Andrey Kozlov

Vikipediya, açıq ensiklopediya
Jump to navigation Jump to search
Andrey Kozlov
rus. Андрей Козлов
Andrey Kozlov (2009-11-15) 01.jpg
Doğum tarixi 25 dekabr 1960 (1960-12-25) (58 yaş)
Doğum yeri Luqansk, Ukrayna SSR, SSRİ
Vətəndaşlıq Flag of the Soviet Union.svg SSRİ
Flag of Russia.svg Rusiya
Peşəsi rejissor, prodüser, xəbər aparıcısı, televiziya prodüseri, kino prodüseri, televiziya aparıcısıİntellektual oyunlar iştirakçısı
İxtisası Kimyaçı[1]
Təhsili Donetsk Milli Universiteti[1]
Fəaliyyəti "Nə? Harada? Nə zaman?" oyunçusu, quruluşçu rejissor, teleprodüser və teleaparıcı
Commons-logo.svg Vikianbarda əlaqəli mediafayllar

Andrey Kozlov (rus. Андрей Козлов; d. 25 dekabr 1960, Luqansk, Ukrayna SSR, SSRİ) — rusiyalı teleaparıcı, rejissor və prodüser. "Nə? Harada? Nə zaman?" elitar klubunun magistrı. "Nə? Harada? Nə zaman?" Klublarının Beynəlxalq Assosiasiyasının prezidenti.[2] "İqra-TV" telekanalının baş direktorunun baş prodüseri və birinci müavini. Rusiya Televiziya Akademiyasının akademiki.[1] "Breyn-rinq" proqramının quruluşçu rejissoru və aparıcısı.[1]

Erkən illəri[redaktə | əsas redaktə]

1960-ci il dekabrın 25-də Luqanskda anadan olub ("İqra-TV" teleşirkətinin saytında qeyd olunub ki, Almaniyadan SSRİ-yə uçan təyyarədə dünyaya gəlib[3]). Donetsk universitetinin kimya fakültəsini bitirib. Sonralar Jdanov metallurgiya institutunda dərs deyib.[4] 1990-cı ildən Moskvada yaşayır.[5]

Nə? Harada? Nə zaman?[redaktə | əsas redaktə]

"Nə? Harada? Nə zaman?" klubuna redaksiyaya məktub yazaraq və seçim turunu keçərək düşüb.[3] Elitar klubda ilk oyununu 1989-cu ildə keçirib.[3] Yalnız komandanın kapitanı qismində çıxış edir.[3] Klubun magistridir (2008-ci ildən). Üçqat "Büllur bayquş" (1992, 1994, 2008) və "Brilyant bayquş" (2008) mükafatlarının, eyni zamanda, "Klubun ən yaxşı kapitanı" (2001) poqonunun sahibidir. 27 dekabr 2008-ci ildə, mövsümün final oyununda "Superblits" raundunun hər üç sualına düzgün cavab verərək "Volkswagen Phaeton" avtomobilini qazanıb.

2014-cü il martın 15-də "Nə? Harada? Nə zaman?" Klublarının Beynəlxalq Assosiasiyasının prezidenti seçilib (bu postda Natalya Stetsenkonu əvəzləyib).[2]

Televiziya karyerası[redaktə | əsas redaktə]

1990-cı ildən televiziyada işləyir.

Quruluşçu rejissor olduğu proqramlar:

  • "İlk baxışdan məhəbbət" (1991—1993)
  • "Breyn-rinq" (1993—2013); yaradıcı qrupun tərkibində 2010-cu ilin TEFİ mükafatı laureatı.[1]
  • "Verilişlər proqramı"
  • "İstəklərinin icrası, yaxud milyonu necə xərcləməli?"
  • "Mədəni inqilab" (2001—2017); yaradıcı qrupun tərkibində 2002 və 2006-cı ilin TEFİ mükafatı laureatı.[1]
  • "XX əsrin mahnıları"
  • "Mənim evim, mənim şəhərim, mənim ölkəm"
  • "Həyat gözəldir"
  • "Böyük şəhərdə adam"
  • "Biz və elm. Elm və biz"

Aparıcı olduğu proqramlar:

  • "Breyn-rinq" (1991—2013 — rusiya televiziyasında; hazırda — Azərbaycanda beynəlxalq televiziya turniri)
  • "İstəklərinin icrası, yaxud milyonu necə xərcləməli?"
  • "Verilişlər proqramı"
  • "Mənim evim, mənim şəhərim, mənim ölkəm"

"İqra-TV" telekanalının baş direktorunun baş prodüseri və birinci müavinidir.

İstinadlar[redaktə | əsas redaktə]

Xarici keçidlər[redaktə | əsas redaktə]