Anastasiya Salos
| Anastasiya Salos | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| belar. Настасся Максімаўна Салас | ||||||||||||||||||||||||||||||||
| Şəxsi məlumatlar | ||||||||||||||||||||||||||||||||
| Doğum tarixi | 18 fevral 2002[1] (23 yaş) | |||||||||||||||||||||||||||||||
| Doğum yeri | ||||||||||||||||||||||||||||||||
| Boyu | 161 sm | |||||||||||||||||||||||||||||||
| Çəkisi | 42 kq | |||||||||||||||||||||||||||||||
| Gimnastika karyerası | ||||||||||||||||||||||||||||||||
| Təmsil etdiyi ölkə |
 Belarus |
|||||||||||||||||||||||||||||||
| Gimnastika növü | bədii gimnastika | |||||||||||||||||||||||||||||||
|
Medallar
|
||||||||||||||||||||||||||||||||
Anastasiya Maksimovna Salos (18 fevral 2002[1], Barnaul) — belaruslu bədii gimnast. Çoxnövçülük üzrə 2020-ci Avropa çempionatının, halqa və gürzlər üzrə 2021-ci Avropa çempionatının, komanda üzrə 2019-cu il Dünya çempionatının bürünc medal, 2019-cu il Avropa çempionatının və 2021-ci il Avropa çempionatının komanda heyətində gümüş medal mükafatı laureatı.
2020-ci ildə Tokioda keçirilmiş Olimpiya Oyunlarının iştirakçısı olub.
Karyerası
[redaktə | vikimətni redaktə et]Erkən illəri
[redaktə | vikimətni redaktə et]Anastasiya Salos 4 yaşından doğma şəhəri Barnaulda bədii gimnastika ilə məşğul olmağa başlayıb.[2] 2014-cü ildə Belarusa köçən Anastasiya, Larisa Lukyanenkonun[3] tələbəsi olub, milli komandada oynayıb. O, 2016-cı ildə beynəlxalq yarışlara başlayıb, Tart Kubokunda iştirak edib, burada komanda hesabında qızıl medal qazanaraq, gənclər arasında çoxnövçülükdə ikinci yeri tutub. 2017-ci ildə Alina Kubokunda (Moskvada Qran-pri ilə birgə) gənclər arasında çoxnövçülükdə bürünc medal qazanıb. O, Deriugina Cup Beynəlxalq turnirində gənclər arasında çoxnövçülük yarışının qalibi olub və hər 4 yarışda finala yüksəlib.[4] 2017 Aeon Kubokunda gənclər arasında çoxnövçülükdə gümüş medal qazanıb.
Sonrakı dövr
[redaktə | vikimətni redaktə et]O, 2018-ci ildə keçirilən LA Lights yarışmasında böyüklər arasında debüt etdi. Sonra Moskvada keçirilən beynəlxalq turnirdə gümüş medal qazandı. 30 mart-1 aprel tarixlərində, Sofiyada keçirilən 2018-ci il Dünya Kubokunda iştirak edərək çoxnövçülükdə 5-ci yeri tutdu və hər 4 yarışda finala yüksəldi. Onun çıxış etdiyi növbəti yarışı Pezaroda keçirilən 2018-ci il Dünya Kuboku oldu ki, burada da top yarışında bürünc medal qazandı. O, çoxnövçülükdə ilk medalını 2018-ci ildə Bakıda keçirilən Dünya Kubokunda bürünc medalla qazanıb. O, 2018-ci ildə Qvadalaxarada keçirilən Dünya Kubokunda topla hərəkətdə bürünc, Minskdə keçirilən 2018-ci il Dünya Kubokunda isə topla hərəkətdə gümüş medal, klublar yarışında isə bürünc medal qazandı. 2018-ci ildə bədii gimnastika üzrə dünya çempionatında o, çoxnövçülükdə 10-cu yeri tutdu, lentlə finala yüksələrək 5-ci oldu.
2019-cu il LA Lights yarışmasında yarışaraq, çoxnövçülükdə 5-ci oldu.[5] Onun növbəti yarışı 2019-cu il Moskva Qran-prisi oldu ki, burada çoxnövçülükdə 5-ci yeri tutdu və lentlə hərəkətdə bürünc medal qazandı. 2019cu il Marbella Qran-prisində (2-3 mart) çoxnövçülükdə bürünc medal qazandı. O, bütün 4 yarışda lentlə 4-cü, gürzlə 5-ci, topla 6-cı və halqa ilə 8-ci yeri tutaraq finala yüksəlməyi bacardı. O, "Deriugina Cup 2019" beynəlxalq turnirində çoxnövçülükdə qızıl medal qazandı. Həmçinin top və lentlə yarışda qızıl, halqa və gürzlərlə yarışda gümüş medal qazandı. 2019-cu il Te Qran-prisində, çoxnövçülükdə 9-cu, halqa və gürzlərlə yarışda 4-cü yeri tutdu. 2019-cu ildə Sofiyada keçirilən Dünya Kubokunda o, çoxnövçülükdə 10-cu, lentlə hərəkətdə isə 5-ci yeri tutmuşdur. 2019-cu il Avropa çempionatında, komanda yarışında gümüş medal qazanaraq 3 növdə: lent, halqa və gürzlə hərəkətdə finala yüksələrək lentlə 4-cü, halqa və gürzlərlə yarışda 5-ci yeri tutdu. 2019-cu il Holon Qran-prisində, çoxnövçülükdə ilk qızıl medalını qazandı, burada da topla yarışda qızıl, lentlə yarışda gümüş və gürzlərlə yarışda isə bürünc medal qazandı.[6]
2020-ci il Moskva Qran-prisində o, halqa və topla hərəkətdə gümüş medal qazandı. 2020-ci il Brno Qran-prisində komanda üzvü kimi gümüş medal qazandı. 2020-ci il Kiyev Qran-prisində o, komanda, halqa və lentlə hərəkətlərdə bürünc, top və gürzlə hərəkətlərdə gümüş medal qazandı. 2020-ci il Avropa çempionatında isə, bürünc medal qazandı.
2020-ci il Olimpiya Oyunlarında 8-ci yeri tutdu. Belarus Respublikasının beynəlxalq dərəcəli idman ustasıdır.[7]
Şəxsi həyatı
[redaktə | vikimətni redaktə et]Anastasiya Salos, Belarus Dövlət Bədən Tərbiyəsi Universitetində təhsil alır.
İstinadlar
[redaktə | vikimətni redaktə et]- ↑ 1 2 Anastasiya Salos // https://www.olympedia.org/athletes/141060.
- ↑ "Анастасия Салос". Vsporte.by (rus). 21 iyul 2019 tarixində arxivləşdirilib.
- ↑ Пастушенко Т. "Переехала из России в Беларусь и мечтает попасть на Олимпиаду – Анастасия Салос о себе и гимнастике" (rus). Знамя Юности. 1 oktyabr 2020. 27 iyun 2021 tarixində arxivləşdirilib. İstifadə tarixi: 16 iyun 2021.
- ↑ "Салос Анастасия". gimnastika.pro (rus). 7 avqust 2021 tarixində arxivləşdirilib. İstifadə tarixi: 2 oktyabr 2021.
- ↑ "2019 LA Lights Tournament of Champions" (PDF) (ingilis). 28 aprel 2019 tarixində arxivləşdirilib (PDF).
- ↑ "Results – Grand Prix Holon" (ingilis). 24 fevral 2021 tarixində arxivləşdirilib. İstifadə tarixi: 2 oktyabr 2021.
- ↑ "Гимнастика художественная" (rus). Республиканское училище олимпийского резерва. 16 fevral 2022 tarixində arxivləşdirilib. İstifadə tarixi: 16 fevral 2022.
Xarici keçidlər
[redaktə | vikimətni redaktə et]- Информация из [1]
| Foto, video və audio | |
|---|---|
| Tematik saytlar |
