.

Kitabı[redaktə | əsas redaktə]

  • "Dini ekstremizmin mahiyyəti və təzahür formaları". Bakı, 2017.  (azərb.)

İstinadlar[redaktə | əsas redaktə]

Xarici keçidlər[redaktə | əsas redaktə]