Amsterdam (ilk adı Amstelredam - Amstel çayında bənd) — Niderland Krallığının paytaxtı, Şimal dənizində iri port. Ölkənin mədəniyyətinin mərkəzidir. Əhalisi 2.158.592 (2011). Eyselmer körfəzi sahilində, Amstel çayının deltasındadır. Almazcilalama və almaz ticarətinin iri mərkəzi kimi məşhurdur. Çoxlu incəsənət və memarlıq abidəsi var. Kral sarayı (keçmiş bələdiyyə binası, 1648-55, memar Y. van Kampen), 14-17 əsrlərə aid kilsələr, Dövlət muzeyi (1877-85, memar P. Y. X. Köypers), birja (1897-1903, memar H. P. Berlage) var. Kral Elmlər Akademiyası, Rembrandtın ev muzeyi, tarix muzeyi və s. var.
Amsterdam şəhərində evlərin arasında yerləşən su kanalı.
Adı ilk dəfə 1275-ci ildə çəkilən Amsterdam 1300 yaxud 1301-ci ildə şəhər hüququ almışdır. 16-cı əsrədək mühüm ticarət mərkəzi kimi tanınmış, 17-ci əsrdə beynəlxalq ticarət və kredit mərkəzinə çevrilmişdir. 1795-1806-cı illərdə Bataviya Respublikasının, sonra Niderland krallığının paytaxtı olmuşdur. 1940-45-ci illərdə almanlar tərəfindən işğal edilmişdir.
Amsterdam şəhəri Qərbi Avropanın mühüm mədəni və intellektual mərkəzlərindən biridir.[1] Burada elmi-tədqiqatlar aparmaq üçün ideal şərait var.[1] Amsterdam əcnəbilər üçün təhlükəsiz və qonaqpərvər şəhərdir.[1] Bu şəhər dünya üzrə məşhur musiqi, opera, teatr və rəqs kollektivinin, rəssamların vətənidir.[1] Amsterdam zəngin memarlıq abidələrinə, 150-dən çox su kanalına, qədim qotik küçələrə malik qədim Avropa şəhəridir.[1]