Antuan Jerom Balar

Antuan Jerom Balar
Antoine-Jerome_Balard
Doğum tarixi	30 sentyabr 1802
Doğum yeri	Monpelye (Fransa)
Vəfat tarixi	30 mart 1876
Vəfat yeri	Paris (Fransa)
Elm sahəsi	kimya
İş yerləri	Praktik Ali Elmlər Məktəbi, De Frans Kolleci (1851–1876)
Üzvlüyü	Fransa Elmlər Akademiyası, Turin Elmlər Akademiyası (1836-cı ildən)
Mükafatları
Vikianbarda əlaqəli mediafayllar

Antuan Jerom Balar (fr. Antoine-Jérôme Balard; 30 sentyabr 1802 – 30 mart 1876) — fransız kimyaçısı, 1844-cü ildən Paris Elmlər Akademiyasının üzvü.

Həyatı

Antuan Jerom Balar 1802-ci il sentyabrın 30-da Monpelyedə anadan olmuşdur. 1826-cı ildə o, Monpelyedə əczaçılıq fakültəsini bitirmiş və 1834-1836 illərdə əczaçı kimi çalışmışdır.. O 1836-1845-ci illərdə Əczaçılıq Məktəbində və Monpelye Universitetində, 1845-ci ildə Sorbonnada, 1846-1851-ci illərdə Parisdəki Ali Normal Məktəbdə və 1851-ci ildən isə Kolleci de Fransda. dərs demişdir.

Elmi fəaliyyəti

Elmi tədqiqatın əsas sahəsi qeyri-üzvi kimyadır. (1826-cı ildə o Aralıq dənizi duz mədənlərinin duz məhlullarını tədqiq edərkən murid( lat.muria – duzlu məhlul) adlı yeni element kəşf etmişdir. Paris Elmlər Akademiyasının J.L.Gey-Lyussak və L.J.Tenarın daxil olduğu Komissiyası Baların yeni kəşfini təsdiq etmiş, lakin adı uğursuz olduğu üçün, yeni “Bromo” adını təklif (yunanca bromos üfunətli deməkdir) etmişlər. 1830-cu ildə London Kral Cəmiyyəti alimi ən yüksək mükafatlardan biri olan Kral medalı ilə təltif etmişdi. O 1834-cü ildə Javel suyu və əhəngin tərkibini müəyyn etmişdi. Fransız kollecində kimya kafedrasına rəhbərlik məsələsində O.Loranın namizədliyinə baxmayaraq Baların seçilməsi zamanı Ş.Jerarın söylədiyi "Balar bromu deyil, brom Baları kəşf edib" ifadəsi o zaman çox geniş yayılmışdı. Balar 1844-ci ildən Paris Elmlər Akademiyasının üzvü, 1862-ci ildə isə Fransa Kimya Cəmiyyətinin prezidenti olmuşdu.

Mənbə

• Волков В.А., Вонский Е.В., Кузнецова Г.И. Выдающиеся химики мира. – М.: ВШ, 1991. 656 с.
• Большая советская энциклопедия. В 30 тт.