Anderraytinq

Vikipediya, açıq ensiklopediya
Jump to navigation Jump to search

Anderraytinqinvestisiya banklarının və digər ixtisaslaşmış qurumun emitentin adından çıxış edərək emitentin buraxdığı qiymətli kağızları bazarda yerləşdirməsi prosesidir:

- Anderraytinq vasitəsi ilə qiymətli kağızların buraxılması ilkin bazarda baş verir;

- Qiymətli kağızların ilkin bazarda investorlara təklif olunması İlkin Kütləvi Təklif və ya İPO adlanır.

Emitentlə investorlar arasında vasitəçi kimi çıxış edən, qiymətli kağızlar buraxılışının ilkin yerləşdirilməsinə və satışına zəmanət verən və onu təşkil edən şirkət və ya digər qurum anderrayter adlanır;

Qiymətli kağızlar ilkin bazarda alınandan sonra satılması təkrar bazarda baş verir.[1]

Anderrayter[redaktə | əsas redaktə]

Emitentlə investorlar arasında vasitəsi kimi çıxış edən, qiymətli kağızlar buraxılışının ilkin yerləşdirilməsinə və satışına zəmanət verən və onu təşkil edən şirkət və ya digər qurum. Anderrayter emissiya edən şirkətlər üçün qiymətli kağızların buraxılış qiymətini müəyyənləşdirir, qiymətli kağızları emitentdən alaraq investorlara satışını həyata keçirir. Adətən, anderrayter rolunda investisiya bankları, birja brokerlərivə ya onların sindikatları çıxış edirlər.[2] Anderrayter - (ing. Underwriter) Emitentlə bağlanılmış müqavilə əsasında qiymətli kağızların buraxilişina nəzarət edən və yerləşdirilməsini həyata keçirən diler.

Avropada istiqrazlarının buraxılışında anderrayter bir qayda olaraq istiqrazların buraxılışından öncə emitenti potensial sərmayəçilərə (investorlara) təqdim edir və gələcəkdə təsdiq ediləcək emissiya prospektinin mühüm şərtləri onlarla müzakirə edilir. İlkin məlumatlardan sonra hazırlanmış sənədləşməyə və emitentin strategiyasına uyğun olaraq anderrayterin məsuliyyəti altında təqdimetmə mərasimi "roadshow" həyata keçirilir. Avropa istiqrazları üzrə anderrayter buraxılışda iki çür iştirak edə bilər:

1. Tam məsuliyyətli iştirak (Firm commitment). Bu halda anderrayter bütün istiqrazları şəxsən satın alır və sonra bazarda daha yüksək qiymətlə yerləşdirir.2. Tam dəstəklə iştirak (Best efforts). Bu halda anderrayter bütün gücü ilə çalışır ki, istiqrazları sərmayəçilərə satsın, ancaq özü bu istiqrazların satın alınıb, öz adından yerləşdirilməsi üzrə öhdəlik götürmür.

Anderlainq[redaktə | əsas redaktə]

Alqı-satqı hüququ opsion müqaviləsinin şərtlərindən asılı olan qiymətli kağızlar.[3]

İstinadlar[redaktə | əsas redaktə]