Anya Nissen

Vikipediya, azad ensiklopediya
Jump to navigation Jump to search
Anya Nissen
ing. Anja Nissen
Anya Nissen Avroviziya 2017-nin açılış mərasimində
Anya Nissen Avroviziya 2017-nin açılış mərasimində
Ümumi məlumatlar
Doğum adı Anya Nissen
ing. Anja Nissen
Doğum tarixi (26 yaş)
Doğum yeri Yeni Cənubi Uels, Avstraliya
Vətəndaşlığı Avstraliya Avstraliya
Danimarka Danimarka
Musiqiçi məlumatları
Fəaliyyəti müğənni, bəstəkar, rəqqasə, aktrisa
Fəaliyyət illəri 2002–h.h.
Janr
Albom şirkəti Universal Music Group
Əlaqələri will.i.am, Olli Murs
anjanissenmusic.com
Vikianbarın loqosu Vikianbarda əlaqəli mediafayllar

Anya Nissen (ing. Anja Nissen; d. 22 sentyabr 1981, Yeni Cənubi Uels, Avstraliya) — Danimarka mənşəli Avstraliya müğənnisi, bəstəkar, rəqqasə və aktrisa. O, Avstraliyanın The Voice səs yarışmasında qələbə qazanmışdır. Qalibiyyətinin ardınca müğənni Avstraliyanın Universal Music Group albom şirkəti ilə anlaşma imzalamışdır. 2015-ci ildə Britaniya müğənnisi Olli Mursun Never Been Better turu çərçivəsində Avstraliyada keçirilən konsertdə Anya müğənnini səhnədə müşaiyət etmişdir.

Anya Nissen "Never Alone" mahnısı ilə Danimarkanın DR telekanalının Avroviziya Mahnı Müsabiqəsi üçün təşkil etdiyi Dansk Melodi Grand Prix 2016 milli seçim turuna qatılmış və nəticədə ikinci yeri tutaraq, Avroviziya iştirak hüququ əldə edə bilməmişdir. Növbəti il müğənni yenidən seçim turuna qatılmış və bu dəfə ifa etdiyi "Where I Am" mahnısı ilə şouda qələbə qazanmışdır. Həmin mahnı ilə Anya Danimarkanı 2017 Avroviziya Mahnı Müsabiqəsində təmsil etmişdir.

Həyatı[redaktə | mənbəni redaktə et]

Anya Nissen 6 noyabr 1995-ci ildə Avstraliyanın Yeni Cənubi Uels ştatında, dağlıq bölgədə anadan olmuşdur. Anyanın valideynləri Danimarkalıdır və onlar gənc yaşlarında öz doğma vətənlərindən Avstraliyaya köçmüşdürlər. Anyanın eyni zamanda böyük bacısı da var. Anya təhsilini 2013-cü ildə başa vurmuşdur. O kiçik yaşlarından məktəbdə keçirilən bir çox musiqi yarışmalarında iştirak etmişdir.

Musiqi karyerası[redaktə | mənbəni redaktə et]

Başlanğıc[redaktə | mənbəni redaktə et]

2008-ci ildə Anya Nissen Avstraliyanın məşhur Australia's Got Talent məharət yarışmasında iştirak etmiş və yarışmanın yarımfinal mərhələsinədək yüksələ bilmişdir. Həmin yarışmada iştirakından sonra Anya bir çox televiziya şoularına qatılmışdır. O eyni zamanda Danimarka şahzadəsi Merinin müşaiyəti ilə Danimarkanın himnini səsləndirmişdir.

2014–2016: The Voice Australia[redaktə | mənbəni redaktə et]

2014-cü ildə Anya Nissen Avstraliyanın The Voice səs yarışmasının iştirakçısı olmuşdur. Yarışmada qələbə qazanan Anya yarışmada bitdikdən sonra Anja Nissen adlı debüt albomunu təqdim etmişdir. Albomda müğənninin The Voice səs yarışmasında ifa etdiyi mahnılar yer almışdır. Daha sonra Anyanın Amerikalı musiqiçilər will.i.am və Kodi Uays ilə birlikdə ifa etdiyi "I'm So Excited" mahnısı pərəstişkarlarına təqdim edilmişdir. Mahnı musiqi tənqidçilərindən qarışıq rəylər qazanmışdır. Mahnının təqdimatından sonra Anya Danimarka və Los-Ancelesdə debüt albomunun hazırlıqlarına başlamışdır.

2015-ci ilin avqust ayında Anya "Triumph" adlı növbəti sinqlını çıxarmışdır. Həmin mahnı ilə müğənni The Voice Australia 2015-də çıxış etmişdir.

2017-hal-hazırda: Avroviziya Mahnı Müsabiqəsi[redaktə | mənbəni redaktə et]

Anya Nissen "Never Alone" mahnısı ilə Danimarkanın DR telekanalının Avroviziya Mahnı Müsabiqəsi üçün təşkil etdiyi Dansk Melodi Grand Prix 2016 milli seçim turuna qatılmışdır. Anyanın seçim turunda ifa etdiyi mahnı 2013 Avroviziya Mahnı Müsabiqəsinin qalibi Emmili de Forest tərəfindən bəstələnmişdir. Anya həmin mahnı ilə seçim turunda ikinci yeri tutaraq, Avroviziya iştirak hüququ əldə edə bilməmişdir. Növbəti il müğənni yenidən seçim turuna qatılmış və bu dəfə ifa etdiyi "Where I Am" mahnısı ilə şouda qələbə qazana bilmişdir. Həmin mahnı ilə Anya Danimarkanı Ukraynanın paytaxtı Kiyevdə keçirilən Avroviziya 2017-də təmsil etmişdir.[1] Uzun məşqlərdən sonra Anya 11 may tarixində baş tutan müsabiqənin yarımfinal mərhələsində 8-ci nömrə altında səhnə almışdır. Nəticədə 101 xalla 10-cu yerdə qərarlaşaraq, final mərhələsinə vəsiqə qazanmışdır. Müsabiqənin finalında bir daha öz mahnısını ifa edən Anya 26 ölkə təmsilçisinin mübarizə apardığı şouda 77 xal toplayaraq, 20-ci yerdə qərarlaşmışdır.

Diskoqrafiya[redaktə | mənbəni redaktə et]

Sinqllar[redaktə | mənbəni redaktə et]

Mahnı adı İl
"I'm So Excited"
(will.i.am və Kodi Uays)
2014
"Triumph" 2015
"Never Alone" 2016
"Where I Am" 2017

İstinadlar[redaktə | mənbəni redaktə et]

  1. "DENMARK: SELECTS ANJA NISSEN FOR THE EUROVISION SONG CONTEST 2017". Eurovoix. 25 fevral 2017.

Xarici keçidlər[redaktə | mənbəni redaktə et]

Əvvəlki:
Lighthouse X
"Soldiers of Love"
Danimarka Avroviziya Mahnı Müsabiqəsində
EuroDinamarca.svg

2017
Sonrakı:
Rasmussen
"Higher Ground"