Anar Namazov

Vikipediya, azad ensiklopediya
Jump to navigation Jump to search
Anar Namazov
Anar Əşrəf oğlu Namazov
Doğum tarixi (47 yaş)
Doğum yeri Bakı
Azərbaycan Azərbaycan SSR
Vətəndaşlığı SSRİ SSRİ
Azərbaycan Azərbaycan
Elm sahəsi Tibb
Elmi dərəcəsi Tibb elmləri namizədi
Təhsili

Namazov Anar Əşrəf oğlu — tibb elmləri namizədi

Həyatı[redaktə | əsas redaktə]

Anar Namazov 1 yanvar 1974-cü ildə Bakı şəhərində anadan olmuşdur. 1990-cı ildə orta məktəbi bitirmiş, Azərbaycan Dövlət Tibb Universitetinə daxil olmuş və 1997-ci ildə ali təhsilini tamamlamışdır. 2002-ci ildə Azərbaycan Respublikası Prezidenti yanında Dövlət İdarəçilik Akademiyasına daxil olmuş və 2006-cı ildə orani "Dövlət və Bələdiyyə İdarəetməsi" ixtisasi üzrə fərqlənmə diplomu ilə bitirmişdir. 1997–1998-ci illərdə M.Topçubaşov adına Elmi Cərrahiyyə Mərkəzində elmi işçi, ümumi cərrah vəzifəsində çalışmışdır. 1998–2001-ci illərdə ABŞ-ın Hyuston şəhərindəki Baylor Tibb Kollecində və Turkiyədəki Ankara Nümunə Xəstəxanasında cərrah kimi fəaliyyət göstərərək ixtisasini tamamlamışdır. 2002-ci ildə namizədlik dissertasiyasını müdafiə edərək tibb elmləri namizədi elmi dərəcəsinə layiq görülmüşdür. 2001–2005-ci illərdə Mərkəzi Klinik Xəstəxananın cərrahiyyə şöbəsinin müdiri və baş həkimin müavini vəzifələrində çalışmışdır. Bu müddətdə 1000-dən artıq uğurlu əməliyyat icra etmişdir və xəstəxanada Endoskopik сərrahiyyə xidmətini qurmuşdur. 2004–2007-ci illərdə "Azərbaycan Endoskopik Cərrahlar Cəmiyyəti"nin sədri olmuşdur. 2003–2007-ci illərdə Azərbaycan Tibb Universitetinin cərrahiyyə kafedrasinda müəllim işləmişdir. 40-dən cox elmi məqalənin və bir metodik tövsiyənin müəllifidir.

Azərbaycan Respublikasının Səhiyyə naziri Əli İnsanovun işi ilə əlaqədar Ağır Cinayətlərə Dair İşlər üzrə Azərbaycan Respublikası Məhkəməsinin 20 aprel 2007-ci il tarixli hökmü ilə məhkum edilmiş, Azərbaycan Respublikası Prezidentinin 26 may 2011-ci il tarixli Sərəncamı ilə azad edilmişdir[1].

İstinadlar[redaktə | əsas redaktə]