Anar Qarazadə

Anar Qarazadə
Anar Vidadi oğlu Qarazadə
Şəxsi məlumatlar
Doğum tarixi	1996
Doğum yeri	Nərimankənd, Biləsuvar rayonu, Azərbaycan
Vəfat tarixi	4 avqust 2014(2014-08-04)
Vəfat yeri	Azərbaycan
Dəfn yeri	Nərimankənd
Vətəndaşlığı	Azərbaycan
Təltifləri

Anar Vidadi oğlu Qarazadə (1996, Nərimankənd, Biləsuvar rayonu – 4 avqust 2014(2014-08-04), Azərbaycan) — Azərbaycan Silahlı Qüvvələrinin əsgəri. 2014-cü ilin 1–3 avqust tarixləri arasında Azərbaycan-Ermənistan təmas xəttində baş verən döyüşlər zamanı yaralansada, bir gün sonra şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.

Həyatı

Anar Qarazadə 1996-cı ildə Biləsuvar rayonunun Nərimankənd kəndində anadan olub.

Hərbi xidməti

Əsgər Anar Qarazadə 2014-cü ilin 1–3 avqust tarixləri arasında Azərbaycan-Ermənistan təmas xəttində baş verən döyüşlər zamanı ağır yaralandı və avqustun 4-ü Silahlı Qüvvələrin Baş Klinik Hospitalında şəhid olub. Elə avqustun 4-ü isə Anar Qarazadə doğulduğu Biləsuvar rayonunun Nərimankənd kəndində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və əsgər Qarazadə uğrunda şəhid olduğu torpağa tapşırıldı.

Anar Qarazadə ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.

Həmçinin bax

• Pərvin Əliyev
• Rahil Hüseynov