Anar Məmmədov (deputat)

Vikipediya, azad ensiklopediya
Jump to navigation Jump to search
Anar Məmmədov
Anar Məmmədov .jpg
Şəxsi məlumatlar
Partiya
Təhsili
Doğum tarixi 21 iyun 1984(1984-06-21) (36 yaş)
Doğum yeri

Anar İlyaz oğlu Məmmədov‎ (21 iyun 1984(1984-06-21), Bakı) — Azərbaycan Respublikası Milli Məclisinin VI çağırış deputatı (2020).

Həyatı[redaktə | əsas redaktə]

Anar Məmmədov 1984-cü il 21 iyun tarixində Bakı şəhərində anadan olub. 1991-2001-ci illər orta məktəbdə təhsil alıb. 2001-ci ildə 618 balla Azərbaycan Texniki Universitetinin Nəqliyyat fakültəsinə daxil olub. 2001-ci ildə ümummilli lider Heydər Əliyev tərəfindən mükafat alıb. 2001-ci ildən Yeni Azərbaycan Partiyasının üzvüdür. 2002-2005-ci illər AzTU-nun Nəqliyyat fakültəsində YAP-ın sədri olub. 2002-2005-ci illərdə AzTU Nəqliyyat fakültəsi üzrə Gənclər Təşkilatının sədri olub. 2005-ci ildə Azərbaycan Texniki Universitetini fərqlənmə diplomu ilə bitirib. 2005-2010-cu illərdə BDU-nun Hüquq fakültəsində təhsil alıb. 2005-2006-cı illərdə MTN-də həqiqi hərbi xidmətdə olub, çavuş rütbəsi alıb. 2014-cü ildə Taras Şevçenko adına KMU-nun Aspiranturasına daxil olub. 2017-ci ildə Azərbaycan Memarlıq və İnşaat Universitetinə daxil olub.

Azərbaycan, rusingilis dillərin bilir.

Ailəlidir, üç övladı var.

Fəaliyyəti[redaktə | əsas redaktə]

  • 2006- cı ildə Azərbaycan Respublikası Nəqliyyat Nazirliyi, "Bakı Sərnişin Nəqliyyatı" Departamentində Nəzarət şöbəsində müfəttiş vəzifəsində çalışmışdır.
  • 2007-ci ildə Azərbaycan Respublikası Nəqliyyat Nazirliyi, "Bakı Sərnişin Nəqliyyatı" Departamentində Nəzarət şöbəsində bölmə rəisi vəzifəsində çalışmışdır.
  • 2008-ci ildə Azərbaycan Respublikası Nəqliyyat Nazirliyi, "Bakı Sərnişin Nəqliyyatı" Departamentində Avtobuslar xidmətlər şöbəsinin rəisi vəzifəsində çalışmışdır.
  • 2012-2020-ci illərdə Azərbaycan Avtomobil Yolları Dövlət Agentliyində Avtonəqliyyat şöbəsinin rəisi vəzifəsində çalışmışdır.

Milli Məclis[redaktə | əsas redaktə]

2020-ci il 9 fevral tarixində keçirilən Azərbaycan Respublikası Milli Məclisinin VI çağırış deputat seçkilərində Anar Məmmədov 2020-2025-ci illər üçün Yeni Azərbaycan Partiyasının namizədi olaraq 96 saylı Goranboy-Naftalan Seçki Dairəsindən deputat seçilib.

Anar Məmmədov Milli Məclisdə iki komitənin üzvüdür:

  1. İqtisadi siyasət, sənaye və sahibkarlıq komitəsi;
  2. Təbii ehtiyatlar, energetika və ekologiya komitəsi.

Parlamentlərarası əlaqələr[redaktə | əsas redaktə]

Anar Məmmədov Azərbaycan-Slovakiya parlamentlərarası əlaqələr üzrə işçi qrupun rəhbəridir. Bundan əlavə, o, Asiya Parlament Assambleyası nümayəndə heyətinin üzvüdür.

İstinadlar[redaktə | əsas redaktə]