Anri Lefevr

Vikipediya, azad ensiklopediya
Jump to navigation Jump to search

Henri Lefebvre (d.16 iyun,1901 — ö.29 iyun,1991) — fransız sosioloq, mütəfəkkir, və filosofdur. Əsasən, neomarksist olaraq tanınır. Lefebvre, Fransanın Landes departamentində yerləşən Hagetmau şəhərində doğulmuşdur.

Paris Universitetində fəlsəfə təhsili alaraq 1920-ci ildə buradan məzun olmuşdur. 1924-cü ildə əməkdaşlıq etdiyi Pol Nizan, Norbert Quterman, Corc Fridman, Corc Politzer və Pyer Morenc ilə birgə "Filosoflar" adlı fəlsəfə qrupunda "fəlsəfi bir inqilab" axtarışında idi. Bu səyləri nəticəsində Fransa Kommunist Partiyasına(FKP) qatılmazdan öncə surrealistlər və başqa qruplarla əlaqə yaratmaq imkanı oldu. 1928-ci ildə isə FKP-ə qatıldı. 1930-1940-cı illər arasında Lefebvre, fəlsəfə professoru olaraq çalışdı və 1940-cı ildə Fransa Müqavimət Hərəkatına qatıldı. 1944-1949-cu illərdə Radiodiffusion Français-də müdir vəzifəsində çalışmış, həmçinin, Tuluzda fransız dilində radio yayımı ilə məşğul olmuşdur. 1958-ci ildə Fransa Kommunist Partiyasından ayrılmışdır. Sonrakı illərdə "Arquments" və "Nyu Left" jurnallarının redaksiya heyətinə qoşulmuşdur. 1961-ci ildən Strasburq universitetində sosiologiya dərsi demişdir. Əsərlərini fransız, ingilis, alman dillərində yazmışdır. Lefebvre, 1991-ci ildə vəfat etmişdir.

İstinadlar[redaktə | əsas redaktə]

https://tr.wikipedia.org/wiki/Henri_Lefebvre#cite_note-2