Ananyino mədəniyyəti

Ananyino mədəniyyəti - eramızdan əvvəl 8-3-cü əsrlərdə Kama, qismən Volqa, Vyatk və Belaya çayları hövzələrində yayılmış və Dəmir dövrünə aid mədəniyyət

Arxeoloji qazıntılar

Ananyino mədəniyyəti ərazilərinin öyrənilməsində 1858-ci ildə aparılan arxeoloji qazıntılar böyük əhəmiyyət daşıyır. Həmin arxeoloji qazıntılar zamanı dən daşları, sümükdən hazırlanmış əmək alətləri, bəzək şeyləri, müxtəlif saxsı qablar, Misir allahı Amonun heykəlciyi və s. tapılmışdır.

Ananyino tayfalarının həyatı

Ananyino mədəniyyəti tayfaları skif, sarmat, Sibir və Qafqaz tayfaları ilə ticarət əlaqələri saxlayırdılar. Əkinçilik, maldarlıq, ovçuluq, balıq tutmaqla, ticarət, toxuculuq və s. ilə məşğul olurmuşlar.

Mənbə

Azərbaycan Sovet Ensiklopediyası (10 cilddə), I cild