Amil Məmiyev

Vikipediya, açıq ensiklopediya
Jump to navigation Jump to search
Amil Məmiyev
Amil Səyyaf oğlu Məmiyev
Amil Məmiyev.jpg 250px
İlk adı Amil
Doğum tarixi 25 yanvar 1989 (1989-01-25) (30 yaş)
Doğum yeri Azərbaycan Azərbaycan SSR, Laçın şəhəri
Peşəsi Rejissor
Commons-logo.svg Vikianbarda əlaqəli mediafayllar

Məmiyev Amil Səyyaf oğlu — Azərbaycan rejissoru.

Həyatı[redaktə | əsas redaktə]

Amil Məmiyev 1989-cu ildə Laçın şəhərində anadan olub. 2007-ci ildə Azərbaycan Dövlət Mədəniyyət və İncəsənət Universitetinin rejissorluq fakultəsini daxil olub, 2012-ci ildə bitirib.

Əməkdar incəsənət xadimi, kinorejissor Cəmil Quliyevin kino kurslarının tələbəsi olub və bu vaxt ərzində beş qısa metrajlı film çəkib.

2011-ci ildə Azərbaycan ailəsi filmlər festivalında "Ən yaxşı tələbə filmi" nominasiyası üzrə qalib olub.

2012-ci ildə isə "Neft şəhərinin sakini" adlı filmim Ümumrusiya "Artkino" qısametrajlı müəllif filmləri kinofestivalında münsiflərin xüsusi mükafatı nominasiyası üzrə qalib olub.

2013-cü ildə Mədəniyyət və Turizm Nazirliyinin dəstəyi ilə Ümumrusiya Dövlət Kinematoqrafiya Universitetinin kinorejissorluq və kinodramaturgiya fakultəsi üzrə 2 illik ali kursda Rodimin Denis Viktoroviç və Vladimir Alekseyeviç Fençenkonun emalatxanasında təhsil alıb.

2015-ci ildə Azərbaycanfilm kinostudiyasının keçirdiyi ssenari müsabiqəsində 1-ci və 3-cü yerlərin qalibi olub və həmin ildə "Azərbaycanfilm" kinostudiyasında Mədəniyyət və Turizm Nazirliyinin dəstəyi ilə ssenari müəllifi olduğu "Qara Bağ " adlı qısametrajlı bədii filmin quruluşçu rejissoru olub.[1]

2015-ci ildə Türkiyənin Antalya şəhərində Akdeniz Universitetində keçirilən "Rotary film" festivalında Azərbaycanı fəxri qonaq qismində təmsil edib.

2015-ci ildə Dövlət Ailə, Qadın və Uşaq Komitəsinin keçirdiyi Azərbaycan Ailəsi Film Festivalında "Qara Bağ" filmi "Ən yaxşı film" nominasiyası üzrə qalib olub.

2016-cı ildə "Qara Bağ" filmi Çində keçirilən Birinci Asiya Beynəlxalq Qısametrajlı Filmlər Festivalının xüsusi mükafatına layiq görülüb.

2016-cı ildə İranda keçirilən 34-cü Beynəlxalq “Fəcr Film Festivalında" Talant Campus proqramı üzrə Azərbaycanı təmsil edib.

2016-cı ildə Qırğızıstanın Bişkek şəhərində keçirilən "Qırğızıstan Qısa Filmlər Ölkəsi" adlı Beynəlxalq Film Festivalında "Qara Bağ" filmi ilə rejissor Amil Məmiyev əsas proqramda iştirak eləyib.

2017-ci ildə Rusiyanın Soçi şəhərində keçirilən “Tələbə və Gənclərin XIX Ümumdünya Festivalında” Azərbaycan nümayəndə heyətinin tərkibində kino sahəsi üzrə Azərbaycanı təmsil edib.

2017-ci ilin dekabr ayında Türkiyənin Ankara şəhərində keçirilən “Hak-İş Beynəlxalq Qısa Film Festivalında” “Qara Bağ” filmi ilə Amil Məmiyev “Ən yaxşı film” nominasiyasında birincilik ödülünə layiq görülüb.

Bundan əlavə “Qara Bağ” filminin baş rol ifaçısı Elxan Abbasov “Ən yaxşı kişi aktyor” nominasiyasının qalib olub.

Filmoqrafiya[redaktə | əsas redaktə]

Məmiyev Amil Səyyaf oğlu.jpg
  1. "Kor-koranə" - qısa film - rejissor və stsenarist.Bakı 2010
  2. "Bircə saat", - qısa film - rejissor və ssenarist. Bakı 2011
  3. "Neft şəhərinin sakini" - qısa film - rejissor və ssenarist. Bakı 2011
  4. "Uzun sözün qısası" - qısa film - rejissor və ssenarist. Bakı 2012
  5. "Üçbucaq" - qısa film - rejissor və ssenarist. Bakı 2012
  6. "İntihar etməyin"- sosial rolik - rejissor və ssenarist. Bakı 2013
  7. "Kənd çimərliyi" - qısa film - rejissor və ssenarist. Bakı 2014
  8. "Həyatın səsi"- qısa film - rejissor və ssenarist. Bakı 2014
  9. "Xəritə"- qısa film - rejissor və ssenarist. Bakı 2014
  10. Qara bağ (film, 2016) -qısametrajlı film - rejissor və ssenarist. Bakı, Azərbaycanfilm 2015
  11. "Abşeron"– serial– quruluşçu rejissor.Bakıfilm kinostudiyası 2016
  12. "Son Seçim"– qısa film–ssenari müəllifi və quruluşçu rejissor.Bakı 2017

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Amil Məmiyev ilə əlaqəli mediafayllar var.