Aqşin Abdullayev (hərbçi)

Vikipediya, azad ensiklopediya
Jump to navigation Jump to search
Aqşin Abdullayev
Aqşin İsmayıl oğlu Abdullayev
Aqşin Abdullayev.jpg
Şəxsi məlumatlar
Doğum tarixi 1 oktyabr 1982(1982-10-01)
Doğum yeri
Vəfat tarixi 25 fevral 2017(2017-02-25) (34 yaşında)
Vəfat yeri
Dəfn yeri
Vətəndaşlığı
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Rütbə
Azərbaycan Silahlı Qüvvələrinin Quru Qoşunlarının mayoru.png Mayor
Döyüşlər Aprel döyüşləri (2016)
Azərbaycan-Ermənistan münaqişələri (2017)
Təltifləri "Şücaətə görə" medalı — 2017 "Qüsursuz xidmətə görə" 2-ci dərəcəli medalı "Qüsursuz xidmətə görə" 3-cü dərəcəli medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı

Aqşin İsmayıl oğlu Abdullayev (1 oktyabr 1982, Kiş, Şəki rayonu25 fevral 2017, Xocavənd rayonu) — Azərbaycan Silahlı Qüvvələrinin mayoru, 2017-ci ildə Azərbaycan-Ermənistan təmas xəttində ermənilərin təxribatının qarşısını alan zaman şəhid olub, "Şücaətə görə" medalına layiq görülmüş ilk hərbçi.[1]

Həyatı[redaktə | mənbəni redaktə et]

Aqşin Abdullayev 1982-ci il 1 oktyabrda Şəki rayonunun Kiş kəndində anadan olub. 1988-ci ildə Şəki rayonu, 4 saylı Kiş kənd orta məktəbinə 1-ci sinfə daxil olmuşdur. Məktəb illərindən onun arzusu hərbçi olmaq idi. 1999-cu ildə orta məktəbi əla qiymətlərlə bitirən Aqşin həmin il Bakı Ali Hərbi Məktəbinə qəbul olmuşdur. 2003-cü ildə Ali Məktəbi qurtarmış və növbəti bir ildə TTM-də (Tədris Təlim Mərkəzi) təhsil almışdır. Aqşin 2004-cü ildə ailə həyatı qurmuşdur. Onun Amin, Nərmin və Ömər adlı üç övladı var.

Hərbi xidməti[redaktə | mənbəni redaktə et]

Aqşin Abdullayev 2003-cü ildə leytenant, 2005-ci ildə baş leytenant, 2009-cu ildə kapitan və 2013-cü ildə mayor hərbi rütbələrini almışdır.

2004-2017 ci illər ərzində respublikanın müxtəlif yerlərində yerləşən hərbi hissələrdə əhəmiyyətli vəzifələrdə xidmət göstərmişdir. Son vəzifəsi xidmət göstərdiyi hərbi hissənin kəşfiyyat rəisi olmuşdur. Xidmət illərində göstərdiyi şəxsi şücaətinə, nümunəvi xidmətinə görə çoxlu sayda medal və fəxri-fərmanlarla təltif olunmuşdur. Xidməti boyu qüsursuz xidmət göstərən mayor Abdullayev "Qüsursuz Xidmətə Görə" 3-cü dərəcəli (10 illik qüsursuz xidmət) və "Qüsursuz Xidmətə Görə" 2-cü dərəcəli (15 illik qüsursuz xidmət) medalları ilə təltif olunmuşdur.[2] O həmçinin "Azərbaycan Respublikası Silahlı Qüvvələrinin 90 illiyi (1918-2008)" və "Azərbaycan Respublikası Silahlı Qüvvələrinin 95 illiyi (1918-2013)" Yubiley medalları ilə təltif edilmişdir.

2016-ci ilin aprel döyüşləri zamanı - şəxsi heyətin qarşısına qoyulmuş döyüş tapşırıqlarının yerinə yetirilməsində fərqləndiyinə görə fəxri-fərmanla təltif olunmuşdur.

Mayor Aqşin Abdullayev 2017-ci il 25 fevralda, Fevral döyüşləri zamanı şəhid oldu. Nəşinin neytral zonadan götürülməsi üçün erməni təcavüzkarlarının ağır şərtlər irəli sürməsinə baxmayaraq fevralın 27-də onun və özündən başqa şəhid olan daha dörd nəfərin nəşi neytral ərazindən götürülü. Fevralın 28-i isə Aqşin Abdullayev doğulduğu Şəki rayonunun Kiş kəndində son mənzilə yola salındı. Dəfn mərasiminə on mindən yuxarı rayon sakini ilə yanaşı, şəhidin qulluq etdiyi hərbi hissənin əsgərləri və zabitləri, Azərbaycan Respublikası Müdafiə Nazirliyinin nümayəndələri, respublikanın müxtəlif bolgələrindən gəlmiş vətəndaşlarımız və şəhidin tabeliyində xidmət göstərmiş əsgərləri qatılmışdı. Müdafiə Nazirliyinin Hərbi Orkestrinin müşaiyəti ilə keçən dəfn mərasiminin sonunda yaylım atəşi açıldı və mayor Abdullayev uğrunda şəhid olduğu torpağa tapşırıldı.

Xatirəsi[redaktə | mənbəni redaktə et]

2019-cu ilin fevralında Şəkidə Aqşin Abdullayev haqqında Kamil Adışirinovun müəllifi olduğu "Həyatı nəsillərə örnək olan qəhrəman" kitabının təqdimatı keçirilib.[3]

2019-cu ildə Beyləqanda şəhidə həsr edilmiş ARB Şəki televiziyasının istehsalı olan "İmtahan" filminin təqdimatı keçirilib. Filmin rejissoru İlham Əfəndidir.[4]

2019-cu ildə Şəkidə şəhidin adını daşıyan küçənin açılışı olub.[5]

Təltifləri[redaktə | mənbəni redaktə et]

İstinadlar[redaktə | mənbəni redaktə et]

  1. ARB Şəki. "Şəhid Aqşin Abdullayev "Şücaətə görə" medalı ailəsinə təqdim edildi" (az.). Youtube.com. 08.04.2017. İstifadə tarixi: 2017-04-08.
  2. ARB Şəki. "Bu gün şəhid Aqşin Abdullayevin doğum günüdür" (az.). Youtube.com. 01.10.2018. İstifadə tarixi: 2018-10-01.
  3. İnterAz. "Şəkidə "Həyatı nəsillərə örnək olan qəhrəman" kitabının təqdimat mərasimi keçirilib" (az.). Youtube.com. 15.02.2019. İstifadə tarixi: 2019-02-15.
  4. ARB Şəki. "Şəhid Aqşin Abdullayevə həsr olunmuş "İmtahan" filminin təqdimati olub" (az.). Youtube.com. 26.02.2019. İstifadə tarixi: 2019-02-26.
  5. ARB Şəki. "Şəhid Aqşin Abdullayevin adını daşıyan küçənin açılışı olub" (az.). Youtube.com. 01.10.2019. İstifadə tarixi: 2019-10-01.
  6. "Yeni təsis edilmiş "Şücaətə görə" medalları təqdim edilib". www.mod.gov.az (Azərbaycan Respublikası Müdafiə Nazirliyinin rəsmi saytı) (az.)). 08.05.2017. 2021-08-06 tarixində arxivləşdirilib. İstifadə tarixi: 08.05.2017.

Xarici keçidlər[redaktə | mənbəni redaktə et]