Ana Vətən Partiyası (Azərbaycan)

Vikipediya, azad ensiklopediya
(Ana Vətən Partiyası səhifəsindən istiqamətləndirilmişdir)
Jump to navigation Jump to search
Ana Vətən Partiyası
AVP-loqo.jpg
Qurucu Fəzail Ağamalı
Sədri Fəzail Ağamalı
Quruluş tarixi 24 noyabr 1990-cı il
Baş qərargah Şəfayət Mehdiyev küçəsindəki "Aqrotexnika"nın binasının 6-cı mərtəbəsi, Bakı
İdeologiya Azad, Qüdrətli, Demokratik, Bütöv Azərbaycan
Parlamentdə
VI
1 / 125
Mətbuat orqanı Ana Vətən (qəzet)
Saytı Ana Vətən Partiyası

Ana Vətən PartiyasıAzərbaycanda siyasi partiya. Partiyanın qurucusu və hazırki sədri Fəzail Ağamalıdır.

Tarixi[redaktə | əsas redaktə]

1990-ci ilin sentyabrında AVP-nin Təşəbbüs Qrupu yaradıldı. Həmin ilin 24 noyabrında partiyanın təsis qurultayı keçirildi. Partiya 1992-ci ilin 11 avqustunda Ədliyyə Nazirliyində dövlət qeydiyyatından keçmişdir.

AVP Azərbaycanın bütövlüyünün təmin edilməsində beynəlxalq hüquq prinsiplərini rəhbər tutur. O, beynəlxalq hüquq normalarına uyğun vətəndaş cəmiyyətinin yaradılmasını təmin edən güclü dövlətin formalaşması tərəfdarıdır.


1995-ci ildən başlayaraq partiya üç çağırış Azərbaycan Respublikasının parlament seçkilərində iştirak etmiş, I çağrışda 1, II, III ,IV çağrışda iki , V çağırışda isə 1 mandat əldə etmişdir.

Partiya 1999-2004-cü illərdə keçirilən bələdiyyə seçkilərində iştirak etmiş, 200-dən yuxarı üzvü bələdiyyələrə seçilmişdir.

1998-ci il prezident seçkilərində Heydər Əliyevin, 2003-cü ildə İlham Əliyevin namizədliyini dəstəkləmişdir.

2013-cü il prezident seçkilərində İlham Əliyevi dəstəkləmək qərarını verən partiya rəhbərliyinə partiyanın millətvəkili Zahid Oruc etiraz etdi və öz namizədliyini irəli sürdü.Nəticədə Zahid Oruc partiyadan kənarlaşdırıldı.

İdeologiya[redaktə | əsas redaktə]

  • Azərbaycançılıq
  • Vahid və Bütöv Azərbaycan
  • Dövlətçilik
  • Demokratiya
  • Vətənkeşlik

Azərbaycançılıq məfkurəsini - milli ideologiya səviyyəsində qəbul etməklə onu təbliğ etməyi özünün proqram vəzifələrindən biri hesab edir.

Partiya simvolları[redaktə | əsas redaktə]

Loqo[redaktə | əsas redaktə]

AVP-nin simvolu – Azərbaycan Respublikasının xəritəsi üzərində qanadlarını açmış qartal təsviridir.

Partiya bayrağı[redaktə | əsas redaktə]

AVP-nin bayrağı üzərində partiyanın simvolu həkk olunmuş ağ ipək parçadandır. AVP-nin simvolunun və bayrağının Əsasnaməsi qurultay tərəfindən təsdiq olunur.

Partiya rəhbərliyi[redaktə | əsas redaktə]

Hazırda partiyanın nizamnaməsinə uyğun olaraq 9 nəfərdən ibarət Mərkəzi Şurası, 71 nəfərlik Ali Məclisi, 60 rayon təşkilatı, partiyanın mərkəzi aparatı fəaliyyət göstərir.

Qərargahı[redaktə | əsas redaktə]

Hazırda partiya "Lider" telekanalının yaxınlığında, Şəfayət Mehdiyev küçəsindəki "Aqrotexnika"nın binasının 6-cı mərtəbəsində yerləşir. Burada partiya üçün 300 kvadratmetrlik sahəyə malik 8 otaqdan ibarət qərargah ayrılıb. [1].

İstinadlar[redaktə | əsas redaktə]