Anbar məhəlləsi

Vikipediya, açıq ensiklopediya
Jump to navigation Jump to search

Anbar məhəlləsiNaxçıvan şəhərində məhəllə.

Yerləşir[redaktə | əsas redaktə]

Məhəllə indiki Musiqi Kollecinin binasının ətrafında yerləşirmiş. Yaxın Şərq ölkələrindən gələn tacirlər və məhəllədə şəhər bazarına gələn kəndlilər satacaqları malları bir neçə günlüyə indiki mədəniyyət sarayı ilə üzbəüz binaların yerindəki anbarlara yığırdılar.Buna görə də ətraf ərazi Anbar məhəlləsi adlanırdı. Burada mehmanxana, yeməkxana, çayxana, məscid və s. var idi.[1]

Tarixi[redaktə | əsas redaktə]

Məhəllə bir neçə yüz illik tarixə malikdir. Onun adı XVII əsrə aid sənədlərdə çəkilir. Bu fikirdən fərqli olaraq digər mənbədə məhəllənin salınma tarixinin 1828-ci ildən sonraya aid olduğu yazılır. Bu haqda həmin məhəllədə doğulub boya-başa çatmış, görkəmli ədəbiyyatşünas alim Məmməd Cəfər yazır ki, “rus padşahı Naxçıvana qoşun yeridib tutanda, o zamana qədər şəhərin qədim tikintilərinin xərabələri qalan bu sahədə atlı kazaklar üçün böyük bir anbar (əslində tövlə), onun yanında kazaklar üçün beş otaqlı ev və üzbəüz bir türmə (həbsxana) tikilmiş imiş. Bir neçə il sonra kazaklar şəhərin yuxan hissəsində tikilən təzə kazarmaya köçürüləndə ordan-burdan qərib-qürabə gəlib bu sahədə yurd salmış, hərə möhrədən özü üçün bir daxma tikmişdir. Belə izahatlardan öyrəndik ki, bizim məhəllənin tarixi bir o qədər də qədim deyilmiş, bəlkə qədim, əzəmətli Naxçıvan xərabələri yerində XIX əsrdə əmələ gəlmiş təzə bir məhəllə imiş. Məhəllədə yaşayan ailələr iyirmidən artıq olmazdı.[1]

Məşğuliyyəti[redaktə | əsas redaktə]

Məhəllədə yaşayan ailələr iyirmidən artıq olmazdı. Anbar məhəllə sakinlərinin məşğuliyyəti dərzi, faytonçu, bıçaqçı, çilingər, dülgər, səyyar, aşbazlıq idi. Məhəllədə kənddən şəhərə köçmüş muzdurlar da var idi. Anbar məhəlləsi kasıblar məhəlləsi idi. Göründüyü kimi, Anbar məhəlləsi “şəhərin qədim tikililərinin xarabalıqları üzərində salınmış” məhəllə olub. Çünki XIX əsrdən əvvəlki dövrlərdə ərazidə yaşayış binaları olmuş, qədim AtabəylərQala məhəllələri də ətraf ərazilərdə yerləşmişdir. Anbar məhəlləsi keçmiş şəhər bazarına yaxın ərazidə yerləşdiyinə görə, buradakı kazarmalardan anbar kimi istifadə olunmuş, müxtəlif ölkəşəhərlərdən gətirilən malları həmin anbarlardan satışa çıxararmışlar. Buna görə də məhəlləyə əhalinin məşğuliyyəti ilə bağlı ad verilmişdir.[1]

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 Bağırov Adil Nəsib oğlu. Naxçıvanın urbanonimləri. Bakı, ADPU-nun nəşri, 2014,172 s