Antananarivu

	Yaşayış məntəqəsi
Antananarivu
	malaq. Antananarivo
	260px
	Gerb
	18°56′19″S 47°31′17″E / 18.93861°S 47.52139°EKoordinatlar: 18°56′19″S 47°31′17″E / 18.93861°S 47.52139°E
Ölkə	Madaqaskar
Yaradılıb	1625
Sahəsi	88.000.000 m²
Hündürlüyü	1.276±1 metr
Saat qurşağı	UTC+03:00
Əhalisi	2.610.000 nəfər (2015)
Rəsmi sayt	mairie-antananarivo.mg
Vikianbarda əlaqəli mediafayllar

Antananarivu (1970-ci illərədək Tananarive, Tana; malaq. Antananarivo) — Madaqaskar Respublikasının paytaxtı və ən böyük şəhəri, Antananarivu əyalətinin inzibati mərkəzi.

Mündəricat

Əsası 1625-ci ildə İmerina kralı Andrianzak tərəfindən qoyulmuşdur. Madaqaskar adasının mərkəzində, Yüksək platoda (1240–1470 m hündürlükdədir). 17-ci əsrin 1-ci yarısında İmerina hökmdarı Andrianzaka tərəfindən Analamanqa təpəsində salınmışdır. 1794-cü ildən İmerina dövlətinin, daha sonra Madaqasqar krallığının, Fransa müstəmləkəsinə çevrildikdən sonra 1896-cı ildən Madaqaskar koloniyasının, sonralar müstəqil Malaqasi Respublikasının (1960-cı ildən), Madaqaskar Demokratik Respublikasının (1975-ci ildən) paytaxtı olmuşdur. 1992-ci ildən Madaqaskar Respublikasının paytaxtıdır.

Əhalisi 1,4 mln. (aqlomerasiyada 1,6 mln., 2005).

Qədim tikililər, tarixi abidələr müasir Avropa tipli binalarla ahəngdarlıq yaratmışdır. Şəhərin hündür hissəsində (Ruva rayonu) kral iqamətgahı, saray tikililəri yerləşmişdir. Antananarivu üçün kiçik mərtəbəli evlər xarakterikdir. Mərkəzdə (Anusi gölü ətrafı) müasir inzibati binalar inşa edilmişdir. Tarix muzeyi (1897), milli arxiv (1958), milli kitabxana (1961), Hira Qasi xalq teatrı, “Antananarivu teatr” və s. var. Malaqasiya EA (1902), universitet (1961), botanika bağı, rəsədxana və s., avtomobil və dəmiryol qovşağı, beynəlxalq aeroportu (İvatu) var. ^[2]