Aminturşular

Vikipediya, açıq ensiklopediya
Keçid et: naviqasiya, axtar
Aminturşular

Aminturşular və y amjnokarbon turşuları - molekulunda amin (NH2) və karboksil (COOH) qrupları olan üzvi birləşmələr sinfi. Ən mühüm əhəmiyyətə malik olan aminturşular α-aminturşulardır. Onların ümumi formulu I, bipolyar ionları II; β-aminturşular III, bipolyar ionları isə IV verilmişdir.

Fiziki xassələri[redaktə]

Bütün aminturşular yüksək temperaturda əriyən, suda yaxşı həll olan rəngsiz kristallik maddələrdir. Onların özünəməxsusluğu ondan ibarətdir ki, molekulunda turşu xassəsi göstərən karboksil qrupu və əsasi xassə göstərən amin qrupu vardır. Ona görə də onlar amfoter xassəyə malikdir. Başqa sözlə, eyni zamanda həm əsasi, həm də turşu xassəsi göstərirlər. Ona görə də aminturşulara üzvi amfoter maddələr deyilir.

Təbiətdə[redaktə]

Canlı orqanizmlərdə aminturşular zülalların və digər bioloji mühüm birləşmələrin biosintezində istifadə edilir. Bakteriyalar və bitkilər bütün lazım olan aminturşuları bəsit maddələrdən sintez etmək qabiliyyətinə malikdir. Lakin canlı orqanizmlərdə və insanda bir sıra aminturşular sintez oluna bilmir, ona görə də onlar orqanizmə qida ilə daxil olmalıdır. Onlar əvəz oluna bilməyən aminturşular adlanır

Xarici keçidlər[redaktə]